Daniele 3:22 - Sesotho 1909/1961 (SO)

²² Mme kahobane taelo ya morena e ne e le thata, le kahobane sebopi se ne se besitswe ka ho fetisisa, batho bao ba akgetseng Shadrake, le Meshake, le Abede-Nego ba eshwa ke lebatama la mollo.

BIBELE

²² Ka baka la hobane kgosi e ne e entse taelo e thata ya hore sebopi se beswe ho feta tekanyo, malakabe a mollo a ile a bolaya banna ba neng ba kakasitse bo-Shaderaka le Meshake le Abedenego.

Daniele 3:22 Referencias Cruzadas

1 Marena 13:28

A ya, a fumana setopo se namaletse tseleng, esele le tau di eme pela setopo; tau e ne e sa ka ya eja setopo; e ne e sa ka ya robokela le esele.

Eksoda 12:33

Baegepeta ba horohosa setjhaba ka matla, ba se potlakisa hore se tswe naheng ya bona, hobane ba ne ba re: Re tla shwa kaofela.

Diproverbia 11:8

Ya lokileng o lwelwa tsietsing, empa bakeng sa hae ho wela ya sa lokang.

Diproverbia 21:18

Molotsana o etswa topollo ya ya lokileng, ya kgopo o bolawa bakeng sa ya kgabane.

Daniele 1:7

Mme hlooho ya matona ya ba rea mabitso a mang, ya rea Daniele lebitso la Beltsatsare, Hanania la Shadrake, Mishaele la Meshake, le Asaria la Abede-Nego.

Daniele 2:15

a re ho Arioke, tona ya morena: Na taelo ya morena e thata keng hakalo? Arioke a tsebisa Daniele kamoo taba di leng kateng.

Daniele 6:24

Ka taelo ya morena, ha tliswa banna bano ba qositseng Daniele, ba akgelwa lemeneng la ditau, e le bona, le bana ba bona, le basadi ba bona; ba eso ho fihle fatshe lemeneng, ditau tsa be di se di ba tshwara, di roba masapo wohle a bona.

Mattheu 27:5

Ebile ke ha a lahlela ditjhelete tsa silefera tempeleng, a tloha, a iphenetha.

Diketso 12:19

Heroda, eitse hobane a mmatlisise, mme a se mo fumane, a ahlola bahlabani, a laela hore ba ye ho bolawa. A ntoo tloha Judea, a theohela Sesarea, mme a ahella teng.