1 Peter 1:12 - ASII LAKDAP Bible (BSI)

¹² Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

Hawa Naga Bible 2001

¹² Tsuingshiq rueq kvruex lvmz htenc jungphvnx wvnc tueq kuex tsuingshiq vjux lvp wvnc tvkoc rvmuq, nuimshiq tvkoc rvtueq lvmz Tishox rueq vruex shvmmax bix vmac tvkhic kuq tueq. Nuimshiq kox nuex Thuix Thaungx Vhvlx lvmc lvy jix htenc kuex shvmmax bix rueq tvluz nuex jungphvnx wvnc hez rueq raungmungx wawc vtvkaz Vsawc Siyac hungc vlaungc maq nuimshiq muex tvkhic tvtay kuy ningkhvnc nuex nuimshiq rueq tay wvnc tuit. Kvruex lvmz htenc kuex raungkamx bix rueq doc muinz vtuiuz roc rvtueq.

Muklom

¹² Shkewa iri rangsamal tang ma ning jaksom sha ning rangma ang moq etharin nim rangma ta takhi ta. Etho ning aa bara batta tha thanga nim aa utat eq tin; esha mungtan wang Asang Tsija tarong tungkang o takat ta thoksil tattey tang aa tungtang qhal phanchan ta. Iri raaq tang raa rangkamwa tang atho khi eq unuk ang aa.

1 Peter 1:12 Referencias Cruzadas

DUNGWVNC 25:20

Kra cherubim kaünai ka tek hap chang thaq na riilii riilii kha riikhok na nyi raq raq riichang. Kiimaq tsangnai rakong wiinai tiipii raq raq kra riika tek hap kra hamli pang chang.

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

ISAIA 32:15

Shatmaq jangshiri hali Shiikeawe raq apaiq asii wenyi nashiq ma mikuq nong. Kra wakram shamseahü amiimbaiq thun kra thongshiri hali hiqpo hiq win ma mija nong. Kiimaq kra ramsea binjü kiiwa tü atsam ka aheawiq aphok alok mihea nong.

ISAIA 53:1

Mungmaiqse raq treto, “Ümchaü naishiq raq tiitai chongtiikai ka juro mikam wan lot? Juro Tatiwe jaqsham ka arjaq chhi wanta?

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 12:13

“Kiimaq Daniel lei, ümniika atiithum ranaiq na saüli tsapkapkap maq silaq. Kra laütiishetiq ümniika mitsai haü. Shatmaq ümniika amaa wa dong wan laüta ümniirii athü poksi kra phangthum ranaiq na milap haü.”

DANIEL 12:9

Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

DANIEL 2:19

Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:

DANIEL 2:22

Apaiq raq tsaühea hupsam, kiimaq apaü arthü kra tiichhikuq tlo; apaiq raq ranyaq mong na paütlaq kra asap, kiimaq apaiq tro niika rawiili wali.

DANIEL 2:47

Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

DANIEL 8:13

Kiijiishe ngi raq rase ashi raq rase ashi ma bom ka akha waito taikang, “Riita ara riisham mak maq tiichhikuq tlaq mra pin arka, ümtincho na saüli wa mipin wan? Ranaiqtek honglu kewan jaqsham ka, atinkhan abi riiqkhiq ngarai jaqsham maq ümtincho na saüli wa milai baiq wan? Kiimaq ramungtan phenlabi nai Shomjam ka ümtincho na saüli wa hok maq nishishi mihaihii wan?”

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 16:17

Kiijiishe, Jesuq raq, “Kechu jonghea, Johan se Simon le!” nguta treto. “Riita ara tengtlaq bomtsi chongtlaü arka ümniima maiqse raq achongkuq ka riimak. Shatmaq i We ramungtan na siti we raq ümniima tingsang atiichhi arkuq.

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Luke 15:10

Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

Luke 2:26

Kiimaq, apaiq miika, Shiikeawe raq kiq akhamkuq Tatiwe Khristo saüho tlaq, kriiwe sham kra chhithü hü maq, apaiq ka tsai mak miraq nguta, Asii Wenyi raq apaiq tsan mong na, tiitsang dada achongke wishe dongdii.

Luke 9:6

Krai mren, ajaqshisetiim ka kihoto. Raüta maiqhiq shong thun ümchuwa sitaq kiijaq tiikham raüta kito. Raüta, Tsütsa Ahea kra chongkuq wan wan, trahokuq wanto. Kiimaq maiq atsi asiti thun ka barap wa tiihea kuqto.

