Matthew 6:9 - Muklom

⁹ Nim aa irimal chu inn: ‘Mungtan na tongtey hiqtang Wa, Ba miing asang ta cham rangka aa,

ASII LAKDAP Bible (BSI)

⁹ Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Hawa Naga Bible 2001

⁹ Kvkhoc rvtueq nuimshiq rueq vkhoc vjux thoz shuinz: ‘Raungmungx nuex httax yaq nuiyshiq Waz lex, Vsawc mmuingc kuex mtvtsanc nganc wuez shueq;

Matthew 6:9 Referencias Cruzadas

Matthew 10:29

Ani wosak thang sha rapney akum, etha otho, nim Wa sam moq ang eq, eshiwang ashey tho anim náng qhat moq.

Matthew 23:9

Mingkang rina utang ma tho ‘Wa’ ta nak raaq inn, chammatakoi nim ma Wa ashey dang, etho piq mungtan na.

Matthew 26:29

Nga nim ma batphang, thang wang nim jamoq Iwa Mungtan na anal sutichi ling saal náng thula, nga iri suti chi raa ling mong ang náng.”

Matthew 26:42

Jesu wey ka eq romtam chuta, “Iwa, nga ling hunga iri tsamnang kok raa jin tahel moq ang ajo, ba tinthin shimal cham ang aa.”

Matthew 5:16

Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

Matthew 5:48

Ethi rangma, mungtan na tongtey nim Wa thimal, nim tho khakla asing ang ching!”

Matthew 6:14

“Nim ma thaja somtey tang thima nim aa tolchak inn jo, mungtan na tongtey nim Wa shey tho nim sha tho tolchak eq phanin.

Matthew 6:6

Etha o tho, nim aa romtam chu inn jo, him mong khok náng wang eq, kalung sak eq, takhi moq tey nim Wa ching wang romtam chu inn. Etho phanrip siintey nim Wa eq nim ma jaksom thang kho phanin.”

Matthew 7:11

Nim jashit ang inn jo tho, nim sa rangma aqhal sha kot ma usam eq inn. Irimal ang ajo mungtan na tongtey nim Wa eq uchuk tey tang ma chamtan daqhan kot na!

Luke 15:18

Nga iwa ching náng ka eq bat náng, “Iwa, nga mungtan jakho etho bamiik siin o ngarey jaksom somlo táng.

Luke 15:21

Usa aa uwa thima batta, ‘Iwa, nga mungtan jakho etho bamiik siin na ngarey jaksom somlo táng. Nga thanga tho basa ta thamiing rol ang mong sey.’

Luke 2:14

Aluk mungtan na Shkewa phun amun cham ang aa etho mingkang wang miqtang bari ma piq nuk aa eshima nungmay cham ang aa.

John 20:17

Jesu aa piq ma batta, “Nga ri nak lo phu chammatakoi nga thanga náng thula Iwa jamnáng aluk náng wang wey mong. Etharin ino tang relnáng ka eq nang aa ning ma bat u, nga Iwa etho nim wa, etho i Shkewa etho nim Shkewa relnáng aluk náng wàng chey ang.”

Romans 1:7

Rome na tongtey nim thaji rangma nga wit ang, barima Shkewa tinma aa etho u asang miqtang ang rangma halta. Hiqtang Shkewa etho Teyhungwa Jesu Khristo ching kowang ráng manchan nia nungmay nim aa cham kap inn.

Romans 8:15

Shkewa nim ma kot ta Tsija shey nim sha qha ma shing moq etho nim sha tacho tey ang moq, etha otho Tsija shey nim sha Shkewa sa tang ma hun aa etho Tsija tarong wang hiqtang aa Abba, Iwa ta raaq eq hal i.

Galatians 1:1

Iri likwit raa nga Paul iching kowang. Nga apostle ang rangma miqtang ching kowang tho takat pha mong angta phang etho miqtang tungkang o tho takat phamong angta phang, etharin Jesu Khristo nia Shkewa ching kowang takat ta, barey piq tha amáng wang wey thajey ta.

Galatians 4:6

Nim umiqwasa tang ang tungkang o Shkewa usa Miqwasa Tsija sha nim tinmong sho takat ta, eshi Tsija sha, “Abba, iwa” ta hal eq ring aa.

1 Timothy 6:16

Piq sha hun salwet atharang tong na, etho utang tho urelnáng jin kamoq shimal alit na tong aa. Piq utang eq tho khi moq angta, thanga tho jin khi moq. Piq ma rangka etho tarong sha pattuk cham ang aa. Amen.

1 Peter 1:17

Nim aa Shkewa shima iwa ta raaq eq piq ching wang romtam chu inn, barey arum aa thaji jaksom sha kara phung aa, iri rangma nim mingkang ro adak mung miqtang mal piq ma cho eq tong inn.

Revelation 4:11

“Í Teyhungwa, etho Shkewa, phun amun, etho rangka etho tarong sha nang aa jin kap eq u, Chammatakoi nang aa hun thaji sha huntu, Ba mongtam wang hun iri tang raa huntu etho atharang tong aa.”

Revelation 5:12

Etho ning jujong aa ring eq sey ta, “Tatik chol Kelwut sa sha tarong, lik aa ngin, thung aa tal, etho arong, rangka, phun amun, etho tasapsey ukap eq ching.”