2 Samuele 1:21 - BIBELE

²¹ “Lona, thaba tsa Gileboa, le se lalwe ke phoka, la nelwa ke pula; masimo a lona a fetohe matswatlare, hoba thebe tsa dinatla di silafaditswe, thebe ya Saule ha e sa tla tlotswa, ya tlotswa ka ole!

Sesotho 1909/1961 (SO)

²¹ Oho, thaba tsa Gilboa, ho se ke ha lala phoka, ho se ne pula ho lona, ho se ke ha eba masimo a mang le dilopotsiya hobane ke moo ho lahlilweng thebe tsa bahale, le thebe ya Saule, jwaloka eka ha a ka a tlotswa ka ole!

2 Samuele 1:21 Referencias Cruzadas

1 Dikronike 10:1

Bafilesita ba lwantsha Baiseraele. Banna ba Iseraele ba ba baleha, ba wa mofela hodima thaba ya Gileboa.

1 Dikronike 10:8

Ka le hlahlamang, ha Bafilesita ba tlilo hlobodisa ba bolailweng, ba fumana Saule le bara ba hae ba bolaetswe thabeng ya Gileboa.

Sefela sa Salomone 4:4

Molala wa hao o tshwana le tora ya Davida, e hahilweng ka bokgabane bo boholo; ho yona ho leketla dithebe di le sekete, kaofela ha tsona e le dithebe tsa bahlabani.

Isaia 21:5

Dijo di se di lokile, meseme e se e adilwe, ho a jewa, ho bile ho a nowa. Emang lona mahosana, thebe tsa lona le di tlotse ka ole.

Isaia 5:6

Ke tla e tlohela e senyehe, morara o ke ke wa faolwa kapa wa lemelwa, hlabahlabane le meutlwa di tla mela ho yona, ke thibele maru a se ka e nesetsa pula.”

Ezekiele 31:15

“ ‘Morena Modimo o bua tjena: Mohla letsatsi leo ka lona kedare ena e neng e epelwa, ke ne ke apese didiba tsohle bofifi, ka kwala mehlodi ya tsona, metsi a tsona a kgaotsa ho phalla. Ka etsa hore Lebanone le yona e llele kedare ena, mme difate tsohle tsa moru tsa omella.

Joele 1:9

Nyehelo ya dijo le ya dino e fedisitswe ka Tempeleng, ka Tempeleng ya Morena. Baprista ba aparetswe ke bofifi, bona baprista ba sebeletsang Morena.

Joele 2:14

Mohlomong Morena a ka nna a hauha, a boela a le hlohonolofatsa, a le fa dijo le dino tsa ho nyehella Morena, Morena Modimo wa lona.

Baahlodi 5:23

“ ‘Rohaka Merose,’ ho rialo ngeloi la Morena, ‘O rohake, o rohake le baahi ba yona, hobane ha ba a ka ba thusa Morena, ha ba a ka ba thusa Morena direng tsa hae.’

1 Samuele 10:1

Samuele a nka lenaka la ole, a e tshela hloohong ya Saule, a mo aka, a re: “Morena o o tlotsa ka ole hore o be kgosi ya setjhaba sa hae. O tla busa setjhaba sa hae, e leng Baiseraele, mme o se namolele ho dira tsa sona tse se potapotileng. Hona e tla ba pontsho ya hore Morena o o tlotsitse ho ba kgosi ya setjhaba sa hae.

1 Samuele 31:1

Bafilesita ba lwantsha Baiseraele. Banna ba Baiseraele ba ba baleha, ba wa mofela hodima thaba ya Gileboa.

1 Samuele 31:8

Ka le hlahlamang, ha Bafilesita ba tlilo hlobodisa ba bolailweng, ba fumana Saule le bara ba hae ba bararo ba bolaetswe thabeng ya Gileboa.