1 Peter 2:5 - ASII LAKDAP Bible (BSI)

⁵ Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

Hawa Naga Bible 2001

⁵ Nuimshiq kuex vtvraungx lung htenc ikhoc vpiq kox nuex kaz vtueq, siyac nuex seng yaq shomc yuimx guirx yaq kvyuq nuimshiq muinz vshuimc vlvmc juing muex yaungx naungx kuinz, kvruex baung kvyuq Christu Yesu ningkhvnc nuex siyac nuex seng vtueq raungc raq lvp wvnc aungx yaq shomc nawk kuy juing htenc kuex Tishox muex shomc kuy tvkoc vsawc shomc waz bix ikhoc nuimshiq rueq shomc kuq shuinx.

Muklom

⁵ Nim tho atharang long tang mal tsija rangnuk him hunma long tang ma ang inn. Etho nim sha asang tingwa tang ang eq, Jesu Khristo tungkang o Shkewa sha asing pinthong kottey.

1 Peter 2:5 Referencias Cruzadas

1 HOKHVMX 7:11

Kriithun longkaü thaq niika longkaü ahin maq hali, thang na alo araq ikha khashkhaq thi raüta ahai kriimaq haito. Kiimaq maisak pe maq ahai tipi thun kriimiishe haito.

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

Tvtsvmc 50:14

Shiikeawe miika kechutum honglu kra kuqlaq, kiimaq Ajong Shiikeawe ma jamlai mikuqha ngutiiwa kiq khamlaü kra kuqlaq.

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

DUNGWVNC 19:6

Ngi miituli dongdii akiinongkuq wan maiqphan ashi mirhan. Kiimaq namshiq ka iramwenok ma jalanta Ngi mishkumpan han.”

TAKSU LAK 9:1

Nyan phaqchi raq ajam haito, kiimaq apaiq jam kham toqpum miishi shongto.

ISAIA 61:6

Kiimaq namshiq ka Tatiwe ramwetiim nguta misap. Nashiq Shiikeawe jaqshisekong miraq. Namshiq raq maiq mung thun wa Tsiiq tum thun kra misiq han Kiimaq kriithun ka namshiq riishe nguta mitiisom rahan.

ISAIA 66:21

Ngi raq tsangshiq phong wa maiq wiijam ka ramwebi ma kiimaq wiijam ka Lewinok ma mishongha.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

1 Corinthians 3:16

Namshiq raq namshiq khum ka Shiikeawe Wenyi sichang shomjam nguta asap han!

1 Corinthians 3:9

Naishiq arka Shiikeawe wak na minshiiqti kongshiti. Kiimaq namshiq ka Shiikeawe wak dam. Kiimaq namshiq ka Shiikeawe jam.

1 Corinthians 6:19

Namshiq raq namshiq khum ka Shiikeawe raq namshiq ma akuq Asii Wenyi kra sichang jam ngo ka sap man sha? Asii Wenyi ka namshiq khum na sitlo? Namshiq khum ka namshiq rii ka riimak she. Shiikeawe rii she sitlo.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

TRI CHONGKE 18:2

Israilnok maiq phan ahin raq lap tlaq kiikha tsangshiq raq tachong hupsam hiq ka thü maimak. Tsangshiq ma kiim jonghea pinthum ka Tatiwe raq kiq khamkuqtaq kra phan phan tsangshiq ma Tatiwe ramwebi jaqsham kuq wantaq kra.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Philippians 2:17

Jursap, namshiq raq Shiikeawe ma kamtsantsii rüm tlan kha maq, honglu kuq tlan kiikha, ngi riimin Shiikeawe ma, i rilung ara honglu na akuq nyamse takuq tlaq ikha, tabaiq wan chang wa saü jiiq riila. Riita, kra ngohea dea li hongtha wan raü jiimin, ngi kla chochikhiq li. Kiimaq namshiq min, ngi rai adam chochi chang li.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 20:6

Ümriitiwa ara apha lak, amaa wa tiidong wan tlaq lak na lomdam tlaq, kriiti ma kechu jonghea kiimaq achu shiiman jonghea miraq. Tsangshiq ka Shiikeawe sengi she. Tsangshiq ka thongnai tsai wan ngutlaq wamungtan wa raq khiim wan lot mak she miraq. Shatmaq, tsangshiq ka Shiikeawe nai Khristo ramwebi she. Kiimaq tsangshiq raq Jesuq rai rawii hingshi mung misiq dam.

Revelation 3:12

Rekhat tangti, srea jati we ka ngi raq, i Shiikeawe shomjam na khamlawe ma mitiija ha. Kiimaq apaiq ka kiiwa, ahin na kimak she miraq. Ngi raq apaiq khum na i Shiikeawe mang kiimaq i Shiikeawe raq ramungtan anye wa Jerusalem anye tiisat wan tlaq kra chela mang ka miwaiq kuq ha. Kiimaq apaiq khum na, i mang anye kriimin miwaiq kuq ha.

Revelation 5:10

Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”