1 Peter 1:12 - Muklom

¹² Shkewa iri rangsamal tang ma ning jaksom sha ning rangma ang moq etharin nim rangma ta takhi ta. Etho ning aa bara batta tha thanga nim aa utat eq tin; esha mungtan wang Asang Tsija tarong tungkang o takat ta thoksil tattey tang aa tungtang qhal phanchan ta. Iri raaq tang raa rangkamwa tang atho khi eq unuk ang aa.

ASII LAKDAP Bible (BSI)

¹² Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

Hawa Naga Bible 2001

¹² Tsuingshiq rueq kvruex lvmz htenc jungphvnx wvnc tueq kuex tsuingshiq vjux lvp wvnc tvkoc rvmuq, nuimshiq tvkoc rvtueq lvmz Tishox rueq vruex shvmmax bix vmac tvkhic kuq tueq. Nuimshiq kox nuex Thuix Thaungx Vhvlx lvmc lvy jix htenc kuex shvmmax bix rueq tvluz nuex jungphvnx wvnc hez rueq raungmungx wawc vtvkaz Vsawc Siyac hungc vlaungc maq nuimshiq muex tvkhic tvtay kuy ningkhvnc nuex nuimshiq rueq tay wvnc tuit. Kvruex lvmz htenc kuex raungkamx bix rueq doc muinz vtuiuz roc rvtueq.

1 Peter 1:12 Referencias Cruzadas

Matthew 11:25

Ethi rangham tho, Jesu aa batta, “Iwa, mungtan nia mingkang Teyhungwa, nga nang ma kechu ajong kophang chammatakoi nang aa iri tang thaji raa rapney samtey etho asam atol miqtang wang tapu eq nijangsa mal miqtang ma tasam ma kotu.

Matthew 11:27

“Iwa nga ma phanrip kota phang. Iwa tha shing chak eq utang eq tho Usa sam moq. Utang ma Usa aa uwa takhi aa, ning aa Uwa sha sam aa. Ning nia Usa tha shingchak eq utang eq tho Uwa sha sam moq.

Matthew 16:17

Jesu aa batta, “John sa Simon, nang ma sunmaan chammatakoi iri raaq raa nang ma ashey miq eq takhi moq. Etharin rangmungtan na tongtey Iwa hun nang ma takhi taphu.

Mark 16:15

Piq aa ning ma batta, “Thaji mingkang náng ka inn etho thaji miqtang ma tungtang aqhal phanchan inn.

Luke 15:10

Nga nim ma irimal hun batphang, ashey ngarey jakshomtey tin kaley ajo Shkewa rangkamwa tang tho rapney sungrang na.”

Luke 2:26

Etho Asang Tsija piq ma takhita, Teyhungwa khristo khi wey moq nángduk piq sha timoq angna.

Luke 9:6

Ujiphantey tang aa eshi haq tha shing eq thaji qhim náng thu eq, etho tungtang qhal phanchan ta etho eshi qhim wang thaji ataksa tha taqhal ta.

John 15:26

“Etharin Iwa chingko wang Rapnongtey sha nim relnáng nga takat phanáng. Piq Iwa ching wang Asang Tsija. Piq ka eq i tung i raaq nim ma miikkhi kot na.

Acts 10:44

Peter aa bat chey ta tho, thaji miq eq raaq tat chey ta tang thima Asang Tsija thuta.

Acts 16:10

Paul aa iri máng raa khi eq, í macedonia náng katching ta kacha ta; chammatakoi eshina tongtey miqtang ma tungtang qhal phanchan ma Shkewa í hal taphi ta í aa sam ti.

Acts 2:33

Shkewa piq tha ujak khak kona tun eq tatong ta, etho piq aa Uwa chingko wang rangtum mal Asang Tsija kapta. Etho thanga nim aa chamli khi tin etho tat tin sha ukongpha, bara piq aa hiqtang ma shat kot ta.

Acts 4:31

Ning aa romtam thun chuta tho, ning bari haqna tong aa ethi haq tha mota. Etho ning thaji Asang Tsija eq sheyta etho ning cho hunga Shkewa raaq tha bat kot ta.

Acts 4:8

Asang Tsija wang shey eq Peter aa batta, “Miqtang solwa tang etho miqlang tang,

Acts 8:25

Ning ni aa Teyhungwa raaq phanchan ta Jesu tung aa raaq miikkhi kot ta, ethi jio Jerusalem náng wey welta. Lam na ning aa Samaria qhim tang na tungtang qhal phanchan tatat eq kata.

