Mattheu 21:33 - BIBELE

³³ “Mamelang setshwantsho se seng hape: Ho ne ho ena le monga tshimo ya ileng a lema tshimo ya morara, a e teela hare ka lerako, a tjheka setlhotlelo hara yona, a ba a haha le kalana ya molebedi. A e nea balemi ho e lema seahlolo, yaba o a eta.

Sesotho 1909/1961 (SO)

³³ Utlwang setshwantsho se seng: Motho o ne a le teng, e leng monga ntlo, ya hlomileng tshimo ya merara; a e sireletsa ka motero, a tjheka sehatelo teng, a e hahela tora, mme a e laeletsa balemi, a ntoo eta.

Baasraak Sotho NT

³³ Utloang setšoantšo se seng: Ho ne ho e-na le monga ntlo e mong, ea hlomileng tšimo ea merara, a e thibella ka hohle, a tjheka sehatelo ho yona, a haha tora, a e lefisa balemi, a ya naheng e hole.

Contemporary Southern Sotho Bible 2024

³³ Utloang setšoantšo se seng: Ho ne ho e-na le monga ntlo e mong, ea hlomileng tšimo ea merara, a e thibella ka hohle, a tjheka sehatelo ho yona, a haha tora, a e lefisa balemi, a ya naheng e hole.

Mattheu 21:33 Referencias Cruzadas

1 Marena 22:19

Mmikiya a tswela pele, a re: “Ka baka leo he, utlwa lentswe la Morena: Ke bone Morena a dutse teroneng ya hae, mme mabotho wohle a lehodimo a eme pela hae, ka letsohong la hae le letona le ka ho le letshehadi.

Isaia 1:10

Lona baahi ba Sodoma, mamelang polelo tsa Morena! Lona tjhaba sa Gomora, mamelang molao wa Modimo wa rona!

Jeremia 19:3

o re: ‘Lona dikgosi tsa Juda le baahi ba Jerusalema, utlwang lentswe la Morena. Morena wa mabotho, Modimo wa Iseraele, o bua tjena: Mamelang! Sebaka sena ke tla se dihela koduwa e tla etsa hore ditsebe tsa mang kapa mang ya e utlwang di hlohlone.

Jeremia 2:21

Ke ne ke o hlomme sa morara o motlemotle, sa morara o jetsweng ka peo e butswitseng; jwale o ile wa mphuralla jwang, wa fetoha hlahlaane ya morara wa naha?

Hosea 4:1

Lona Baiseraele, utlwang ntswe la Morena! Morena o qosa baahi ba naha ena, hobane ha ho nnete, ha ho mohau, le ho tseba Modimo naheng ena ha ho eo.

Mattheu 13:18

“Ha ho le jwalo, lona, utlwang setshwantsho sa mojadi.

Mattheu 20:1

“Mmuso wa mahodimo o tshwana le monga tshimo ya ileng a tsoha kameso ho ya batla batho ba tla sebetsa tshimong ya hae ya morara.

Mattheu 21:28

“Le reng na? Monna e mong o ne a ena le bara ba babedi. A ya ho wa pele, a re: ‘Mora ka, tsamaya o yo sebetsa tshimong ya morara, kajeno!’

Mattheu 23:2

o re: “Ditsebi tsa Molao le Bafarisi ba dutse setulong sa Moshe.

Mareka 13:34

Ho jwalokaha motho a eta, a siya ntlo ya hae, a nea bahlanka ba hae matla, e mong le e mong mosebetsi wa hae, a ba a laela molebedi wa monyako ho lebela.

Luka 19:12

Yaba o re: “Monna e mong wa leloko la borena o ne a ye lefatsheng le hole ho ya newa borena, a nto kgutla.

Johanne 15:1

“Ke nna sefate sa nnete sa morara, mme Ntate ke molemi.

Deuteronoma 16:18

“Metseng yohle, eo Morena Modimo wa lona, a le neang yona, le kgethe baahlodi le baokamedi ka ho ya ka merabe ya lona. Ba ahlolele setjhaba ka toka.