1 SAMUEL 2:3 - ASII LAKDAP Bible (BSI)

³ Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.

Hawa Naga Bible 2001

³ Nuimshiq kvsomc parc guyc vtuinx kuex thauk wuez kuinz; nuimshiq ngamc ngax kvjaz htenc kuex tvsuingx shuinz. Yehowa kuex vtuiuz waz Tishox rvtueq, miq htenc rueq shuimx kaz yaq lotlaz kuex vpiq rueq phox yaq.

1 SAMUEL 2:3 Referencias Cruzadas

1 HOKHVMX 8:39

tsangshiq achujaü ka tre kuq laq. Ümniiraq ramungtan na ümjam mong maq, tsangshiq achujaü ka trekuq laq. Tsangshiq mra ka diikuq laq. Laüta tsangshiq ka khrum kuq laq. Maiqse tiima tsantsii khonti ka ümniili. Maiqse loweatek ma apaiq raq klotlaq kra phan phan thamsong kuqlaq.

YOBA 31:6

Shiikeawe raq ngi ka tingting kappe na mishin laq, raüka apaiq raq ngi ka chiisan maiqse dea milii.

Tvtsvmc 147:5

Nashiq Tati ka jonghea kiimaq honghea; apaiq taksu tsii ka shinkilotmai.

Tvtsvmc 17:10

Tsangshiq ka maiq ma mangchan ahü kiimaq jaqrap jirap bomtlo.

Tvtsvmc 31:18

Arot akiq chongti kong ka tiikaiqshak tiingabaiq laq— shiikongkhiqti nai angiim boqshatti thun ka wiita, tingting maiqse thun ka tho maq phongtsoktsok phongti thun ka tiikaiqshak thübaiqlaq.

Tvtsvmc 44:21

ümniiriika michhi haü dongdii, jamkhano ngukla ümniiraq naishiq tsantsii apaü arthü ka asaphaü.

Tvtsvmc 75:5

ngi raq tsangshiq ma maiqmii tiitsakisea kra atsaq she ronglaq nguta chongkang.”

Tvtsvmc 94:4

Mat-saü tsasekong ka ümtincho na saüli wa mishkongsiq raüta tsangshiq mat kha thun miitu mitiitsakisiq?

TAKSU LAK 16:2

Ümniiriika phanrap ka, riikhaqli shamtiikang nguta mitiima haü, shatmaq Tatiwe riika, jamlai tiima laüto shamtlaü, kra kappe maq shintlo.

TAKSU LAK 24:12

Arka naishiq ri sapmai nguta mongo mirhan. Shatmaq Shiikeawe raq namshiq tiima nai tsantsii ka asap, kiimaq namshiq tiima tsantsii ka shintlo, Apaiq raq namshiq ka liishat kiimaq asap. Namshiq jaq shamtlan kra phan phan Apaiq raq namshiq jaqshamtlan kra phan phan poksi mikuq.

TAKSU LAK 8:13

Tatiwe shreng ngutiikai ka, abi kiimung thun ka saisi raa. Ngi raq shiikong tsii nai khünga tsii ka saisi tiikang. Abi lamphan nai arot bomtsi kra saisi tiikang.

ISAIA 26:7

Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

EJEKIEL 35:13

Ümniiraq, Ngi ka shummii shaqshaq ngeng wan laüta, ümchuwa bom wan laü kra wiita Ngi raq ataiha siisaq.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

DANIEL 5:27

TEKEL, ümniika kappe maq shinje she kiimaq tok ka ngin maü dea ajom;

MALAKI 3:13

“Namshiq raq ngi ma ashut pinthum bom lan,” nguta Tatiwe raq ngutlo. “Shatmaq namshiq raq, ‘Naishiq ümniima jamkho shuttiikai?’ nguta waitlan.

Hebrews 4:12

Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.

JOSHUA 22:22

“Ajong Pinthum kli Shiikeawe! Apaiq kli Tatiwe! Ajong Pinthum kli Shiikeawe! Apaiq kli Tatiwe! Apaiq raq asap naishiq raq ara jamkhano klokai, kiimaq namshiq riimin sap ronglaq! Naishiq raq apaiq kiq khiikai dea jiila kiimaq Tatiwe ma kamtsantsii thümai dea jiila naishiq ka atra naq tiisi rongkiq she!

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

PHOWEBI 9:38

Kiijiishe Jebul raq apaiq ma akhiishe nguto, “Ra na dü ma phipii tsütsit laü ira ümchaü ümbano? Ümniidea khata naishiq ma Abimelekh wokhong na jaram wa sitlan nguta ngotiwe ira. Ümniiraq thophi riiqphi saisi rat laüwetiim irka arshe kitlaq ahata. Ümchaü min tiido laüta tsangshiq ka khatki kiq na.”

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”