1 SAMUEL 2:1 - ASII LAKDAP Bible (BSI)

¹ Hanna raq akha achu jaüto: “Tatiwe raq imongjii na, chochi asho awo kuqto; ngi ka kai chochi, apaiq raq ngi ma klo kuqto! Ngi raq ijaqtibi naikü tiikang, ngi ka pinthum khoqriiq tiikang, Shiikeawe raq ngi khrum kuqto!

Hawa Naga Bible 2001

¹ Hanna rueq vjux thoz tueq: “Yehowa rueq ngvy thuinz vmungx tvkokez lvmz tvmvrc kuq phuex; vpiq rueq shuimx wvnc tueq kvmac ngaz mtanc lac kokez vtaungx! Ngaz kuex ngvy ralx htenc muex nueyx vtaungx; Tishox rueq ngaz muex romc kuy ningkhvnc nuex ngaz mtanc lac kokez vtaungx!

1 SAMUEL 2:1 Referencias Cruzadas

2 KAÜWA WERAÜ 20:27

Jehoshaphat raq asengi phen phung ka Jerusalem na rekhat tang raüta arü ariiq shea wanto. Jamkhano ngukla Tatiwe raq tsangshiq jaqtinok ka tiitangto.

NEHEMIA 11:17

Kiimaq Mattania ka Mika se; Mika ka Jabdi se; Jabdi ka Asaph se riito. Apaiq ka Shomjam na Shiikeawe shomnoq wan achu jaü nai kechutum shishun tlaq kra shea wanti riito. Bakbukia ka Mattania jaq thü wanti. Kiimaq Abda ka Shammua se; Shammua ka Galal se; Galal ka Jeduthun se riito.

YOBA 16:15

Ngi ka ijümii tsi ma wunthaü riinaü khea samlata hoqsiq tiikang, lata botkhulai na montsok tsok miqkang she dea nguta nga tiikang.

Tvtsvmc 118:14

Tati raq ngi iningkun shoqkuqtlo raüta ngi ka koilajong ma tiijatlo; apaiq raq ngi ka khupwong kuqto.

Tvtsvmc 13:5

Ngi ka ümlungwii thumki mak phan kiijaq riiwiiq tiikang; Ngi ka mikhoqriiqha, jamkhano ngukla ümniiraq ngi mitiichhii haü.

Tvtsvmc 148:14

Apaiq raq amungtan ahong ala tiiqto, krai mren asengi tlotli raq apaiq tiitsamtlo- Israilnok, apaiq raq mangchan heanok raq, Tatiwe tiitsam ronglaq!

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 20:5

Kiitiikaq naishiq raq ümrekhat tanglaü nguta agilülü misiitranghai kiimaq rekhat laü miitu nashiq Shiikeawe tiitsam laita poi miklo hai. Tatiwe raq ümnaq tiipaiqnea laü thun ka wiita dea mitrelaq.

Tvtsvmc 21:2

Ümniiraq atsan mong na lungwiitlaq kra kuqlaü; ümniiraq apaiq achujaü tre kuqlaü.

Tvtsvmc 35:9

Kiijiishe ngi ka Tatiwe ma mikhoqriiqha; apaiq raq ngi tiichhiike ningkhan kai michochiha.

Tvtsvmc 51:15

Ngi ma bom chongke khrumlaq, Tatiwe lei, raüla ngi raq ümnaq mitiitsamkang.

Tvtsvmc 71:8

Ranaiq minru ngi ka ümnaq tiitsamli kiimaq ümkhushü jonglu kriili changriim chiiriim chongkuqtiikang.

Tvtsvmc 75:10

Apaiq raq abi maiqse kong ningkun tu ka mingoqbaiq, shatmaq kechu maiqsetiim ningkun tu ka atiijong mirkuq wan.

Tvtsvmc 89:17

Ümniiraq naishiq ma re khat jonghea tiitangkuqlaü; ümlungwii wokhong maq naishiq ka nolajong tiija laüta rekhat kunkun tiitanglaü.

Tvtsvmc 89:18

Ümnaq, O Tatiwe lei, ümniiraq naishiq tiiwongketi ka tsealaq; ümnaq, Israilnok Asii Shiikeawe raq, naishiq ma nai hokhamwe ka kuqlaq.

Tvtsvmc 89:24

Ngi raq apaiq milungwiiha lata tsapkapkap maq apaiq ka mirümha; Ngi raq apaiq ma rekhat tiitangwan ruq mirha.

Tvtsvmc 9:14

Lata, Jerusalemti mungmaiqse khaki na michapha kiimaq ngi raq ümnaq shomra tiikang jaqsham laü thun kra wiita tsangshiq ma michong kuqha, Ümniiraq ngi chhiikuq laü ningkhan kai michochiha.

Tvtsvmc 92:10

Ümniiraq iningkun ka rum na siti minsaü pongwe ningkun ikha kuqlaü; ümniiraq ngi ma peohea shiiman kuqlaü.

DUNGWVNC 15:1

Kiijiishe Mosheq nai Israilnok raq ara Tatiwe tiitsam shito: “Ngi Tatiwe ma mishiha, apaiq raq rekhat khushü jonghea tangto; apaiq raq kumrang kong nai kumrang thaq na chaoti thun khamjong chum na dobaiqto.

DUNGWVNC 15:21

Miriam raq tsangshiq ma akha shito: “Shironglaq Tatiwe ma, apaiq raq khushü jonghea rekhat tangto; apaiq raq kumrang kong nai achaoti thun khamjong chum na dobaiqto.”

HABAKUK 3:1

Arka Shammi Habakuk achu jaü.

HABAKUK 3:18

ngi ka chojong chise miili she, misi wan ha. Jamkhano ngukla Tati Shiikeawe ka, ngi Chhiiti.

Luke 1:69

Apaiq raq nashiq Chhii wanti Ajong ashi tiisaüto she. Apaiq ka ajaqshi se Dawit weraü phan wa.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

TRI CHONGKE 33:17

Joseph ningkun jong ka minsaü pongwe alai lamhü hong ikha, Rum na siti minsaü pongwe rong wiinai ikha, Apaiq rong wiinai ka Manase phan sreabi ahing amun hongla Kiimaq Ephraim phan sreabi hingroq shi hongla. Tsangshiq lümaq apaiq raq maiq mung thun tlat tiichhat thaütlo Kiimaq tsangshiq ka ratho rapha na saüli jobaiqtlo.”

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Philippians 4:4

Tatiwe wokhong na wranaiqshe chojong chise miili sirong laq. Tiithongshi ri chongpha: chochi ronglaq!

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

1 Peter 1:8

Namshiq raq apaiq ka nammak maq chhi man li jiimin lungwii tlan. Kiimaq namshiq raq apaiq sham ka ümchaü chhiman li jiimin, apaiq ma kam tlan. Riita ara ningkhan, ümchaü namshiq ka kai khoqriiq tlan. Kiimaq achhai anyii chochi, nü maq chonglot mai chang phan chochi hum tlan.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

1 SAMUEL 1:6

Pennina apaiq ma are nyung raq apaiq ka slai slii shummii raüta tiichamchaosiqtlo. Jamkhano ngukla Tatiwe raq apaiq ka laihü lahü thütlo.

1 SAMUEL 1:7

Rawiitek ka akhli leawan lili riitlo. Ümtiikiiwa tsangshiq ka Tatiwe jam na kitlaq, Peninna raq Hanna tsan ka pinthum tiibitlo. Kriikha na apaiq ka kai aho anyi jümii lili riitlo. Kiimaq tü adung jammin phaqsiq mak miili sitlo.