1 SAMUEL 2:2 - ASII LAKDAP Bible (BSI)

² “Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.

Hawa Naga Bible 2001

² Ukhaq muinz Yehowa ikhoc vsawc jix vguez; vpiq ikhoc ukhaq muinz httax muq, nuiyshiq Tishox rueq ikhoc tvkhup wungx kuy jix ukhaq muinz vguez.

1 SAMUEL 2:2 Referencias Cruzadas

2 SAMUEL 22:3

I Shiikeawe kli ngi ma tiichhiiti, kiimaq ngi ka awokhong na hansang. Apaiq ka ngi tiiwongti liiq; Apaiq raq ngi ka khupwong kuq shat. Apaiq ka chhiiti; Apaiq raq ngi ka tiiwongtlo; kiimaq jasam piqsiiti wa, tiichhii kuqtlo.

2 SAMUEL 22:32

Tatiwe kli dongdii Shiikeawe ka; Shiikeawe kli nashiq tiiwongti.

2 SAMUEL 7:22

Ümniika jonghea pinthum, Tati Rakaü Hiqwe lei! Ümnaq khan ahin ka jumin ahü she. Ümniikli dea Shiikeawe nguta naishiq raq wranaiq she sap wan kai.

1 HOKHVMX 8:23

Raüta akha achu jaüto, “Tatiwe Israilnok Shiikeawe, ümnaq akha phra shiikea ka ramungtan niimin ahü, kiimaq mangjong hiq mong nyang niimin ahü! Ümniiraq ümwokhong na tsapkapkap maq ümbom tai raüta siti ümsenginok ma, ümtongshong kiqkham bomtsi ka riikhaqli maq thütlaü kiimaq ümmangchan tsü ka tsangshiq ma tiichhi kuqtlaü.

Tvtsvmc 111:9

Apaiq raq asenginok ka dokda raüta wase ma tiijato raüta tsangshiq rai pattup pat-sa tongshongto. Apaiq ka asii kiimaq ajong pinthum!

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 18:31

Tatiwe kli dongdii Shiikeawe ka; Shiikeawe kli nashiq tiiwongti.

Tvtsvmc 71:19

Shiikeawe lei, ümnaq kechu ka, ra thun niishe saü wanto. Ümniiraq jaqsham thun jonghea sham wan laü, ümniikhan ahinti jumin ahü.

Tvtsvmc 71:3

Ümniika ngi tiipaüchang longkaü thep kiimaq ngi tiiwongketi peruk chhemak phan; Ümniika ngi tiiwongti kiimaq ruktang.

Tvtsvmc 73:25

Riita ngi ma ramungtan niika juwa, ümpha na siwali she kata? Riita ümniiri ngi rai asi, ngi ma mangjong hiq maq laihin jamlai she wa ratla?

Tvtsvmc 86:8

Ümniikhan tisho ka ahü, O Tatiwe lei, ümniiraq jamlai wa shamlaü ka jurmin shamak dea.

Tvtsvmc 89:6

Ramungtan na ümniikhan ka ahin jumin ahü, Tatiwe lei; ramungtan na siti winji kong wa ümniikhan jumin ahü.

Tvtsvmc 89:8

Tati Shiikea Ajong Pinthumwe lei, ümniikhan ningkun ajong rümti ahin ahü; phanrap na ümniili tsapkapkap jaqshamti, O Tatiwe lei.

Tvtsvmc 99:3

Wiitarü raq apaiq jonglu nai akhakii ngiim jonglu kra mitiitsamkam. Apaiq ka asii!

Tvtsvmc 99:5

Tiitsam ronglaq nashiq Tati Shiikeawe; apaiq hokham ngacho khaki maq shomnoq rong i! Apaiq ka asii!

Tvtsvmc 99:9

Tiitsam ronglaq Tatiwe nashiq Shiikeawe, lanta apaiq asii hiqlam kiijaq shomnoq ronglaq! Tatiwe nashiq Shiikeawe ka asii.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 44:6

Tatiwe, Israilnok rümti kiimaq tiiwongti, Ajong Pinthum Tatiwe raq akha nguttlo: “Ngi ka atiiphati, kiimaq atiisupti, Shiikeawe ka Ngi arli dongdii; ahin tisho ka ahü, Ngi sitiikang arli dongdii.

ISAIA 44:8

Naqhai rongkiq, isenginok lei! Namshiq raq asaphan kata, richüpat maq riitea ümchaü na saüli, Ngi raq ümchu hongtha wan chang wa kra tiithai wan kang. Kiimaq namshiq ka isaqsekong sitlan. Riita tisho ahin ka asi shea? Ngi raq jangshi ra min taimang shaq tisho ka asi shea?”

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 6:3

Tsangshiq ka tsangshiq liipan na akha riibomtlo: “Asii, asii, asii! Ajong Pinthum Tati ka asii! Apaiq khushü ngao raq mangjong hiq ka nyamtlo.”

JEREMIA 10:6

Tatiwe, ümnaq khan ahin jumin ahü; ümniika honghea pinthum, kiimaq ümmang ka jonghea kiimaq ningkun henghea.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 11:45

Ngi ka Tatiwe namshiq ka Ejip mung wa shea wanti. Kriika Ngi ka namshiq Shiikeawe ma ja miitu shea wan kang. Namshiq ka asii siraa dongdii. Jamkhano ngukla Ngi ka asii.

LEWI 19:2

Israilnok ma akha chonglaq, “Namshiq ka asii sironglaq. Jamkhano ngukla Ngi ka Tatiwe, namshiq Shiikeawe ka asii.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

Romans 4:8

Kechu jonghea, ju ngarai wa Tati raq tsan na thü wan mak she!”

TRI CHONGKE 3:24

‘O Tati Rakaü Hiqwe lei, ngi raq asapha, ümniiraq ngi ma tiichhi kuq laü kriika ümniiraq jaqsham jonghea sham wan tlaü kiimaq awang chang jaq sham wan tlaü kriiwa, ralang apha wan lamlam se kli tiichhi kuq laü. Ümniiraq ningkun aheng maq jaq sham wan laü kriithun sham wanti phra ka ramungtan niimin ahü kiimaq mangjong hiq niimin ahü!

TRI CHONGKE 32:20

‘Ngi raq tsangshiq khrum kuq mang she,’ nguta apaiq raq nguto; ‘kiijiitiq tsangshiq jamkho jajiiq kra Ngi raq miliiha, nilannok, ipuk wa adonghotinok.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 4:35

Tatiwe raq arthun ara namshiq ma tiichhi kuq wanto. Arka namshiq ma apaiq kli dea Shiikeawe nguta tiichhike miitu klo wanto. Kiimaq apaiq tlea raüta ahin ka ahüshe nguta tiichhike miitu arthun ara klo wanto.

TRI CHONGKE 4:39

Kra ningkhan ümchaü ranaiq tsan na tiitsang ronglaq. Kiimaq ümtiikiimin naqlaq rongkiq. Tatiwe ka ramungtan na min Shiikeawe. Kiimaq ara mangjong hiq niimin Shiikeawe. Apaiq tlea raüta shiikea ahin ka jumin ahü she.

1 Peter 1:16

Asii bomtsi na Shiikeawe raq, “Ngi jamkho asii sitiikang, akhiisii namshiq min asii siraa tlo,” nguta chongtlo.