Matthew 6:9 - Hawa Naga Bible 2001

⁹ Kvkhoc rvtueq nuimshiq rueq vkhoc vjux thoz shuinz: ‘Raungmungx nuex httax yaq nuiyshiq Waz lex, Vsawc mmuingc kuex mtvtsanc nganc wuez shueq;

ASII LAKDAP Bible (BSI)

⁹ Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Muklom

⁹ Nim aa irimal chu inn: ‘Mungtan na tongtey hiqtang Wa, Ba miing asang ta cham rangka aa,

Matthew 6:9 Referencias Cruzadas

2 SAMUEL 7:26

Mmuingc jungc kuex yungx wvnc vtueq miq htenc rueq muinz, ‘Tvphaungc Tvsuip Yehowa kuex Israel htauk nuex httax yaq Tishox rvtueq,’ ngoz tueq mkaq muinz jungx wuez shuex. Mnoz rueq ngvy hokhvmx daungraungc kuex pat vjat tv-phaungx ngaungx kuq wvnc loq.

1 HOKHVMX 8:43

piq rueq vjux thoz yaq kuex tay kuq shuiuz. Raungmungx nuex mnoz httax vtuiux kvmaq piq rueq jungx yaq kuex kuq vtueq, vshuimc tvkoc mnoz kox wawc thoz yaq kuex shuimx kuq shuiuz, kvkhoc ngoz ruiux jix mungkawx wawc miq lotlaz kuex mmiqsaz Israel rueq shuimc yaq ikhoc mnoz kuex tuiuz tay wvnc wuez ruiux mkvjaz kuex phvnx wuez shuex. Kvkaq tsuingshiq rueq mnoz muex nawk palx tvkoc ngaz rueq vguirx vruex Shomc Yuimx rvtueq lvmz tsuingshiq rueq tuiuz wvnc wuez shuex.

1 KAÜWA WERAÜ 17:24

Mmuingc jungc dung yaq kuex yungx wvnc vtueq, miq htenc rueq muinz ‘Tvphaungc Tvsuip Yehowa kuex Israel miqsaz Tishox rvtueq,’ ngoz tueq pattup jungx wuez shuex. Mnoz rueq ngvy hokhvmx daungraungc kuex pattup tv-phaungx ngaungx kuq koq.

2 KAÜWA WERAÜ 20:6

“O Yehowa nuiyshiq jix vwaz tamx Tishox lex, mnoz rueq mungkawx wawc miqphvnx lotlaz kuex raungmungx maq guimz lawc vshuiux. Mnoz kuex luimc vkawc httaz hvlc nuiyc hungc vlaungc mvrc yaq ningkhvnc nuex uraq muinz mnoz kuex khawx lot muq.

NEHEMIA 9:5

Lewi miqsaz htenc rvtueq: Jeshua, Kadmiel, Bani, Hashabnea, Sherebia, Hodia, Shebania nuiyc Pethahia kuex: “Kvtenc wuez vtueq Yehowa nuimshiq Tishox muex tvtsvmc wuez shuinz; vpiq muex pattup pat-sac tvtsvmc wuez shuinz! Miqsaz rueq tvtsvmc kuex yunghvlc yungx muq yuq muinz, miqsaz ruip rawx rueq piq ngauz vngax muingc jungc kuex mtvtsvmc wuez shueq,”

Tvtsvmc 111:9

Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!

Tvtsvmc 115:3

Naungshiq Tishox kuex raungmungx nuex httax yaq; vpiq thuinroc yvmx yuq muinz vpiq rueq shuimx kaz yaq.

Tvtsvmc 72:18

Yehowa Israel Tishox muex tvtsvmc wuez shuinz! Vpiq rueq dvyx vkhoc vwangc juing yauk shuimc kuex shuimx lot yaq.

ISAIA 37:20

Majuiuc kuex, Yehowa nuiyshiq Tishox lex, Asiria miqsaz yauk wawc nuiyshiq kuex palc wvnc koq, kvkaq mungkawx wawc miqphvnx lotlaz rueq mnoz vshiz dvyx Tishox rvtoq lvmz kuex tuiuz wvnc shuex.”

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 6:3

Tsuinghez vshiz maq vshiz rueq ngoz yaq kuex: “Vsawc, vsawc, vsawc! Tvphaungc Tvsuip Yehowa kuex vsawc! Vpiq ngauz vngax kuex mungkawx nuex mvrc yaq.”

ISAIA 63:16

Mnoz kuex nuiyshiq waz rvtoq. Nuiyshiq jix vwaz tamx Abraham nuiyc Yaku rueq doc muinz nuiyshiq kuex tuiuz muq, yuq muinz mnoz kuex Yehowa, nuiyshiq waz rvtoq, nuiyshiq kuex pattup tuimz guimz wvnc jix kuex mnoz dvyx rvtoq.

