1 Peter 2:6 - ASII LAKDAP Bible (BSI)

⁶ Asii bomtsi na, “Ngi raq athii tsinhea longkaü ashi tsea wan kang. Toqpen toqpum ikha Jajon chela na shong wan kang. Jurwa apaiq ma kam tlaq, kriiti ka ümtiikiimin maiq raq tiidealot mak she miraq,” nguta chong tlo.

Hawa Naga Bible 2001

⁶ Yvmx khoc lac ngoz ruiux lec Rumvrc luik nuex: “Ngaz rueq vhtawz vhttax lung vshiz thvl vtueq, Zion kanx nuex vshuk tvsuip lung muex ngaz rueq tvwoalc shec tauk; kvkhoc rvtueq vpiq muex kvm- luimx jix ukhaq yuq muinz thuinbac rvhumc muq,” ngoz tueq jungx shec tueq.

Muklom

⁶ Chammatakoi Asang likwit na taka aa, “Siin inn, nga Zion na ashey thóng shing ang, esha talchol etho thangchan long, etho utang eq piq ma han shing aa, piq baluk otho rakri moq angna.”

1 Peter 2:6 Referencias Cruzadas

RAPHA HIQWA LAK 49:24

Shatmaq apaiq liq hiip ka nung mak phan, Kiimaq ajaq min thea mak phan Jakob Shiikeawe Ajong Pinthum ningkun maq, Sku Rümtiwe, Israilnok Tiichhiiti raq khrumtlo.

Tvtsvmc 40:14

Ngi tseabaiq tantlaqti thun ka wiita tiitanglaq kiimaq wiita mokbaiqlaq. Ngi chamchao chhiraüta chochiti thun ka jai na tiijang baiqlaq kiimaq jea tiingaülaq.

Tvtsvmc 89:19

Tsapkapkap ümjaqshamti ümjaqshisetiim ma riisham bom maq rathupse niiphü akha chonglaü, “Ngi raq nolajongwe ashi ma khrum kuqkang; Ngi raq nokwe phong wa weshi tsea wan kang, lata apaiq ka hokhamwe ma shongkang.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 41:11

“Ümniirai tsankhiq sitibi thun raq, khatlot mak raüta jea mingaü wan. Ümniirai riikhatti thun atsai miraq.

ISAIA 42:1

Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

ISAIA 46:13

Ngi raq rekhat tang wan ranaiq ka jeriiqriiq niishe tiisaü wan tiikang, kriika alu niika riimak she. Ngi raq rekhat tang wan akhing ka alu tiihit mak she miraq. Ngi raq Jerusalem ka mitiichhiiha, lata kiijaq Israilnok ma khushü mitiidongkuqha.”

ISAIA 50:7

Shatmaq tsangshiq raq ngi shummiitaq kra riika idü na tsimak; jamkhano ngukla Ajong Thaq Na Ajong Pinthum Tatiwe raq ngi khrumtlo. Ngi raq itsan tiithea lata nintiikang, Ngi raq asapha ngi ma jea ka tiingaü mak miraq.

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

JEKERIA 10:4

Tsangshiq phong wa tuwejongbi, welabi, phentubi midong. Raüta isengi mipeng wan.

Matthew 12:18

“Arwe ahata I jaqshise, ngi raq atsea wan ha. Apaiq ka ngi raq kai tlungwii tiikang, kiimaq ngi ka apaiq ma pinthum khoqriiq tiikang. Ngi raq apaiq ma i Wenyi mithü kuq ha. Kiimaq ngi raq kiq tiidea tiikang kra, apaiq raq Pongnok phan tlotli ma, ngi raq tingting jaqsham tiikang kra michong phan kuq wan.

Mark 12:10

Riita namshiq raq Asii bomtsi na ara chongtlaq arka phat tlan ahiq na. Arjaq akha chongtlo: ‘Jamhaiti raq abi nguta ashthoq baiq longkaü kriika, tarü thaq na ara pinthum longkaü miishe jakito.

