1 SAMUEL 2:2 - Hawa Naga Bible 2001

² Ukhaq muinz Yehowa ikhoc vsawc jix vguez; vpiq ikhoc ukhaq muinz httax muq, nuiyshiq Tishox rueq ikhoc tvkhup wungx kuy jix ukhaq muinz vguez.

ASII LAKDAP Bible (BSI)

² “Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.

1 SAMUEL 2:2 Referencias Cruzadas

2 SAMUEL 22:3

Ngvy Tishox kuex ngvy tvkhup wungx kuy jix waz rvtueq, vpiq rulc vdvmz ningkhvnc nuex ngaz kvguing vtaungx. Vpiq rueq ngaz kuex lak vshiz ikhoc tuinggawx kuq vtueq; vpiq rueq ngaz tvguing vtueq tvwungx taq yaq. Vpiq kuex ngaz palc daungc jix waz rvtueq; ngaz muex tvwungx kuq ruiux yauk laungc yalawx jix kox wawc palc wvnc phuex.

2 SAMUEL 22:32

Yehowa dvyx Tishox rvtueq; Tishox dvyx naungshiq kvwungx juing rvtueq.

2 SAMUEL 7:22

Johvlc Yehowa lex, mnoz kuex mtanc wuez yungx vtuiux! Mnoz rulc rv-ngvlc jix ukhaq muinz httax muq; Mnoz dvyx Tishox rvtoq kuex nuiyshiq rueq mkaq muinz tuiuz taq vshix.

1 HOKHVMX 8:23

vjux thoz tueq kuex, “Yehowa Israel Tishox lex, raungmungx htauk nuex muinz, ghaq khung nuex muinz mnoz vkhoc tishox kuex httax muq shvmx! Mmiqsaz htenc rulc taq toq mbomkhvrc kuex mnoz rueq tvhungx tvmvrc vtueq, mnoz muex thuinz vmungx lotlaz maq tay phvnx vtueq tsuingshiq httax yaq nuex, tsuingshiq muex mlungwawc thuinz tvkhic kuq toq.

Tvtsvmc 111:9

Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!

Tvtsvmc 18:2

Yehowa kuex ngvy tvkhup wungx jix waz; ngvy hungc vlaungc nolaungx ghaqshungc rvtueq. Ngvy Tishox kuex ngaz muex tvkhup wungx kuy jix rvtueq, vpiq nuex ngaz kvwungx httax vtaungx. Vpiq rueq ngaz kuex lak vshiz ikhoc tvkhup wungx kuq yaq, ngaz muex tvkhup wungx kuq ruiux tvguing tvhttax yaq.

Tvtsvmc 18:31

Yehowa dvyx Tishox rvtueq; Tishox dvyx naungshiq kvwungx juing rvtueq.

Tvtsvmc 71:19

Tishox lex, mnoz tsuingrux vtuiux lvmz kuex raungx nuex htanc yaq. Yungc loayc hvlc yauk shuimc htenc kuex mnoz rueq shuimx toq; mnoz kvkhoc jix vshiz muinz vguez.

Tvtsvmc 71:3

Mnoz kuex ngvy kvwungx juing lung kuiux nuiyc hunglaungc httaz hvlc nolaungx ghaqshungc yaungx vtueq, ngaz kuex tvwungx koq; mnoz kuex ngvy kvwungx juing nuiyc kvguing juing rvtoq.

Tvtsvmc 73:25

Ngvy tvkoc mnoz maq lvy vtueq raungmungx nuex ukhaq lac httax yaq nguinx? Mnoz kuex ngaz nuex httax ruiux yuq ghaq htauk vwawc ngaz rueq yvmx lac roc yek shaungx?

Tvtsvmc 86:8

O Tishox lex, mnoz rulc rv-ngvlc jix tishox vshiz muinz vguez, mnoz rueq shuimx shuiux kv-khoc uraq muinz shuimx lot muq.

Tvtsvmc 89:6

Yehowa lex, raungmungx nuex mnoz rulc rv-ngvlc jix ukhaq muinz vguez; raungx saz bix ukhaq muinz mnoz rulc rv-ngvlc lot rvmuq.

Tvtsvmc 89:8

Tvphaungc Tvsuip Yehowa Tishox lex, mnoz ikhoc hungc vlaungc httaz jix ukhaq muinz httax muq; O Yehowa lex, mnoz kuex phvnx ruip saz nuex tvmtuing httax vtuiux.

Tvtsvmc 99:3

Miq ruip rawx rueq vpiq yungx luz vtueq ngauz vngax mvrc yaq muingc jungc kuex tvtsvmc wuez shuex. Vpiq kuex Vsawc rvtueq!

Tvtsvmc 99:5

Yehowa naungshiq Tishox muex tvtsvmc wuez shuinz; vpiq hoc daungraungc khaungkac nuex bumx vtueq nawk wuez shuinz! Vpiq kuex Vsawc rvtueq!

