1 Peter 2:5 - Muklom

⁵ Nim tho atharang long tang mal tsija rangnuk him hunma long tang ma ang inn. Etho nim sha asang tingwa tang ang eq, Jesu Khristo tungkang o Shkewa sha asing pinthong kottey.

ASII LAKDAP Bible (BSI)

⁵ Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

Hawa Naga Bible 2001

⁵ Nuimshiq kuex vtvraungx lung htenc ikhoc vpiq kox nuex kaz vtueq, siyac nuex seng yaq shomc yuimx guirx yaq kvyuq nuimshiq muinz vshuimc vlvmc juing muex yaungx naungx kuinz, kvruex baung kvyuq Christu Yesu ningkhvnc nuex siyac nuex seng vtueq raungc raq lvp wvnc aungx yaq shomc nawk kuy juing htenc kuex Tishox muex shomc kuy tvkoc vsawc shomc waz bix ikhoc nuimshiq rueq shomc kuq shuinx.

1 Peter 2:5 Referencias Cruzadas

Romans 12:1

I pho nia no tang, nga nim ma Shkewa tinshit tasik eq tinthanin eq bat phang, nim hanphung shi atharang, asang etho Shkewa nuk aa shimal pinthong kot inn; ira hun nim ma asing shumnuk.

Romans 15:16

Gentile tang rangma Khristo Jesu thoksil battey ang rangma Shkewa ngama iri ráng manchan raa kot ta. Gentile tang Asang Tsija wang sang eq Shkewa tasungrang pinthong angma piq aa ngama Gentile tang ma tungtang qhal phanchan jaksom kot ta.

1 Corinthians 3:16

Nim raa Shkewa rangnuk him etho Shkewa Tsija nim tinmong na tong aa ta nim aa sam min i?

1 Corinthians 3:9

Chammatakoi í kashey Shkewa jaksomtey tang. Nim raa Shkewa pik. Nim raa Shkewa him.

1 Corinthians 6:19

Nim hanphung sha Asang Tsija rangnuk him ta nim aa sam min i? Asang Tsija nim hanmong na atha bara Shkewa kot ta. Nim raa nim ràng ang min.

2 Corinthians 6:16

Shkewa rangnuk him nia thongking miqtang shila sha chamal eq jin kara na? Chammatakoi hiqtang atharang Shkewa rangnuk him! Shkewa hun batta, “Nga i miqtang jamoq tong náng etho ning jamoq qhing náng; Nga ning Shkewa ang náng etho ning i miqtang angna.”

Galatians 6:10

Eshirangma bari náng thula kap somlo ni, hiqtang aa thaji jamoq jaqhal jaksom somlo ching; akhek uhantey pho nia na tang jamoq irimal somlo ching.

Philippians 1:11

Nim rollung na asing tingo sha Jesu Khristo wang thu tapha sha nim jaktung na shey ching. Iri wang Shkewa ma tasapsey nia phun amun kapna.

Philippians 2:17

Nim kam jaksom Shkewa pinthong mal, iri pinthong kho o i tahi tasal ang ajo tho, nga sungrang ang náng etho nim thaji jamoq sungrang ang.

Philippians 4:18

Thanga ngama chamlang ràa ta sha thaji kap sey táng, esha i ching na daqhan ang aa. Bara nim aa Epaphroditus jakkot takot tin tha, esha tho kap eq i ching na achang sey. Iri jakkot tang raa Shkewa tasungrang etho jaqhal hamting ang aa pinthong mal.

Colossians 3:17

Raaq wang tia jaksom wang chamlang somlo inn jo tho thaji shi Teyhungwa Jesu miing wang somlo inn, etho piq tungkang o Shkewa ma Kechu ajong kot inn.

1 Timothy 3:15

Nga karel ang jo nang aa Shkewa mondoli jaktung o chammal dangjang ching sha iri likwit wang usam eq ching. Shkewa himji sha atharang Shkewa mondoli, bara asing thòng aa bang mal.

Hebrews 3:6

Etharin Khristo sha Miqwasa mal Shkewa himna ukam eq ching ang aa. Etho hiqtang aa tintharong eq etho hiqtang tungmang shingchak mi ang ijo hiqtang raa piq him.

1 Peter 2:9

Etharin nim talchol miqtang, lungwang tingwa tang, asang miqtang, etho Shkewa miqtang, eshirangma barey nim rangnak wang piq patja rangwung shináng hal taphin, piq phun amun shi phanchan inn.

1 Peter 4:11

Chamtey eq phanchan ajo, Shkewa raaq phanchan ching; chamtey eq nong ajo, bara Shkewa kot aa tarong shey somlo ching; irimal ang ajo thaji na Jesu Khristo tungkang o, Shkewa tasapsey na. Piq rangma phun amun nia tarong sha pattuk cham ang aa. Amen.

1 Peter 4:17

Phun amun rangham tha uthok sey angta pha, Shkewa umiqtang sha phang phung na. Hiqtang wang hun phang phung ajo, barey Shkewa tungtang qhal tat moqtey tang shima uthun shi chamal angna?

Revelation 1:6

Hiqtang ashey mung angma etho uwa Shkewa rangma tingwa tang angma piq aa hiqtang raa hunta. Piq rangma phun amun nia tarong shi salwet cham ang aa! Amen.

Revelation 20:6

Bara phang wejey na rok rum aa ning sunmaan etho asang. Ning jukni ti moq sey angna; etharin ning Shkewa nia Khristo tingwa tang angna etho piq jamoq hayat pang náng thula jaktáng o shingna.

Revelation 3:12

Utang eq ujin kap aa, piq sha nga i Shkewa rangnuk him na ashey thòng ma hun náng, etho piq aa esha baluk otho shingchak moq angna; nga i Shkewa miing, etho i Shkewa samhaq miing sha piq o wit náng. Ira anal Jerusalem, bara i Shkewa mungtan wang takat phana etho i anal miing sha piq o wit náng.

Revelation 5:10

Nang aa ning tha i Shkewa rangma ashey mung nia tingwa huntu; etho ning aa mingkang raa jaktáng o shing na.”