Luke 20:17

Kiijiishe, Jesuq raq tsangshiq phanü na lii raüta, “Riita, ikhiijiila arjaq, Asii bomtsi na chong tlaq arka jamlai ngo wa? ‘Jamhai wanti nok raq longkaü ashi ka, athii ahü nguta tiithu baiqto. Shatmaq kra kaü riiwe ka khoti tarü thaq na, khamlawe ma shong wan chang she jakito.’

Luke 23:35

Nokwe thun ka kra thun kra liisea chapkito. Kiimaq Jehudinok welabi raq, “Apaiq raq nanok ka chhii kuqto. Ümchaü min, apaiq ka Shiikeawe raq ashong Khristo dea jiika, apaiq khum ka mitiichhii liina!” nguta apaiq ka shummii siqto.

John 7:38

Asii Bomtsi na, ‘Juwa ngi ma kam tlaq, kriiti mongjii wa rilung tsitsü jüseraisetiim miphok wan,’ ” nguta chongtlo.

Acts 1:16

“Phunainotiim le, Asii bomtsi na Asii Wenyi raq Dawit lümaq Judas Iskariot miitu jamlai bom wa tiithaitaq kriika, ümchaü riikhaqli she kuwato. Judas ka siwe ma ja raüta, Jesuq ka tlapto.

Romans 10:11

Arka, Asii bomtsi na chongkuq tlaq kra phanphan hong wan tlo. Asii bomtsi na, “Jurwa Shiikeawe ma kam tlaq, kriiti miika, apaiq raq jea tiingaü mak miraq,” nguta chong tlo.

Ephesians 1:4

Shiikeawe raq, nashiq ka, ara ra nai hiq armin miphan sang wan shaq niiphü dongdii, Jesuq Khristo pum na, apaiq riishe dongdii nguta, atsea wan wishe riito. Riita, ara nashiq tsea wantaq arka, nashiq arka, apaiq man na kechu maiqsetiim she, kiimaq ashut aphit jam min ahü she, siirairai maq siwan miitu tsea wanto. Riita, nashiq ma apaiq lungwiitsii jonghea rümtlaq kriikha maq,

Ephesians 2:20

Ümchaü sanha, namshiq kiimin, kiimwebi nai shammibi raq jamkham longkaü, khamlawe shongpha wantaq, kra thaq niishe shong wan damto. Riita, kra chongtiikai jamhai tlaq kra, khamlawe chaptlaq kriika Jesuq Khristo.

2 Timothy 3:16

Asii Bomtsi wiitarü ka Shiikeawe raq aheakuq atsitsü raütho siisaq. Krai mren, amet asi maq tengteng bomtsi shrinkuqtlo, arot bomtsi kra sontlo, ajiq thun kra tru wantlo, kiimaq riikhaqli kechu rilung maq si miitu tsii chongkuqtlo.

1 Peter 2:4

Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

2 Peter 1:20

Tarü thaq na, ara akhek sap ronglaq. Tsan na tiitsang ronglaq, Asii lakdap wa riisham bomchong thun ka jurmin maiqmii phaqchi maq tru chongkuq lot mak.

2 Peter 3:16

Paul raq lak awaiq thun na, bomtsi wiijam ka liichum atsaü wiq maq waiqto. Kra liichum ka atak ma ahawiq. Shiikeawe bomtsi tri raü thun ka tiitho tiipha samhea tak makti nai wenyi rilung lamphan na hon atsii miku shaq li shrabi riika, ara chongtiikai liichum atsin wiq baba lakjaq thun wiika lamjiq nü na shiijon raüta, Phungmaiqse ma shrinkuq tlo. Tsangshiq riika, Asii bomtsi lakjaq ahin wiimin akhiisii lamjiq nü na shiijon raüta shrinkuq tlo. Raüta ara tsangshiq raq ajiq shrinkuq tlaq kra lümaq, Phangthum Ranaiq tsangshiq maiqmii then wan chang thiikho kli tiije thu tlo.