AJONJÜ 1:10 - Hawa Naga Bible 2001

¹⁰ Piq ralx hez rueq piq tsak vnyvmx lotlaz nyvlc wvnc tueq. Piq rueq mungganc miqsaz nyuip muq tvkoc Yehowa rueq vtvwanc taq Shomc Yuimx nuex tsuinghez nyuip waung yaq kuex piq rueq khiz tueq.

ASII LAKDAP Bible (BSI)

¹⁰ Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

AJONJÜ 1:10 Referencias Cruzadas

2 KAÜWA WERAÜ 36:18

Babelon hokhvmx waz rueq Shomc Yuimx tsak vnyvmx taungx vwawx, hokhvmx waz nuiyc piq vyungx vlaungx bix taungx vwawx htenc phvnx ruip saz kuex khvt lvp vtueq Babelon nuex yek waung tueq.

NEHEMIA 13:1

Mungx miqsaz htenc muex Moshe Tvrac kuex hung vtueq wvl kuq koq tueq, Ammon nuiyc Moba miqsaz ukhaq muinz Tishox miqsaz htenc rulc mkaq muinz rvhumc rv-phek lvp muq mvy muq ngoz tueq.

ISAIA 63:18

Mnoz muex vsawc miqsaz nuiyshiq rueq yauk lox saz dvyx guimz lvp tiq yix maq nuiyshiq muex ralx hez rueq mnoz vsawc shomc yuimx kuex nuiuz wvnc wuez vshuex.

JEREMIA 15:13

Yehowa rueq ngaz muex jungx phuex, “Ngaz rueq wvmungx tuimx nuex tsuingshiq rueq yaq tueq mvrax ningkhvnc nuex, tsuingshiq muex murx tvgurc tvkoc ngvy miqsaz tsak vnyvmx htenc tvjomx lvmc wvnc muex ralx hez kuex ngaz rueq tvkaz shaungx.

JEREMIA 20:5

Ngaz rueq vruex ghaqyungx wawc tsak vnyvmx lotlaz, ghaqyungx taungx vwawc nuiyc hup vsvmx lotlaz, Yuda hokhvmx bix tsak vnyvmx htenc kuex tsuingshiq ralx hez muex tvlvp gay shaungx, phvnx ruip saz Babelon mungx nuex lvmz wvnc wuez shuex.

JEREMIA 27:19

(Hokhvmx Nebukhadnezar rueq Yuda hokhvmx Jehoiakim saz Jehoiachin nuiyc Yuda mungx nuiyc Yerusalem wawc vshunc shvlc jix walaungx bix kuex Babelon mungx nuex shvlx wvnc tueq nuex, piq rueq nvyrvyx htung htenc, nvyrvyx pankhuix jumx htenc, vdaung juing htenc nuiyc Shomc Yuimx tsak vnyvmx vganc wvyvmc htenc tvjungx taq shec tueq.)

JEREMIA 27:21

“Shomc Yuimx mungx nuex muinz, Yerusalem wawc hokhvmx hoc nuex muinz tvjungx taq shec tueq tsak vnyvmx nuex seng vtueq, Tvphaungc Tvsuip Yehowa, Israel Tishox rueq jungx yaq kvjaz kuex tay wuez shuinz.

JEREMIA 50:28

(Babelon mungx wawc yuz wvnc lvp jix kuilc daz miq htenc kuex Yerusalem nuex httuiuc waung vtueq, Yehowa naungshiq Tishox rueq vpiq Shomc Yuimx kuex Babelon miqsaz rueq tvbac gay ningkhvnc nuex, yvmx khoc lac phuiuq lvmz tvnx kuex tsuingshiq rueq jungx wuez yaq.)

JEREMIA 51:51

Nuimshiq rueq, ‘Shomc Yuimx mungx wawc vsawc baung htenc kuex pungnuk miqsaz muex tvlvp gay tiq ningkhvnc nuex, naungshiq kuex muingc bac vtueq yvlc svy rvhumc vtix,’ ngoz tueq ngoz vshuinx.

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

AJONJÜ 1:7

Majuiuc kuex kvmenc kvjenc bac wvnc tueq, Yerusalem rueq kungkhux wawc piq muingc jungc kuex rvwvl yaq. Piq ralx yauk nuex dvy wvnc tueq nuex, piq muex romc kuy jix vshiz muinz vguez; Piq tvrulc gay jix hez rueq piq rul wvnc tueq kuex nueykuic wuez yaq.

EJEKIEL 44:7

Ngaz muex vpuiz nuiyc tvguiy maq shomc nawk kuy shomc kuq shuinx nuex, ngvy kvjaz phvnx muq pungnuk miqsaz htenc ngoz yaq vhttoar gvnc guez hez kuex tv-nyuip vtueq, ngvy Shomc Yuimx kuex tvshuy shac vshuinx. Kvkhoc rvtueq ngvy miqsaz htenc tsuingshiq rueq shuimx wvnc tueq miqsuirc vsac phvnx htenc lotlaz maq ngvy bomkhvrc kuex tvbac gay tueq.

EJEKIEL 7:22

Tsak vnyvmx hup vsvmx mvrc yaq ngvy Shomc Yuimx kuex tvshuy shac rvhumc vtueq, dakuc hez rueq muinz nyuip tvbac vtueq tvshuy shac gay shuex nuex ngaz rueq khiz mauk tvyaungc shaungx.

EJEKIEL 9:7

Tishox rueq tsuinghez muex, “Shomc Yuimx kuex tvshuy shac gay shuinz. Ruk htenc kvyuq miq maungx maq tvmvrc gay shuinz. Shuimx shuinz shex!” ngoz tueq jungx tueq. Kvkhoc rvtueq tsuinghez rueq ghaqyungx wawc miq htenc kuex thvt phaungc wvnc tueq.

Mark 13:14

“Vkawc yawc suirsac juing tanc khvnc phvnx kuex httax aungx muq baung nuex httax yaq kuex nuimshiq rueq khiz lvp shuinx.” (Luik wvlc lawc jix waz tvkoc tvtsuingc juing vruex lvmz kuex yvmx lac rvtvnx vhvlx waq mtuiuz wuez shueq!) Kvkaq Yuda mungx nuex httaz jix hez kuex ghaq luimx nuex m-yuz wvnc kueq.

TRI CHONGKE 23:3

“Ammon nuiyc Moba miqsaz htenc suiuz vsaz phvnx kuex pat rokshiz nuex httuiuc laz Yehowa miqsaz phungc nuex tvlomx mvy muq.

TRI CHONGKE 23:4

Nuimshiq Ejip mungx maq dung wvnc tuit nuex tsuingshiq rueq nuimshiq muex phuiuz vsvy nuiyc yuix kuex kuq muq ningkhvnc nuex muinz, tsuingshiq rueq Mesopotamia mungx Pethor ghaq wawc Beor saz Balam kuex shap vtueq nuimshiq muex mvnhttonc kuq tueq.