AJONJÜ 1:9 - ASII LAKDAP Bible (BSI)

⁹ Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

Hawa Naga Bible 2001

⁹ Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

AJONJÜ 1:9 Referencias Cruzadas

2 SAMUEL 16:12

Jursap Tatiwe raq, ngi chamchao ka michhi laq. Raüta apaiq raq manson tlaq kra lana, ngi ma phanshi ra achu shiimantiq mikuqlaq.”

2 HOKHVMX 14:26

Tatiwe raq phiiptsi jiiptsi Israilnok mung chamchao wantaq kra chhito. Tsangshiq khrum keti maiq ka jumin ahü riito.

NEHEMIA 9:32

“O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!

Tvtsvmc 119:153

Ngi chamchaorai tiikang ara liilaq, laüta ngi ara chhiilaq, jamkhano ngukla ngi raq ümtri ka shipoq mang riikang.

Tvtsvmc 140:8

Tati lei, abi maiqse raq jamlai wa rittlaq kra naq kuqkiq; tsangshiq thiikho thutlaq kiijaq naq tiideakiq.

Tvtsvmc 25:18

Ngi litkotkaidi chamchao homa thun ara liikuqlaq laüta ingarai homa thun ka diibaiqlaq.

Tvtsvmc 69:21

Iramtsi raq tsaikang na, tsangshiq raq ngi ma maiqchok chang khoti kuqto; letsi raq tsaikang na, tsangshiq raq ngi ma akhapwiq lai che khoti kuqto.

DUNGWVNC 3:17

Ngi raq tsangshiq ka Ejip mung na ümtinkhan wa haihii raüta tiichamchaotlaq kiiwa ahin niishe mitsuq wanha nguta thimi wankang she. Lata tsangshiq ka hiqpo hiqwin mung niishe Kanannok sichang, Hitaiqnok sichang, Amoraiqnok sichang, Perijaiqnok sichang, Hiwaiqnok sichang, kiimaq Jebusaiqnok sichang mung niishe mitsuq wanha.

DUNGWVNC 3:7

Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

THARC TVLUINGC 4:1

Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 37:17

Ümchaü min, Tatiwe lei, naishiq achu jaü ara tailaq. Laüta naishiq ma jamlai mra wa pinwantaq kra liilaq. Sennacherib raq ümnaq atra Shiikeawe ma shumtsü miitsü bombi ümchuwa kuqtlaq kra tiitsang tailaq.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 37:29

Ngi raq ümnaq hokho tlaü thun kra, kiimaq ümnaq shiikongsiq tlaü thun kra, tsütsa ka lapwan kang she. Riita ümchaü min Ngi raq ümkhü na jin raükom miishe miwa kang. Lata ümnübok na kumrang nübok na tiikaq chang jinpo kriishe mitiikaq kang. Lata ümnaq ana ümra lam mo kilaü kra lam phan phan hali mishea wan nong kang.”

ISAIA 37:4

Asiria mungti hokham ajongwe raq asengi ajong pinthum siihiipwe ka atra Shiikeawe tiishummiikai tiikito. Riita Tatiwe üm Shiikeawe raq atinkhan shummiitlaq kra mitailaq. Raüta arthun bomtsi ngotibi ka apaiq raq mo mitiiholaq. Arningkhan Shiikeawe jaq wa achu jaülaq nashiqnok ümchuwa atra sitlaq thun kra miitu.”

ISAIA 40:2

Jerusalemti ma tsaiji dokuq ronglaq. Tsangshiq ma chonglaq, tsangshiq luhea she chamchaoto, kiimaq tsangshiq ngarai thun ka ümchaü diibaiqto she. Ngi raq tsangshiq ngarai homa kra khan khan hongli mo tiihokang she.”

ISAIA 47:7

Ümniiraq ümniika pattup pat-sa hokham nyungli mijaha nguta tiimasiqlaü, laüta arthun bomtsi arka akhiismin ümtsan na riiwea wan maü riilaü, riimakla jaimaq tri ka jamno sup wanjiiq kriika tiimara maü riilaü.

ISAIA 51:19

Ümniima mo tiiho ka thap nai maq thap raütiishe tiihotlo; Ümmungtan ka redong na botkhulai rai shotbaiqto, kiimaq ümsenginok ka ram raq jiimto. Ümniima mangchan tiichhiketi ka jumin ahü.