John 15:26

“Riita, Khrumti we ngutlaq ka misaüho she. Apaiq ka Asii Wenyi. Apaiq ka Awe pha wa kitlo. Apaiq raq Shiikeawe ka maiqse rai mang mitriisap kuq wan. Kiimaq, Shiikeawe tsantsii ka maiqse ma tiichhikuq wantlo. Ngi raq apaiq ka Awe phawa, namshiq phana mitiiki kang. Kiimaq apaiq ka ngi hakhi ma jaraüta, ngi tingkhu wa bom ka, namshiq ma michong phan kuq wan.

Acts 10:44

Petar raq tsangshiq ma trahoke rea liipan niili, apaiq traho taiti tarü khum na, Asii Wenyi ka sat raüta tsangshiq ka rom wanto.

Acts 16:10

Paul raq kra riisham bomchong kra chhi raütiishe, arka Shiikeawe raq naishiq ka Mesidonia wang na siti mungmaiqse ma Tsütsa Ahea kra chongke wa miitu she heatlo ngutiishe tak kai. Krai mren, naishiq ka tlothit li she, Mesidonia wang nü na lai maq wawan miitu she tiijeme wan kai.

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Acts 4:8

Kiijiishe, Asii Wenyi raq Petar khum ka kunli ama romto. Krai mren, apaiq raq tsangshiq bom ka akha treto, “Munglangti mungtubi nai shiilangbi lei,

Acts 8:25

Tsangnai raq nokmaiqse ma Jesuq Khristo miitu hakhi kuq lot raüta nai Tatiwe Tsütsa ahea kra chongkuq lot raütiishe, Petar nai Johan ka Jerusalem na hali jangho nongto. Tsangnai ka ajangho lam maq, Samaria wang na maiqhiq shong pahea na Tsütsa Ahea kra chongkuq wanto.

Romans 1:15

Ara chongkuq tiikang arai mren, ngi ka namshiq Rom na siti miimin, Tsütsa Ahea ara chongke wa miitu, kheshat maq sitiikang.

Romans 1:17

Jamkhano Tsütsa Ahea na ningkun asi ngukla, Tsütsa Ahea na ngarai maiqse ka, Asii Shiikeawe raq apaiq rai wehea ma jamkho shram wan tlaq, kra lamphan ka tiichhi kuq tlo. Ara Shiikeawe rai wehea shram wan tlaq arka, apha maq riita atiisup na saüli, maiqse raq Shiikeawe ma kamtsantsii thü tlaq, hiqkhu phi kra miili dü wan chang nguta chong tlo. Arka asii bomtsi na chongtlaq, kra phan phan hongtlo. Asii bomtsi na akha chongtlo, “Jurwa Shiikeawe ma kam tlaq, kriiti ka Shiikeawe raq apaiq rai wehea miishe tiija wantlo. Raüta kamtsantsii lümaq atra misi wan.”

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

Romans 15:19

Shiikeawe raq ngi lümaq awang chang nai amao chang jaqsham pahea sham wanto. Arthun awang chang nai amao chang jaqsham wantaq arka, Shiikeawe Asii Wenyi ningkun maq sham wanto. Ara trahoke wan jaqsham arka, ngi raq Jerusalem maq pha wan lata, Illirikam chela na saüli, hiqshi na tra hokuq wan wan maq, khum wan lata chongkuq wankang. Ngi raq Khristo Tsütsa Ahea kra arang chong maq tiichap wan lata, atsii na saüli, tiitho tiipha chongkuq wankang.

1 Corinthians 2:10

Shatmaq nashiq ma ara maiqse ahinti raq jurmin saptai wan mak phan tsütsa ara, Shiikeawe raq Asii Wenyi lümaq, apaiq raq apaü raüta athü phaqchi ka tiichhi kuq wanto she. Asii Wenyi riika phanrap wiita konchon wan tlo. Shiikeawe raq apaü raüta asaiq sam wan phaqchi, apaiq tiima tsaühea, maiqse raq khon lot mai chang kra wiita khontlo.

2 Corinthians 1:22

Kiimaq nashiq khum na apaiq raq, apaiq rii she nguta, Asii Wenyi miithii maq shongto. Kiimaq apaiq raq nashiq ma nashiq tsan mong na Asii Wenyi kiimin athiikewi she. Riita, ara Asii Wenyi thiikuqtaq arka, Shiikeawe raq nashiq miitu ümchuwa mikuqha nguta kiq kham raüpot khakuqtaq kra, rawiichii nashiq raq kunli milap wan rong i she dea nguta tiichhike wan kiqkham raükha tiipha khake la niishe kuqto.

