AJONJÜ 1:10 - ASII LAKDAP Bible (BSI)

¹⁰ Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

Hawa Naga Bible 2001

¹⁰ Piq ralx hez rueq piq tsak vnyvmx lotlaz nyvlc wvnc tueq. Piq rueq mungganc miqsaz nyuip muq tvkoc Yehowa rueq vtvwanc taq Shomc Yuimx nuex tsuinghez nyuip waung yaq kuex piq rueq khiz tueq.

AJONJÜ 1:10 Referencias Cruzadas

2 KAÜWA WERAÜ 36:18

Bebilon mung hokhamwe raq Shomjam ka runto, kiimaq Shomjam wa tsiiq nai nyam tum thun kra runto, kiimaq hokhamwe tsiiq tum kiimaq asengi ajong alabi thun tsiiq tum thun kra thum thum runto. Raüta Bebilon mung na hophaq wanto.

NEHEMIA 13:1

Kra akhing na, Mosheq Thungtri ka, mungmaiqse ma tiihong raüta phat kuq wanto. Kra phat kuq wan tlaq akhing na, lakdam kom na, Ammonnok nai Mobnok ka, Shiikeawe sengi phungtu na tiishang dam maimak, kiimaq noqku na tlom wandam maimak, nguta aming khathütaq lakjaq kriishe phat kuqto.

ISAIA 63:18

Naishiq ka, ümsenginok asii maiqsetiim. Jaqlo miitu naishiq jaqtibi raq jobaiqto. Tsangshiq raq ümnaq asii silaitap ka jimaq nishishi nibaiqto.

JEREMIA 15:13

Tatiwe raq ngi ma nguto, “Ngi raq re tiiki lata, Isenginok tsiiq tum thun kra mitrun wanha. Tsangshiq raq armung na ngarai pahea tangtaq kriikha na mo mitiihoha.

JEREMIA 20:5

Ngi ara chela na tsiiq nai nyamtum thun sitlaq kra tsang jaqtinok ma mitrunha kiimaq tachong hupsam thun ka wiita mitiinyea wanha. Kiimaq Juda mung wa hokhambi thun tsiiq nai nyamtum thun kriimin wiita thumthum mitiitsuq wanha. Raüta tsangshiq raq kriithun ka Bebilon mung na mihophaq wan.

JEREMIA 27:19

(Ümtiikiiwa Bebilon hokhamwe Nebukadnejar raq Juda mung hokhamwe Jehoiakim se Jehoiachin kiimaq Juda mung wa mung welabi thun kiimaq Jerusalemti tsuq wantaq, kiitiikaq apaiq raq Shomjam wa miiki toqpum kham thun, miiki khamtum, kiimaq thuleng thun, kiimaq Shomjam hupsam ahin thun kra Jerusalem niili baiq thüto.)

JEREMIA 27:21

“Ngi, Tati Ningkun Ajongwe, Israilnok Shiikeawe raq tsiiqtum Shomjam na baiqthütaq nai Jerusalem chela na hokham jam kra miitu bom chong tiikang ara tiitsang tai ronglaq:

JEREMIA 50:28

(Munglu wansha Bebilon mung wa lun wan raüta aju wanti ka Jerusalem na saüto. Raüta tsangshiq raq nashiq Tatiwe nashiq Shiikeawe raq, Bebilon mungti raq Shomjam ka tiithenbaiq kha na, tsangshiq khuthaq na jamkho phuk lamtaq kra tsütsa ka chonghoto.)

JEREMIA 51:51

Namshiq nga, ‘Nashiq khushü ka tiijamto. Kiimaq jea tiingaüto. Nashiq ka ümkoq ümphaq lishe sitiikai. Jammin chhechha lot mai. Pong mungti raq Shomjam mong wa asii khok thun ka wiita jii wanto.’

JEREMIA 52:13

Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

AJONJÜ 1:7

Jerusalem ka apaiq laqlaqse hiqmiq changkhü she, man niiwa jonglu kra tiimatlo, apaiq re jaq na saütaq akhing na, apaiq khrumti jumin ahü she, Ajaqtinok raq apaiq then jen ka, sunghea she slailiito.

EJEKIEL 44:7

Tsangshiq raq pong mungti atho hanhütibi kiimaq Ngi aming lang makti maiq phan ka, Shomjam na Ngi ma nyamse honglu na ataakuq ngampü nai ngam tiijai kuqtlaq akhing na Shomjam mong na tiiwa damtlo. Raüta wiita tiishe baiqto. Raüta isenginok raq Ngi raq tongshong raütu akhakuqha kra akha maiqphai asi jaqsham raüta tri raütu ka jin wanto.

EJEKIEL 7:22

Ngi raq kai lungwii tiikang i Shomjam na thiimeaq kong ka nyap wa raüta tiisheshi baiq raü min, Ngi raq brorii mang she mirha.

EJEKIEL 9:7

Shiikeawe raq tsangshiq ma nguto, “Shomjam ka tiishebaiq rong laq. Shomjam tro na ruk mong na rinkea thun kra wiita maiq maa phong maq tiimabaiq ronglaq. Jaqsham ka phatlo rong liishe!” Krai mren, tsangshiq raq chela mong wa maiq thun ka jiipbaiq phahoto.

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

TRI CHONGKE 23:3

“Amonnok phan riimakla Mobnok phan wa riimakla tsangshiq lai ala phan wa, maiq ka maiq pat pat roqshi na saüli, Tatiwe sengi phungtu na tlomdam maimak.

TRI CHONGKE 23:4

Jamkhano ngukla tsangshiq raq ümniika Ejip mung wa laü wan laü akhing na, tsangshiq raq lam maq ümniima lamsea kuq mak dea kiimaq khu akham min kuq nyang mak dea riito. Kiimaq tsangshiq raq Beor se Balaam ka Pethor chela Mesapotamia mung na sitiwe kra üm khuthaq na manson miitu shiipto.