ISAIA 64:8

Yuq muinz mnoz kuex Yehowa nuiyshiq waz rvtoq. Nuiyshiq kuex gvmlawx ghaq ikhoc, mnoz kuex tuip lauz jix waz ikhoc rvtoq. Mnoz kuex nuiyshiq tvdungc sungc jix,

ISAIA 66:1

Yehowa rueq, “Raungmungx kuex ngvy hoc daungraungc, ghaq kuex ngvy yaz tvdaungc juing rvtueq. Kvkhoc rvtueq nuimshiq rueq ngvy httaz tvkoc mkhoc phvnx yuimx, mkhoc phvnx baung nuex lac nuimshiq rueq guirx shuinx?

EJEKIEL 36:23

Miq htumc nuex nuimshiq rueq tvyvlc sac wvnc tuit ngvy muingc yunghvlc kuex miqphvnx htenc htumc nuex hungc vlaungc tvkhic shaungx nuex, ngaz Yehowa rvtauk kuex tsuingshiq rueq tuiuz wuez shuex. Ngaz, Johvlc Yehowa rueq jungx vshaungx. Ngaz vsawc rvtauk lvmz miqphvnx htenc muex tvkhic kuy tvkoc ngaz rueq mnoz kuex shuimx lvmz vphaungx.

EJEKIEL 38:23

Ekvkhoc maq ngaz yungx luz vtaungx nuiyc vsawc yaungx vtaungx kuex miqphvnx lotlaz muex tvkhic shaungx. Kvkaq ngaz Yehowa rvtauk kuex tsuingshiq rueq tuiuz wvnc wuez shuex.”

LEWI 10:3

Kvruex yimaq Moshe rueq Arun muex, “Yehowa rueq ngoc, ‘Ngvy yauk shuimc jix lotlaz rueq vsawc ngaz kuex tvtsanc nganc wuez rax; ngvy miq htenc muex ngvy ngauz vngax kuex tvdung tvkhic shaungx,’ ngoz tueq kuex vruex ngoc ngoz tueq,” ngoz tueq jungx tueq. Yuq muinz Arun kuex kuiyqshuik dvyx rvtueq.

HABAKUK 2:14

Yuq muinz svmuktvrax htenc kuex yuix rueq mvrc yaq ikhoc ghaq kuex Yehowa ngauz vngax phaqjic maq mvrc wvnc tuex.

JEKERIA 14:9

Kvruex yimaq Yehowa kuex mungkawx lotlaz hokhvmx muex yaungx tuex; miq ruip rawx rueq muinz Tishox vpiq kuex nawk palx vtueq vpiq muingc rv-ngvlc dvyx rvtueq kuex tuiuz wuez shuex.

MALAKI 1:11

Mungkawx tvsuip baungshiz maq vganc baungshiz nuex httuiuc laz httax yaq miq htenc rueq ngaz muex tvtsanc nganc wuez yaq. Tsuingshiq rueq ngaz muex vhomc vtumc phvnx kuex baung ruip saz nuex jauk ruiux vraungc raq juing shomc nawk juing htenc shomc kuq yaq. Tsuingshiq lotlaz rueq ngaz muex tvtsanc nganc wuez yaq!

Matthew 10:29

Wuruiyx shalx saz vnueyc kuex poysac vshiz maq ruiyx yaq rvmuq haz; wuruiyx shalx saz vshiz doc muinz nuimshiq Waz thuinroc rvmuq ngoz ruiux kuex kvruex htenc wawc vshiz doc muinz ghaq nuex dvy muq.

Matthew 23:9

Nuimshiq rueq ghaq htauk vwawc ukhaq muex muinz ‘Iwaz’ ngoz tueq nauk ngoz kaz, Yvmx khoc lac ngoz ruiux lec nuimshiq Waz kuex raungmungx nuex washiz dvyx httax yaq.

Matthew 26:29

Nuimhez muex ngaz rueq jungx ix, Iwaz Mungtan maq nuimshiq rulc roc nuex svpiq tix vnyalx ngaz rueq nuingx shaungx raungnuiyq nuex httuiuc laz, vruex svpiq ruiuz thuey wawc ngaz rueq nuingx yek shaungx rvmuq shex,” ngoz tueq tsuinghez muex kuq tueq.

Matthew 26:42

Yesu kuex lauk shiz hulawx vjux thoz kaz yek tueq, “Iwaz lex, vruex kuilc daz kok kuex ngaz rueq nuingx mauk maq, ngvy htauk wawc tvlvy gay lvp ruiux kuex mthuinz roc m-yaungx wvnc kueq,” ngoz tueq vjux thoz tueq.

Matthew 5:16

Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.

Matthew 5:48

Kvkhoc rvtueq raungmungx wawc nuimshiq Waz kuex hunghtaungx yaq rvtueq rulc rv-ngvlc nuimshiq muinz hunghtaungx wuez kuinz!