Tvtsvmc 99:9

Yehowa naungshiq Tishox muex tvtsvmc wuez shuinz, vpiq vsawc ghaqluimx nuex nawk palx wuez shuinz! Yehowa naungshiq Tishox kuex vsawc rvtueq.

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

ISAIA 40:18

Tishox kuex ukhaq rulc tv-ngvlc lot juing lac? Vpiq kuex ukhaq rulc rv-ngvlc yaq lvmz mnoz rueq yvmx khoc lac jungx kuq lot shuiux?

ISAIA 44:6

Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

ISAIA 44:8

Ngvy miqsaz htenc lex, nauk hiz kaz! Mvnnuex pat maq raz tueq majuiuc nuex httuiuc laz wawc lvmz kuex mnoz rueq tuiuz yaq, ngaz rueq yvmx lac yaungx wvnc tvnx lvmz kuex tvluz nuex jungx wvnc tauk, nuimshiq kuex ngvy hakhix hez rvtuit. Vganc tishox httax yaq haz? Ngaz rueq mkaq muinz tay mauk shauk luimc vkawc yunghvlc tishox vhttax haz?”

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 6:3

Tsuinghez vshiz maq vshiz rueq ngoz yaq kuex: “Vsawc, vsawc, vsawc! Tvphaungc Tvsuip Yehowa kuex vsawc! Vpiq ngauz vngax kuex mungkawx nuex mvrc yaq.”

JEREMIA 10:6

Yehowa lex, mnoz rulc rv-ngvlc jix washiz muinz vguez; mnoz kuex tvphaungc tvsuip waz rvtoq, mmuingc kuex yunghvlc nuiyc luimc vkawc yunghvlc httax yaq.

LEWI 11:44

Ngaz kuex Yehowa nuimshiq Tishox rvtauk, nuimshiq shauk pumz kuex vsawc taq shuinz, yvmx khoc lac ngoz ruiux lec ngaz kuex vsawc rvtauk.

LEWI 11:45

Ngaz kuex Yehowa rvtauk, Ejip mungx wawc nuimshiq tvdungc shvlc wvnc jix nuimshiq Tishox rvtauk. Nuimshiq vsawc yaungc rax, yvmx khoc lac ngoz ruiux lec ngaz kuex vsawc rvtauk.

LEWI 19:2

Israel mungx miqsaz muex vkhoc jungx kuq tueq, “Nuimshiq vsawc yaungc rax, yvmx khoc lac ngoz ruiux lec Ngaz Yehowa nuimshiq Tishox kuex vsawc rvtauk.

Romans 15:4

Rumvrc luik nuex wuiyq shec tueq htenc kuex naungshiq muex tvluingc kuy tvkoc vwuiyq shec rvtueq. Kvkhoc wuiyq shec tueq lvmz kuex naungshiq rueq Rumvrc luik wawc vlvp vnanx thuinz nuiyc thuinz nuex hungc vlaungc tvlvp ningkhvnc nuex tvluimc juing lvmx lvp wvnc tvkoc rvtueq.

Romans 4:8

Mvrax htenc kuex Taungjix rueq tvtsuingc kuy rvhumc muq jix htenc kuex thuinhvlx yaq!” ngoz tueq.

TRI CHONGKE 3:24

‘Yehowa lex, ngaz rueq shuimc juing yunghvlc vwangc juing yauk shuimc vromz vyac tanc khvnc dvyx ngaz muex tvkhic kuq phuex. Raungmungx nuex muinz, ghaq htauk vyuq muinz vpiq rueq kvkhoc yunghvlc yauk shuimc htenc kuex shuimc lot jix tishox kuex vguez!

TRI CHONGKE 32:20

Vpiq rueq, ‘Ngaz rueq tsuingshiq kuex raungluingx muinz romc kuq shaungx rvmuq, ngaz rueq khux tsanz vtueq tvmtuing vguez miq htenc, tsuingshiq nuex yvmx lac yaungx wvnc tvnx kuex lawc shaungx,’ ngoz tueq.

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

TRI CHONGKE 32:4

Yehowa kuex hungc vlaungc maq mvrc yaq nuimshiq kvwungx juing rvtueq, Vpiq lvmx htenc lotlaz kuex hunghtaungx vtueq tsuingruik yaq; Nuimshiq Tishox kuex tvmtuing nuiyc tsuingrux rvtueq; Vpiq kuex vlvmx nuiyc tvrac vlvmz rvtueq.

TRI CHONGKE 4:35

Yehowa dvyx Tishox rvtueq, vpiq maq lvy vtueq vganc tishox httax muq kuex hakhix khvmc tvkoc Yehowa vruex tvkhic shec tueq.

TRI CHONGKE 4:39

Kvkhoc rvtueq Yehowa kuex raungx nuiyc ghaq Tishox rvtueq kuex rvwvl vtueq mkaq muinz nauk lauk gay kaz. Vganc tishox kuex vguez.

1 Peter 1:16

Rumvrc luik nuex, “Ngaz kuex vsawc rvtauk ningkhvnc nuex nuimshiq muinz vsawc yaungx wuez kuinz,” ngoz tueq wuiyq shec tueq.