AJONJÜ 1:8 - ASII LAKDAP Bible (BSI)

⁸ Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

Hawa Naga Bible 2001

⁸ Piq tvtsanc nganc kuex vguez shex; piq kuex sawkumx nuiyc vyomc vnamc gay rvhumc tueq. Piq kuex huinc sez vtueq piq htvlx kuex yvlc svy thuiuz muex httuiyq gay tueq. Yerusalem rueq piq shauk pumz kuex vkawc yawc juing mvrax maq tvshuy shac yaq.

AJONJÜ 1:8 Referencias Cruzadas

RAPHA HIQWA LAK 3:7

Tsangnai raq petsi kra sealot ri li she, tsangnai ma atak wan tsantsii ka kuqto. Kiimaq tsangnai ka naiqhü ngutiishe sapto. Kra ningkhan tsangnai raq phupmup jaq thun ka adam na tiidiim chhangto. Raüta kriimaq tsangnai khum ka tiipangto.

1 HOKHVMX 9:6

Shatmaq ümniiraq riimakla ümsaütiim raq ijai phan wan mak she miimbaiq raüla, kiimaq ümniiraq ngi raq akuqha itri raütu thun nai aming thun kra langmaü she jinwan haü jiila, laüta laihin sumla phra thun kriishe shomnoq wan haü jiila,

1 HOKHVMX 9:7

kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.

1 HOKHVMX 9:9

Kiijiishe maiqse raq mitre wan, ‘Arka tsangshiq raq tsangshiq Tatiwe tsangshiq Shiikeawe tsangtitiim ka Ejip mung wa shea wantiwe kra miimbaiq kha na chaphaqto ahata. Tsangshiq ka laihin sumla phraphong wokhong na nyap wan raüta, laihin phra phong ka shomnoq wan kha na chaphaqto. Kra ningkhan tiina Tatiwe raq tsangshiq khuthaq na atinkhan chongthum khama tiiho pha wantaq ara,’ nguta mirchong.”

ISAIA 47:3

Maiq raq ümniika naiqhü ma she michhi; tsangshiq raq ümniika jea ngaü laüta munjuk mijuk she michhi. Ngi raq phuk milamha, kiimaq jurmin Ngi ka shiikhinglot mak.”

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

JEREMIA 15:4

Ngi raq mangjong maiqse tlotli ka tsangshiq miq wantaq kra chhi raüta phiip ma mitiitsaiha, jamkhano ngukla Hejekia se Manase raq apaiq raq Juda mung hokham jawantaq akhing na Jerusalem maq jamlai wa abi klo wantaq, kra kha na, Ngi raq ara klo wan tiikang.”

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 6:28

Tsangshiq ka wiita kunli nilan kong wanshakshak ikiqkhiiti siisaq. Miiki ngam ikha siisaq. Tsangshiq tsantsii ka jinbu ikha tsindang dang siisaq. Tsangshiq tarü ka anam akam kong siisaq. Ashut kiimungti tonglong. Barap binrii na khumshkhum maq shapshaü miqshii tiikonti siisaq.

AJONJÜ 1:11

Asenginok ramlü ramshii haü wanto, Raipo wonglo jamin ahüshe riito. Tsangshiq tsiiq chong nyamchong, tsitsü riichüm miitu phaqsea maq klaito, “Tatiwe lei, ngi ara liilaq, ngi akit ajom riihum kang,” nguta chelati hoqtrang tlo.

AJONJÜ 1:17

“Ngi khrumkuq wa rong ra, nguta hoqtiikang, shatmaq ngi khrumti jumin ahü. Tatiwe raq ngi ngengti chiqse rewe, mangrap mangrii hea wanto. Tsangshiq tarü raq ngi ka, ashe ashi apiichang kheatam ikhlishe liitlo.

AJONJÜ 2:10

Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

AJONJÜ 4:21

Edom mungti lei, kiimaq Uj mungti lei, namshiq ka naisiq rong laq, Chochisiq ronglaq tangtlan khan khan. Namshiq chamchao rahiq akhing minla, misaü wan she. Namshiq minla cheropwe ikha, naiqhü maq maiqthoda holanta michamchao han.

EJEKIEL 23:29

Kiimaq tsangshiq raq ümniika ngengtlo, kra ningkhan tsangshiq raq ümjaq wa ümchuwa tsiiq nai nyan tum rümtlaü thun ka wiita mitsuq wan, raüta ümniika naiqhü ma she mephe nyung ikha kheahü ma mibaiqthü. Ümsethoq ja sükhatsi nai üm mephe ja rilung riishe

EJEKIEL 23:46

Riita Tati Rakaü Hiqwe raq ngutlo: “Mung maiqse phong shea wan laq. Lanta tsangnai ka phiip ajiip ma tiitsai ronglaq. Lanta tsangnai tsiiq anyam ka wiita trunbaiq ronglaq.

EJEKIEL 39:23

Kiimaq maiq mung thun raq, Israilnok pong mung na munglu shumwi siwantaq kriika tsangshiq raq i man na ngarai pahea tang kha siwanto nguta misap wan. Ngi raq imaklii ka tsangshiq pha nü wa ahin nü niishe müwan kang. Lata tsangshiq ka tsangshiq jaqtinok ma tiishaü baiq kang. Lata tsangshiq ka re ma tiitang kang kiimaq tsangshiq ka re ma tiijiipbaiq kang.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.