2 Corinthians 6:6

Naishiq raq asii arai tsantsii maq, tsütsa ahea taksu tsantsii maq, anin wan tsantsii maq, kiimaq riimang riichan tsantsii maq, naishiq ka Shiikeawe jaqshisetiim dea nguta tiichhi kuq wan tiikai. Arka Asii Wenyi raq, kiimaq naishiq tsan na riikhaqli mangchan tsii rüm tiikai kriimaq tiichhi kuq tiikai.

Galatians 1:12

Arka ngi raq maiq bomtho alap wan ha min riimak. Kiimaq ngi ma maiq raq ashrinkuq min riimak. Arka ngi ma Jesuq Khristo apaiq raq atiichhi arkuq. Kiimaq tiitsangdada achong arkuq.

Galatians 1:16

Ase ka juwa, kra ngi ma tiichhikuq wantaq, raüta ngi ma, Jesuq Khristo Tsütsa Ahea kra, Pongnok phan maiqse ma chongke wan miitu aming kuq wantaq, kra akhing ranaiq na, ngi raq i jaq sham phaho ma, sungkhu tsiilam riiwaiso kai nguta, maiq ahinti jurai min riiwaisoki mang dea.

Ephesians 3:10

Arka, ümchaü pat akhing niishetiq, phungtuti lü miishetiq, ara apaü raüta athü arwan jaqsham ara, ra na siti munglangti, rasetiim raq, kiimaq ramungtan na siti ningkun rümti winji welabi riimin, Shiikeawe anyan phaqchi jonglu kriika, atinkhan dea nya nguta, misap wan laq ngutiishe, tiichhi kuq tlo. Arka, Shiikeawe ningkun ka phanrap phanrii jaqsham maq tiichhi kuq tlaq kra, tiisap wan miitu she chongkuqtlo.

1 Thessalonians 2:9

Phunainotiim lei! Naishiq raq namshiq tiichhanchhi wan miitu, itinkhan ranaiq rawa, japhü wasü hunnii kai irka, ümchaü namshiq tsan na asi li ahiq! Naishiq raq Shiikeawe Tsütsa Ahea ka namshiq ma chongke lam maq, naishiq raq ranaiq rawa jaqsham laita sikai. Laita naishiq raq namshiq ka jam min süpsi mai maq, jaqshamkai.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 11:13

Ara chongtiikai richü wetiim raq, Shiikeawe ma kamshat maq tsai wanto. Shiikeawe raq tsangshiq ma mikuqha nguta kiqkham kuqtaq kriika, lap wan mak dea miili tsai wanto. Shatmaq, Shiikeawe raq khamkuq taq rawiichii pat na saüho tlaq kriika, tsangshiq riimin kamtsantsii maq, alu na asaüho chhithüto. Raüta khoqriiq shishiiq maq tao wanto. Krai mren, tsangshiq raq nanok ma tantan maq, tsangshiq ka ara mangjong hiq na wanshawetiim ikha sitiikai nguta chongkuq thüto.

Hebrews 2:4

Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.

Hebrews 4:2

Jamkhano akha tsii chongkuq tiikai ngukla, Tsütsa Ahea ka tsangshiq raq jamkho taitaq kiikhiisii hali, nashiq riimin tai kai she. Tsangshiq raq Tsütsa Ahea ka taito. Kriika tengto. Shatmaq tsangshiq ma amet dong chang jam min ahü riito. Jamkhano ngukla, tsangshiq raq kra taitaq tsütsa kiima, Shiikeawe raq tsangshiq ma nü mitiitsak kuqha nguta kiq kham kuqtaq kriika, tengteng dea mikuq nguta, kam mak dea riito.

1 Peter 1:25

Shatmaq Shiikeawe bomtsi ka athen kai nguta ahü, pattup pat-sa atra li sitlo.” Riita ara bomtsi ahata, Tsütsa Ahea, namshiq ma chongkuq wantaq kra.

1 Peter 4:6

Ara chongtiikai arkha miitiina, maiq kongkhu na atsaikiti thun kunli winji ma, Jesuq Khristo raq Tsütsa Ahea kra chongkuq kitaq kra. Maiqse ngusaq tarü ka atsaiti siisaq. Tsangshiq tsai wantaq kriimin la, Shiikeawe raq tsangshiq ningthoi kra tiihongke wan kha maq tsai wanto. Shatmaq tsangshiq ma Tsütsa Ahea tiitai kuq wantaq kriika Shiikeawe raq tsangshiq riimin wenyi rilung na atra misi wan laq nguta chongkuq kito.

Revelation 5:11

Kiimahali, ngi raq liinong kang. Krai mren, rasetiim bom taikang. Rasetiim ka ahing amun awea lot mai chhikang! Tsangshiq ka hokham ngacho, atra ngamkaü blai, kiimaq nyungwere thun kra trotam na chhikang.