Romans 1:15

Eshirangma nga nim ma tho bara Rome na tong inn, tungtang qhal phanchan ma rapney ram eq kacha ang.

Romans 1:17

Chammatakoi tungtang qhal sha Shkewa asing sha takhi aa, iri asing raa phang wang tha uthun náng thula kam wang kap aa; asang likwit na thawit thimal, “Asing miq sha kam wang tong na.”

Romans 10:15

Etho utang eq takat moq ang ajo chamtey eq chammal eq jin phanchan na? Asang likwit na thawit aa, “Barey tungtang qhal phanchan aa, ning jaa shi chamtan ma qhal aa!”

Romans 15:19

Umal etho patja jaksom tarong wang etho Shkewa Tsija tarong tungkang o iri tang raa angta. Eshirangma nga Jerusalem wang Illyricum náng thula nga Khristo tungtang qhal thaji tha phanchan táng.

1 Corinthians 2:10

Etharin Shkewa u Tsija wang hiqtang aa iritang thaji raa sam ma kot taphi. Tsija thaji raa bi aa, Shkewa apu ashim raaq tang sha tho ubi eq aa.

2 Corinthians 1:22

hiqtang raa umiq angma umal kot taphi, etho piq aa hiqtang rangma chamlang thajoq shingta sha takhi rangma hiqtang tinmong na Asang Tsija kot ta.

2 Corinthians 6:6

Í asang wang, thunglam tallam wang, tinmáng wang etho tinnin wang, í aa Shkewa sanga tang ta takhi ti. Asang Tsija wang etho í asing tinmat wang,

Galatians 1:12

Esha nga miqtang ching kowang kap mong ang táng etho ngama utang eq tho tatal kot moq angta. Esha Jesu Khristo aa ngama takhi bat kot taphang.

Galatians 1:16

Etho nga o usa Miqwasa tha takhi rangma, etho nga Gentile tang ma tungtang qhal phanchan rangma piq aa tathin ta tho, nga miqtang ma chamli som táng tha pit moq angta.

Ephesians 3:10

Irimal ang eq thanga mondoli tungkang o, Shkewa uphan phan thunglam sha mungtan ajong tang nia jaktáng o shingtey tang aa takhi na.

1 Thessalonians 2:9

Í no nia pho na tang, nim aa í jaksom nia tsamnang tasik eq inn ta í aa usam eq i; í aa utang ma tho hollit nak cham ang aa ta í aa rangpal rangwung jaksom eq Shkewa tungtang qhal nim ma phanchan kot taphi.

1 Timothy 3:16

Hiqtang phong apu ashim raaq sha chamtan jong aa raaq sha utang eq tho jin dan moq, Khristo miqna mal chang katapha, etho Tsija eq piq sha asing ma takhita, rangkamwa tang aa piq sha khita, Piq tung aa raaq sha phan aa jat ma phanchan ta, mingkang miqtang aa piq tha hanta, Etho phun amun o piq sha sol chuwan ta.

Hebrews 11:13

Iri miqtang raa kam o tita; etho ning aa rangtum ta tangwang tang sha kap moq angta; etharin ning aa mingkang ro winwa etho adak mungtey ta bat eq alo wang iri tang raa siin eq banta.

Hebrews 2:4

Shkewa tho adak adak umaal, uphan phan tarong jaksom, etho patja jaksom tungkang o etho Asang Tsija aa jakkot tang bara utinthin o phal kotta, irima miikkhi kochey ta.

Hebrews 4:2

Ning aa tatta thimal hiqtang aa tho tungtang qhal tat ti etharin tatchol raaq wang ning aa chamtho kap moq angta; chammatakoi ning aa kam jamoq tat moq angta.

1 Peter 1:25

Etharin Teyhungwa raaq sha pattuk angna.” Etho iri raaq raa hun tungtang qhal, bara nim ma phanchan ti.

1 Peter 4:6

Iri rangma thanga tiktey tang ma tho tungtang qhal tatat eq ta, irimal ang eq hanngam na ning sha miqna eq phungna etharin tsija na ning Shkewa jamoq tong na.

Revelation 5:11

Nga siin táng tho daqhan rangkamwa tang raaq tat táng, ning tha hayat pheynáng ahan angta. Ning aa lungwang tongching, atharang phan, etho miqlang tang tha timta.