ISAIA 54:11

Tatiwe raq ngutlo, “O Jerusalem lei, ümniika chamchaotlaü, ngila nguraü chela, ümnaq tiijaiqti maiq jumin ahü. Ngi raq üm jamkhü ka athü tsinhea longseng maq mihai wanha.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

JEREMIA 16:7

Maiqmii jamti tsaiki raü min, apaiq rai adam na ngaraüta tsaido jido mangchan tiichhiketi abom damti maiq ka jumin ahü she miraq. Anyung lo riimakla awe lo tsaikaiti miimin tsaiji tiijong ma riibom damwati maiq ahüshe miraq.

JEREMIA 2:34

Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,

JEREMIA 48:26

Tatiwe raq nguto, “Mob ka che ma tiichok laq, jamkhano ngukla apaiq raq ikiq khiito. Mob ka apaiq phai raitaq kriithaq kiijaq akap atsea miküliisiq laq. Kiimaq maiq raq apaiq ka chhi raüta minai küsiq.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 50:29

“Liq shamti sreabi kiima Bebilon mung ka khat rong laq nguta chong rong laq. Maiq loweatek jurwa liqsham atsinti thun ka tarü rekhat wa tiiwa ronglaq. Lanta chela ka trotam maq kom ronglaq. Lanta chela mong wa maiq ka ashi min tiijubaiq raamak. Apaiq raq jamlai wa abi klo wantaq kra tham ka apaiq ma thamkuq ronglaq. Apaiq raq nanok ka jamkho haihiitaq kra phan phan apaiq kiimin haihii ronglaq. Jamkhano ngukla apaiq raq Ngi, Israilnok Rümti Asiiwe ka roi raüta shiikongkhiq maq ajiq kiimungto.

AJONJÜ 1:17

“Ngi khrumkuq wa rong ra, nguta hoqtiikang, shatmaq ngi khrumti jumin ahü. Tatiwe raq ngi ngengti chiqse rewe, mangrap mangrii hea wanto. Tsangshiq tarü raq ngi ka, ashe ashi apiichang kheatam ikhlishe liitlo.

AJONJÜ 1:21

“Ngi hannyi tailaq, ngi khrumti jumin ahüshe. Ümniiraq ngi ma waqkhükham tiinyang laü, irewe thun ka chochikhiq she. Ümniiraq khamkuq laü ranaiq ira tiisaü laq, ijaqtinok kiimin ngi akhiisii michamchao laq.

AJONJÜ 2:13

Itsan imong tsi chang Jerusalem lei, ngi raq ümniima jamlai wa michongha? Ngi raq ümniika jamkho mitiijaiq ha? Ümnaq chamchao akhiika, jumin chamchao mak dea. Ümnaq chamchao arka, sammoktra chum jong ikha jonghea, aran phan chang ahü she.

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

AJONJÜ 5:1

O Tatiwe lei, naishiq jamkho thenjen wan kai, kra ümtsan na tiitsang laq. Naishiq khushü jam tlaq ara liilaq.

Hosea 2:14

Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

JEPHANIA 2:10

Mob nai Ammon mungti raq, tsangshiq shiikong kumrong tiichhi raüta, Tati Shiikeawe Ningkun Ajong Pinthumwe sengi, shummii wantaq thiitham jaq maq ka, ara moho arshe milap wan.

John 11:19

Krai mren, ano tsaijai Martha nai Meriq ma tsaido jido, majo bom chongke kai akirai, nokmaiqse ka pahea asi.

TRI CHONGKE 26:7

Kiijiishe nashiq ka Tatiwe natitiim Shiikeawe jaq wa khrum achu jaü hoq trangkai. Apaiq raq nashiq achu jaü ka taito. Kiimaq nashiq chamchao, litkot, kiimaq tsaija chhunja chamchao ka chhito.

TRI CHONGKE 32:27

Shatmaq Ngi raq tsang jaqtinok ka tiishkonglot mang, tsangshiq raq isenginok tiinamtok khatto nguta, shatmaq tsangshiq ka Ngi raq ijaq maq tiinamtok atiikhat baiqha.’

TRI CHONGKE 32:29

Tsangshiq ka re raq jamkhano tang wantaq kra takmak; tsangshiq ka jamkho miq wantaq kra tak mak.

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!

1 SAMUEL 1:11

Hanna raq sinkhamto. Raüta akha achu jaüto: “Ajong Pinthum Tatiwe lei, ngi ümdise ara liilaq! Ngi chamchao ara liilaq laüta ngi ka ümtsan mong na thülaq! Ngi naqlaqkiq! Ümniiraq ngi ma maiqwe se la kuqhaüla, ngi raq apaiq ka rilung pattup ümnii miitu mikiinong kuqha. Krai mren apaiq raq rilung pattup akhu sihü maq misi.”