1 Peter 1:11 - ASII LAKDAP Bible (BSI)

¹¹ Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

Hawa Naga Bible 2001

¹¹ Palc daungc wvnc nuex seng yaq kejux kuex mruex vkhing mruex pat yvmx khoc maq raz tueq httuiuc kaz tuex lvmz kuex hunglaungx thuiyx tueq. Tsuingshiq nuex httax yaq Christu Siyac kuex kvtanc jauz Christu rvhumc juing rvtueq kuilc daz muinz, kvkhoc rvhumc yix maq lvp wvnc juing ngauz vngax muinz tvluz nuex tvkhic shec tueq.

Muklom

¹¹ Ning aa iri lunwan raaq baluk o angna etho chamal angna ta bita. Etho bara Khristo Tsija eq ning tin na tasam ta iri tung aa raaq raa ning aa sam ma tathin ta. Khristo tsamnang tung aa raaq etho eshi jio phun amun thupha na ta Khristo Tsija raaq batta.

1 Peter 1:11 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 14:9

Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.

Matthew 26:24

Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

John 12:41

Isaia raq ara riisham bom chongkuq thütaq arka, apaiq raq jai na Jesuq khushü jonghea dong wan chang dea asi shaq, kra chhi raüta chongthüto.

Acts 16:7

Tsangshiq ka Maisia wang hiq rai binjü na saü wan raütiishe, Bithinia wang nü kiina wawan haijaq nya ngutiishe danto. Shatmaq, Jesuq Wenyi raq tsangshiq ka tiiwa mak dea, atiiwin riito.

Romans 8:9

Shatmaq, namshiq ka ümchaü sanha, namshiq han-ngam tiima tsantsii raq thaü tlaq, kra phanphan ka singa man she. Kra rii na, namshiq ka Asii Wenyi raq shunshea tlo. Riita, namshiq khum na Asii Wenyi sitlaq jiila, akha miraq. Ümriiti khum niiwa Khristo Wenyi ka ahü, kriiti ka Jesuq rii ka riimak.

Galatians 4:6

Riita, krai mren, namshiq ka asetiim she dea nguta, tiichhike miitu, Shiikeawe raq, Ase Winji, Asii Wenyi ka, nashiq mongjii niishe tiikito. Riita, krai mren, ara Wenyi nashiq mongjii na sitlaq ara raq, “Mangchan ajong rümti i We lei,” nguta achu jaütlo.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.