Biblia Todo Logo
La Biblia Online
- Anuncios -




DUNGWVNC 12:29 - Hawa Naga Bible 2001

29 Raungwvrx htungx nuex Yehowa rueq Ejip mungx wawc miqwaz saz pekhux lotlaz maq phaungc vtueq hokhvmx hoc nuex duic jix hokhvmx waz saz pekhux waz maq, khoktep nuex httaz yaq jix saz pekhux waz nuex httuiuc laz muinz, nyvmx saz kungkhux vnyuiuz lotlaz muinz thvt gay tueq.

Ver Capítulo Copiar

ASII LAKDAP Bible (BSI)

29 Rawa wathung wakham na Tatiwe raq Ejip mung wa chhikhusetiim ka wiita tsat baiqto. Hokhamwe se hokham ma shong chang kriimaq phaho raüta longsha phaqtek mong na sitiwe shumwiwe se miitaq kun kun tsatbaiqto. Kiimaq nyamse chhikhu anyung thun kriimin wiita tsat baiqto.

Ver Capítulo Copiar




DUNGWVNC 12:29
27 Referencias Cruzadas  

Yuq muinz tsuingshiq muex dax tvyaungc yaq mungtan wawc miqsaz htenc kuex ngaz rueq murx tvgurc shaungx, kvruex pungmungx kvmaq waung wvnc ruiux yuq tsuingshiq rueq hup vsvmx paunghvlc lvmz wvnc vtueq waung wvnc tuex.


Miq kuex raungwvrx nuex vhuingc rvhek laz maq thueyc kaz yaq. Tishox rueq miqsaz kuex wung tvrul koq tueq, tsuingshiq bac wvnc tueq; vpiq rueq hungc vlaungc httaz hvlc jix kuex yoalx rek rek thvt gay yaq.


Ejip mungx yuimx kac tek wawc pekhux sahez htenc kuex thvt gay tueq.


Ejip mungx wawc miq nuiyc nyvmx saz pekhux, nyuiuz khux saz lotlaz kuex vpiq rueq thvt gay tueq.


Vpiq rueq Ejip miqsaz pekhux sahez kuex thvt gay tueq; vpiq lungwawc kuex pattup httax yaq.


Vpiq rueq vpiq thuinkhvy kuex tvsuingx muq maq, tsuingshiq rullungx kuex khunnyerc tvsac muq maq, thuimkux vthuiuz vsac maq tsuingshiq kuex thvt gay tueq.


Ejip mungx yuimx kac tek wawc pekhux miqwaz sahez kuex vpiq rueq thvt gay tueq.


Yehowa rueq Moshe muex ngoc, “Ngaz rueq Ejip hokhvmx waz nuiyc piq miq htenc muex murx phvnx shiz dvyx shex tvgurc shaungx. Kvruex yimaq jix piq rueq nuimshiq kuex tvkaz kv-phuinx. Vsuing, nuimshiq lotlaz kuex vruex mungx vwawc yurc gay kv-phuinx.


“Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.


Kvruex yimaq tsuingshiq kuex kaz wvnc vtueq Yehowa rueq Moshe nuiyc Arun muex nvr tueq kvkhoc rvwuez tueq.


Ejip hokhvmx waz khux tvtsanz vtueq naungshiq tvkaz muq tvlvlc lvy ningkhvnc nuex Yehowa rueq Ejip mungx wawc miqsaz nuiyc nyvmx saz pekhux htenc kuex thvt gay tueq. Kvkhoc rvtueq naungshiq rueq nyvmx saz vphaungc vnyuiuz vpung maq Yehowa muex shomc kuq vshix, yuq muinz naungshiq miq pekhux waz htenc kuex tvyez daungc yek vshix.


Isaz rueq ngaz muex nawk palx tvkoc ngaz rueq jungx vphaungx, yuq muinz mnoz rueq tvkaz muq. Majuiuc ngaz rueq msaz pekhux waz kuex thvt gay shaungx,’ ngoz tueq ngoz wuex,” ngoz tueq jungx shuiuz.


