1 Peter 2:4 - Muklom

⁴ Teyhungwa relnáng kaphin, piq sha miqtang aa raa moq ta shing chakta long, etharin Shkewa piq sha thangchan ta talchol.

ASII LAKDAP Bible (BSI)

⁴ Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

Hawa Naga Bible 2001

⁴ Taungjix kox nuex waung wuez luit, vpiq kuex miq htenc rueq khuec guez ngoz tueq vtvdux gay vtvraungx lung rvtueq, yuq muinz Tishox rueq vthvl taq vhtawz vhttax lung muex yaungx wvnc tueq.

1 Peter 2:4 Referencias Cruzadas

Matthew 11:28

Alik akuk hol eq nángtik tey thaji miqtang ijam náng kaphin. Nga nim ma nángtong ko phanáng.

Matthew 12:18

“Ira i sanga, nga piq raa tal táng, nga piq ma tinmat ang, piq tungkang o nga sungrang ang; I Asang Tsija sha nga piq ma konáng, etho piq aa Gentile miqtang ma i jaqhal khaphung raaq batna.

Matthew 21:42

Jesu aa ning ma batta, “Nim aa Asang likwit na baluk otho ira phat wey min i, ‘Bari long raa chamtho ang moq ta him huntey tang aa bichak ta Ethi long tha hun thaji pheynáng eq akhek long ma wey angta. Ira Teyhungwa hun somlo ta, Etho usiin eq ma rapney patja ching!’”

John 14:19

Chomrey sa jio, mingkang eq nga raa baluk otho khipha mong angpha náng, etharin nim aa nga khi eq phanin, chammatakoi nga atharang tungkang o nim tho atharang tong nin.

John 14:6

Jesu aa piq ma batta, “Nga raa hun lam, asing etho rollung; nga lit eq utang tho Iwa relnáng jin thumoq.

John 5:26

Chammatakoi chamal Uwa piq ni piq o urollung shing aa, eshimal piq aa Miqwasa ma tho piq ni piq sha urollung atha angma raaqkhat kota;

John 5:40

Etharin nim rollung kap rangma irelnáng katma nuk min.”

John 6:37

Iwa ngama chamlang kot taphang, eshi tang thaji sha iching náng kapha na, etho utang i relnáng ka pha, piq sha nga baluk otho phanchak mong ang náng.

John 6:57

Chamal atharang Iwa nga takat taphang, etho nga Iwa tungkang o atharang tong ang, eshimal utang eq ihanngam phaksa ajo i tungkang o atharang tong aa.

Romans 5:10

Hiqtang Shkewa ralwa ang rangham tho umiqwasa tik tungkang o hiqtang sha piq jamoq karok kara ang ti jo, kara sey ang jio Umiqwasa rollung tungkang o hiqtang chamlang ma wey lun mi ang ni?

1 Corinthians 3:11

Chammatakoi Shkewa Jesu Khristo sha him thóng mal shing ta, piq raa dakchak eq adak utang tho jin shing moq angna.

Colossians 3:4

Khristo bara hiqtang rollung na takhi ang ajo, nim tho piq jamoq phun amun jamoq takhi ang nin.

1 Peter 1:19

Etharin Khristo thangchan tahi wang iri thalun raa kotta, piq raa jaqmoq etho ngarey ahung kelwut sa mal.

1 Peter 1:7

Nim kam sha chamtan asing sha thak siin rangma iri tang raa angta. Nim kam sha hun aa cha phey náng thangchan. Hun aa cha sha uthun ang ajo tho wal eq ira hun tasang aa, irimal nim kam raa tho ang ang ching. Irimal ang ajo Jesu Khristo sha takhi saal o, nim rangma tasapsey, phun amun etho rangka nim aa kap nin.

1 Peter 2:7

Iri long raa nim ma thangchan bara han shing inn. Etharin utang eq han shing moq ning rangma, “Bari long sha raa moq ta himhuntey tang aa shingchak ta eshi long sha thaji phey náng eq jaqhal thangchan long ma kalikta.”

2 Peter 1:1

Iri likwit raa Jesu Khristo sanga nia apostle Simon Peter ching kowang: Hiqtang aa kapti mal thangchan kam kaptey miq ma iri likwit raa wit ang, Shkewa nia thaluntey Jesu Khristo asing tungkang wang.

2 Peter 1:4

Eshi tungkang o piq aa hiqtang ma ajong nia thangchan rangtum kot ta, irimal ang eq iri rangtum tungkang o hiqtang sha mingkang jashit tinthin bara hiqtang tathun chak phani, iri thaji wang lun eq etho Shkewa dangjang mal ang ni.