1 Peter 2:4 - ASII LAKDAP Bible (BSI)

⁴ Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

Hawa Naga Bible 2001

⁴ Taungjix kox nuex waung wuez luit, vpiq kuex miq htenc rueq khuec guez ngoz tueq vtvdux gay vtvraungx lung rvtueq, yuq muinz Tishox rueq vthvl taq vhtawz vhttax lung muex yaungx wvnc tueq.

Muklom

⁴ Teyhungwa relnáng kaphin, piq sha miqtang aa raa moq ta shing chakta long, etharin Shkewa piq sha thangchan ta talchol.

1 Peter 2:4 Referencias Cruzadas

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 42:1

Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

DANIEL 2:34

Ümniiraq kra sumlakaü ka liirat tlaü bala liipan niili, longraqkam khu wa longkaü jonghea ashi, maiqjaq maq jurmin shamhü miili tiikoq wanto, raüta sumla kaü hokphi wiinai jin nai hamlii hiq maq shot raüta alo ba kiijaq tiiqbaiqto. Raüta wiita tiibun baiqto.

DANIEL 2:45

Ümniiraq longraqkam khupo wa longkaü ashi ka apaiq tiikoqkoq, maiqjaq maq jurmin shamhü maq tiikoq wan raüta, kra sumla kaü jin, nai miiki, hamlii hiq, kampho, kiimaq chaq maq alo sumla ka, tiibunlak tiiqbaiqtaq chhilaü. Arka ajong Shiikeawe raq, chaü lei, ümniima rawiichii pat na jamlai mra pin wan chang wa kra chongkuqtlo. Ümniiraq jamkho malaü kra ngi raq chongkuq kang. Lata kra liichum ka riikhaqli chongkuq kang.”

JEKERIA 3:9

Ngi raq Joshua khaki na long ashi, amak pomiishi asi thü tiikang. Lata ara long na phanshi ra bomtsi mitokha. Kiimaq ranaiq shi niili armungti ngarai ka mipibaiqha.

JEKERIA 4:7

Pumjong kaü ikha ümkhaki na jaqsham tiibanbiti siraü min, amo mirwan. Ümniiraq Shomjam ka mitiihea hai haü. Krai mren, ümniiraq atiisup longpo suk tlaü kra chhiraüta, mungmaiqse raq, ‘Tsomwanto! tsomwanto!’ ngutiishe arü ariiq michochisiq wan.’ ”

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Matthew 12:18

“Arwe ahata I jaqshise, ngi raq atsea wan ha. Apaiq ka ngi raq kai tlungwii tiikang, kiimaq ngi ka apaiq ma pinthum khoqriiq tiikang. Ngi raq apaiq ma i Wenyi mithü kuq ha. Kiimaq ngi raq kiq tiidea tiikang kra, apaiq raq Pongnok phan tlotli ma, ngi raq tingting jaqsham tiikang kra michong phan kuq wan.

Matthew 21:42

Kiijiishe Jesuq raq tsangshiq ma waito, “Riita namshiq raq Asii lakdap na akha chong tlaq arka phat man dea sha? ‘Longkaü ashi jamhaiti raq abi nguta ashthoq baiq wan ka, tarü thaq na pinthum akhek longkaü ma jakito. Riita arka Shiikeawe raq atiihong thü ahata; pinthum awang chang ashi!’

John 14:19

Jaqlo liipan niili, mangjong maiqse raq ngi ka chhi mak she miraq. Shatmaq, namshiq raq i sham ka michhi han. Kiimaq ngi ümkho atra sitiikang, kiikhiisii namshiq min atra misi han.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 5:26

Awe ka tarü ma tsitsü raüchong. Krai mren ngi, Ase armin tarü ma tsitsü raüchong.

John 5:40

Kiikhiitaü maq dongdii min, namshiq ka i puk na riikhaqli rilung lap wan miitu nyap wan ro man.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 6:57

Tsitsü raüchong rümti atra Awejong raq ngi ka ana tiikito. Krai mren, ngi min atra sitiikang. Kiikhiisii hali, jurwa i ngam phu ara phaq siq tlaq, kriiti ka ngi lümaq atra she misi wan.

Romans 5:10

Akhing ashi na, nashiq ka Shiikeawe ma wesang ralii kong siwan kai. Shatmaq, apaiq raq nashiq ka Ase tsaitaq kra lümaq, ümchaü sanha apaiq khi alubi miishe tiija wanto. Riita, ikhiijiila, ümchaü sanha, nashiq khum na Khristo rilung sitlaq kriiraq tiichhii kuq wan lili raüta, nashiq ka ümtinkhan ajong alu ma tiija wan chang she wa sitla riila nya!

1 Corinthians 3:11

Ara jamkhano chongtiikang ngukla, Shiikeawe raq Jesuq Khristo kli jam hai chang jamkhü nguta thü wanto she. Apaiq kra tlea raüta, jamkhü ahin chhintsii chang ka ahü she.

Colossians 3:4

Namshiq rilung chong ka Jesuq Khristo. Krai mren, apaiq ka ümra ranaiq akhing niiwa saüho tlaq, kra akhing na namshiq min apaiq rai achhai anyii miishe misi wandam han.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 Peter 2:7

Ara chongtiikai longkaü arka, namshiq ümchuro apaiq ma kamwan lan, kriiti miika pinthum amiinu tsinhea. Shatmaq, ümriiti riiwa apaiq ma kam mak, kriiti miika: “Kra longkaü jamhaiti raq jam min taimak nguta tiithu baiqtaq; kra kaü riiwe ka khoti, wiitarü thaq na araa pinthum longkaü ma jakito,” nguta Asii bomtsi na chongtlo.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

2 Peter 1:4

Shiikeawe raq nashiq ma achong lot mai achu shiiman mikuq ha nguta kongphiq akhakuq, kriika ümchaü nashiq ma kuqto she. Arka nashiq khum na Asii Wenyi kuqtaq kra nangnga chongtlo. Ara ningkun lümaq, nashiq rilung ka ara mangjong hiq na, maiqse ngarai sükha tsii raq, ümchuwa mangjong hiq na siti maiqse khum, shiithen baiq tlaq, kiiwa nashiq khum ka mitiichhii kuq. Kiimaq nashiq ka, Shiikeawe setiim awongsii ma mitiija.