Nvp yix raungnuiyq Yehowa vpiq rueq jungx tueq rulc rv-ngvlc ruez koq tueq, Ejip nyvmx saz lotlaz thueyc kaz tueq, yuq muinz Israel nyvmx saz kuex kuiux shiz muinz thueyc muq.


Tishox rueq ghaqkhurx mungx nuex suinx gay tueq khoktep miqsaz htenc ikhoc hokhvmx bix htenc kuex tvjomx taq gay shuex. Vpiq rueq tsuinghez muex murx tvgurc vkhing max httuiuc wawwawx khoktep nuex suinx gay shuex.


“Mnoz muex khaq raq jix kuex dvy sumx wvnc vtueq yvlc svy lvmz kuex tuiuz wvnc shuex. Mnoz khvt jix kuex thueyc mvy wvnc tuex


Khoktep nuex httax yaq jix kuex mtanc rvmuq nuex dung tuex; tsuingshiq kuex khoktep nuex thueyc muq shex tsuingshiq muex rax yaq phuiuz vsvy lotlaz lvp shuex.


tsuinghez rueq ngaz kuex yuix tumz wawc tvdung het phuex. Kvruex yimaq ngaz kuex hoc wangx mungx kuex shauk gay phuex.


Kvkhoc rvtueq tsuingshiq rueq ngaz kuex shvlx laq vtueq ruiuz maq khvrc ruiux hokhvmx wangx wawc hokhvmx waz saz Malchia yuix tumz mungx nuex htawc gay phuex. Kvruex yuix tumz kuex yuix vguez, bokbiq dvyx rvtueq, ngaz kuex kvyuq htuip wvnc tauk.


Vpiq rueq vpiq max nuex vthuiuz vsac thuimkux kuex tvkaz ruiux vpiq yix nuex vthueyc rueq phvnc naungc tvkoc nvr tueq.


Yehowa rueq, “Shomc nawk juing tvguiy maq mal htuinc vtueq, nuimshiq rulc ngaz rueq vtvhungx bomkhvrc kvmaq ngaz rueq nuimshiq miqsaz htenc kuex tvdung wvnc phaungx, yuix vguez ghaqkhurx ngoz yaq vthuq lvy rvhumc tuit wawc tvdung wvnc phaungx.


Ekvkaq Ejip miqsaz kuex Yehowa rueq thvt gay tueq miqwaz pekhux htenc kuex shuz luip wuez yaq. Ekvkhoc murx tvgurc ningkhvnc nuex Yehowa kuex Ejip phvnx tishox htenc htauk nuex muinz luimc vkawc yungx yaq lvmz tvkhic kuq tueq.


Ngaz rueq Ejip mungx wawc pekhux htenc tvthueyc gay tauk nuex Israel miqsaz pekhux htenc nuiyc nyvmx saz nyuiuz phaungc htenc kuex ngaz rueq guimz vtueq pungx thvlc thvl taq wvnc tauk.


Israel miqsaz wawc pekhux sahez kuex Tvthueyc jix Kamx waz rueq thvt gay muq juing piq kvmluimx vtueq Tvlvy Wvnc Moalx tvhungx ruiux kaluix daungx jungx nuex tvguiy maq tvbuit tueq.


Nuimshiq kuex raungmungx wvlwvlc nuex lomx jix pekhux sahez vkoz vkez maq rvtuimx kvyuq httuiuc wvnc wuez vtuinx. Nuimshiq kuex miq lotlaz muex khac phoc kuy jix waz Tishox kox nuex muinz, tvhungx tvhtaungx rvhumc tueq tsuingrux jix htenc siyac kox nuex muinz httuiuc wvnc wuez vtuinx.


Síguenos en:

Anuncios


Anuncios


¡Síguenos en WhatsApp! Síguenos