2 Samuele 1:21 - Sesotho 1909/1961 (SO)

²¹ Oho, thaba tsa Gilboa, ho se ke ha lala phoka, ho se ne pula ho lona, ho se ke ha eba masimo a mang le dilopotsiya hobane ke moo ho lahlilweng thebe tsa bahale, le thebe ya Saule, jwaloka eka ha a ka a tlotswa ka ole!

BIBELE

²¹ “Lona, thaba tsa Gileboa, le se lalwe ke phoka, la nelwa ke pula; masimo a lona a fetohe matswatlare, hoba thebe tsa dinatla di silafaditswe, thebe ya Saule ha e sa tla tlotswa, ya tlotswa ka ole!

2 Samuele 1:21 Referencias Cruzadas

1 Dikronike 10:1

Eitse ha Bafilesta ba lwana le Baiseraele, banna ba Iseraele ba baleha pela Bafilesta, ba wa ba hlabilwe thabeng ya Gilboa.

1 Dikronike 10:8

Hosasane, ha Bafilesta ba tlile ho hlobodisa ba bolailweng, ba fumana Saule le bara ba hae ba wele thabeng ya Gilbowa.

Sefela sa Salomone 4:4

Molala wa hao o jwaloka tora ya Davida e haheletsweng polokelo ya dibetsa; dithebe tse sekete di fanyehilwe teng, thebe tsohle tsa diqhenqha.

Isaia 21:5

Dijo di bewa tafoleng; molebedi o a lebela; ba ja, ba nwa ... Tlohang, le eme, lona marena; kwetlisang dithebe!

Isaia 5:6

ke tla e senya, e se hlole e hlaholwa, e lengwa, mme e mele dibajwa le meutlwa; mme ke tla laela maru hore a se hlole a nesetsa pula ho yona.

Ezekiele 31:15

Morena Jehova o re: Tsatsing la ho theohela ha yona nqalong ya bafu, ke ile ka apesa tsohle ka bofifi; ka kwahela bodiba ka baka la yona, ka thiba dinoka tsa bona, metsi a maholo a emiswa; ka fifatsa Lebanone ka baka la yona, difate tsohle tse naheng tsa fokola ka baka la yona.

Joele 1:9

Nyehelo le tshelo ha di sa tliswa tlung ya Jehova; baprista, bahlanka ba Jehova, ba swabile.

Joele 2:14

Ho tseba mang? Ekaba o tla kgutla bohaleng ba hae, a le utlwele bohloko, mme mehlaleng ya hae a siye hlohonolofatso, nyehelo le tshelo tse ka isetswang Jehova, Modimo wa lona.

Baahlodi 5:23

Rohakang Merose, ha rialo lengeloi la Jehova! Rohakang, rohakang ba ahileng teng, hobane ha ba ka ba tla ho tlatsa Jehova, ho tlatsa Jehova hammoho le bahale.

1 Samuele 10:1

Yaba Samuele o nka lenaka la ole, a le tshollela hloohong ya hae, a mo aka, a re: Ha ke re, Jehova o o tlotseditse hore o be modisa wa setjhaba sa lefa la hae na?

1 Samuele 31:1

Eitse ha Bafilesta ba lwana le Baiseraele, banna ba Iseraele ba baleha pela Bafilesta, ba ya ba ewa le thaba ya Gilboa, ba timela.

1 Samuele 31:8

Hosasa, ha Bafilesta ba tla hlobodisa ba bolailweng, ba fumana Saule le bara ba hae ba bararo ba wele thabeng ya Gilboa.