1 Peter 1:13 - ASII LAKDAP Bible (BSI)

¹³ Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

Hawa Naga Bible 2001

¹³ Kvkhoc rvtueq nuimshiq rueq shuimc lvmc wvnc tvkoc nuimshiq thuinz vmungx htenc kuex tvyoalc wuez shuinz. Yesu Christu httuiuc kaz tuex nuex nuimshiq muex kuq shuex kejux kuex vruing raung thuinz vguez maq honc svmz hvt maq tvsawc ric thuinz tvluimc bvmc shuinz.

Muklom

¹³ Irimal ang ajo jaksom rangma nim thung shi kacha inn. Rangtun eq tong inn etho, Jesu Khristo kat rangham o nim aa kap ma ta inn eshi ráng manchan rangma nim aa tungmang shing eq tong inn.

1 Peter 1:13 Referencias Cruzadas

1 HOKHVMX 18:46

Kiimaq Tatiwe ningkun ka Elija khum niishe rom wanto. Raüta apaiq raq akhu akhea adü na asam thun kra achhü tro na phataqtaq she shatto. Raütiishe apaiq ka Ahab khaki na sinkhu na Jejreel chela nü kiiniishe juto.

2 HOKHVMX 4:29

Kiijiishe Elisha raq Gehaji phanü na lii raüta apaiq ka thaüto, “Kotsi jaqlo! Inyeakii kra lam wan lata walaq. Lam na maiq riihum haü min, naqkhingkiq kiimaq naq riibomdamkiq. Kiimaq maiq weshi ra raq ümniirai riibomdam haü min, kra bomtre ümniika lam na naqkhingkiq. Leaphok tsang jam na walaq. Laüta inyeakii ka ümjaq maq shamshat maq nono khu thaq na tiiwelaq.”

YOBA 38:3

Ümchaü min maiq ashi dea nguta kamto maq chaplaq laüta ngi raq bomtsi waitiikang thun arshe trelaq.

YOBA 40:7

Maiqwe ikha ümchaü chap liina, laüta ibom waitiikang ara trelaq.

DUNGWVNC 12:11

Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.

ISAIA 11:5

Apaiq raq asengi ka tingting tri maq mipeng, kiimaq tsantsii siirairai maq miriim wan.

JEREMIA 1:17

Jeremia lei, tiijelaq; kilaq laüta ngi raq ümniima jamlai aming wa kuqkang thun kra wiita tsangshiq ma chongkuq kiqkiq. Ümniika ümchaü tsangshiq ma naqhaikiq. Riimakla, ngi raq ümniika tsangshiq rai she riihumtlaü na ngi raq ümhai ka tiisihea she mitiisiha.

Matthew 20:4

Kra chhi raüta, apaiq raq tsangshiq kiimin hali, ‘Namshiq min i spiqtsiro na ningchang sham wa rongkiq. Ngi raq namshiq ma jaq maq ka aheawiq mikuq kang,’ nguta thaüto.

Luke 12:35

“Miirii ka sam lanta nai lemtem ka tlü shatmaq, kheshat khewan ronglaq.

Luke 17:30

Ikiikhiisii hali, Maiq Se saükai akhing ranaiq niimin micha wan.”

Luke 17:8

Riimak. Kiikhiika thaümaü! Kra la na, ümniiraq apaiq ka akha mithaü haü, ‘Ngi ma dung ka tsoq laq. Laüta, ngi dungsea bala, i tho na nga laüta khelaq. Ngi sea lot jai shetiq, ümniiraq dung ka silaq!’

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Romans 8:19

Shiikeawe raq phanrap ümchuwa phansang wantaq thun wiitarü raq, maklii khamthii maq, Shiikeawe raq asetiim thun kra tiichhi kuq wan tlo haü jiilei nguta, kai athei ange khe wan tlo.

1 Corinthians 1:7

Krai mren, namshiq raq achu shiiman thumli asho awo she lap wan lan. Ümchaü sanha, arphan ara lap wan mai dea nguta ngo chang min ahü she. Kiimaq nashiq Tati Jesuq Khristo saüho ka maklii khamthii maq khe wan tlan. Apaiq ka ranaiqshishi misaüho she. Raüta maiqse ma apaiq khushü chhainyii jonglu kra mitiichhi kuq.

1 Corinthians 13:13

Riita, ara chong kai kongphiq thun liipan arwa, ara kongphiq atsam arli she mitiichong. Kamtsantsii, aranphantsii, kiimaq lungwiitsii. Riita ara atsam arwa, ajong pinthum kongphiq ka lungwiitsii.

Ephesians 6:14

Krai mren, tiijeshat maq chap ronglaq. Shiikeawe tsütsa tengtlaq bomtsi chongkuq tlan ka, namchhü na shinket apa ikha pashat maq sirong laq. Kiimaq tingting maq wranaiqshe jaqsham tlan kriika, namkhuk na jinpen kheathum atiiwong chang akhesam ikha samshat maq sam ronglaq.

Colossians 3:4

Namshiq rilung chong ka Jesuq Khristo. Krai mren, apaiq ka ümra ranaiq akhing niiwa saüho tlaq, kra akhing na namshiq min apaiq rai achhai anyii miishe misi wandam han.

2 Thessalonians 1:7

Kiimaq namshiq ümchaü chamchao tlan ka, atiiwong mirkuq. Kiimaq naishiq armin atiiwong mirkuq. Shiikeawe raq ara khaphoke arka, Tati Jesuq Khristo ka apaiq rasetiim ajong alabi thun sheaho raüta, rawang win na akai rai saüho tlaq akhing ranaiq na mipho kuq wan.

2 Timothy 4:5

Shatmaq, ümniiriiwe kla jamlai phan rahai ahea abili saü wan raü min, ümkam tsantsii ka pharangrang maq thü wan ruq riilaq. Chamchao litkot ümtinkhan wa saü tlaq, kra nin wan ruq maq silaq. Tsütsa Ahea chongketi, maiqshaq weshi nguta kamto maq silaq. Shiikeawe jaqshi, maiqshaq ashi nguta kamto maq silaq.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Hebrews 10:35

Riita, ara ningkhan, namshiq ka awongsii Phungmaiqse she dea nguta, jamkho silan, kra taqtaq li si rong laq. Namshiq ka akha shiichaq wan ruq, nungpaq man maq si han jiila, namshiq raq poksi jonghea milap han.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

Hebrews 6:19

Nashiq rilung lai shiikhing wa chang, jinkhaiq kong bu ikha sitlaq kriika ara. Ara jinkhaiq kong bu arjaq riiwiiqtibi ka, ahai song chang jam min ahü. Kriiti ka jamlai rahai riimin chhi mak. Nashiq tsan ran chang jinkong bu ka Jesuq. Apaiq ka ramungtan na sitlaq shomjam mong kiijaq, asii thaq niimin asii pinthum siqlaitap sitlaq kra mong niishe wawanto.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 Peter 1:10

Riita ara chong tiikai tiichhii wan rilung ara miitu tiina, man na pat wa shammibi thun raq kai rashi hiqwia maq ritkot wantaq. Raüta tsangshiq raq ümchaü namshiq raq Shiikeawe kongphiq pattup pat-sa rilung lap wan lan ara tiithai chong kuq thiito.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.