Matthew 6:14

“Nuimshiq kuex miq rueq nuimshiq muex vyaq gay mvrax htenc kuex dawc kuq gay ruiux yuq, raungmungx wawc nuimshiq Waz rueq nuimshiq mvrax kuex dawc kuq kv-phuinx.

Matthew 6:6

Yuq muinz mnoz rueq vjux thoz ruiux yuq yuimx mungx khok nuex woz vtueq kaluix kuex shauk gay ruiux raz tueq, muik maq kvkhic muq waz m-Waz yauk wawc thoz shuiuz. Vyumx samaq shuimx yaq kuex khic lvp jix waz m-Waz rueq mnoz muex yauk mauk kuex kuq kv-phux.

Matthew 7:11

Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Luke 15:18

Ngaz kvtenc vtueq iwaz kox nuex waung vtueq, iwaz lex, Tishox muex muinz, mnoz nuex muinz ngaz yaq tauk.

Luke 15:21

Vsaz rueq vwaz muex, ‘Iwaz lex, Tishox muex muinz mhtumc nuex muinz ngaz yaq tauk, majuiuc vmaq kuex msaz ngoz tueq kv-ngoc muinz ngaz hungx mauk shex rvtauk,’ ngoz tueq.

Luke 2:14

“Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq.

John 20:17

Yesu rueq, “Ngvy gvnz nuex nauk kvtungc kaz, ngaz kuex Iwaz kox nuex max waung dvyx doc. Yuq muinz iphuz inox hez kox nuex waung vtueq, ngaz kuex Iwaz nuiyc nuimshiq Waz, ngvy Tishox nuiyc nuimshiq Tishox kox nuex waung wvnc taungx lvmz kuex jungx tvtay kaz kuiuz,” ngoz tueq piq muex jungx tueq.

Romans 1:7

Tishox rueq lungwawx vtueq vpiq miqsaz muex tvyaungc wvnc tvkoc vgvl shec, Roma nuex httax jix miqsaz lotlaz muex luik vruex wuiyq tvwvnc vphaungx: Naungshiq Waz Tishox nuiyc Taungjix Yesu Christu kox wawc kejux nuiyc nomic kuex nuimshiq nuex mhttax wvnc kueq.

Romans 8:15

Yvmx khoc lac ngoz ruiux lec Tishox kox wawc nuimshiq rueq lvp wvnc tuit Siyac rueq nuimshiq kuex dax muex tvyaungc kv-phuinx rvmuq, vhiz vsungx thuinz muinz tvhttax shuex rvmuq; Siyac rueq naungshiq kuex Tishox saz hez muex tvyaungc phuex kvdvyx muinz rvmuq, Siyac luimc vkawc maq Tishox ngoc, “Aba! Iwaz lex!” ngoz tueq ngoz lvp vshix.

Galatians 1:1

Ngaz kuex miqsaz vkhangx maq kamx waz muex yaungc tvkoc lekuq phuex rvmuq, miq rueq vthvl taq muinz rvmuq, Yesu Christu rueq nuiyc vpiq kuex vthueyc wawc tvyuing tvtenc wvnc jix waz Tishox vkhangx maq rvtauk.

Galatians 4:6

Nuimshiq kuex vpiq sahez shex rvtuit kuex hakhix tvkhic tvkoc, “Abba, Iwaz” ngoz tueq kvjak thenc yaq vpiq Saz Siyac kuex naungshiq thuinz vmungx nuex Tishox rueq tvkaz kuq tueq.

1 Timothy 6:16

Vpiq dvyx thueyc muq maqmuq waz rvtueq; vpiq kuex ukhaq muinz kvnvp lot muq raungwuic phez nuex httax yaq. Uraq muinz vpiq kuex khiz muq doc, uraq muinz khiz lot muq. Vpiq nuex tvtsanc nganc juing nuiyc pattup ngauz vngax mhttax wvnc kueq! Amen.

1 Peter 1:17

Ekvmaq miqsaz lotlaz kuex htvlx phawc thvl muq maq tsuingshiq rueq shuimx kaz wvnc tueq kvruex tv-phvnc phox kuq yaq Tishox kox wawc vjux thoz shuinz nuex, nuimshiq rueq vpiq Waz ngoz tueq gvl vtueq vjux thoz vshuinx; kvkhoc rvtueq vruex mungkawx vyuq vtvraungx httax tuinx wawwawx vpiq muex hiyaz tvtsanc nganc kuy rax tuex.

Revelation 4:11

“Nuiyshiq Taungjix Tishox lex! Mnoz rueq vphaungc vyaungc maq phuex tvdung sung vtueq, kvruex kuex mthuinz roc httax vtueq rullungx tvraungx httax wuez yaq, kvkhoc rvtueq mnoz kuex ngauz vngax, tvtsanc nganc nuiyc luimc vkawc kuex lvp aungx yaq,” ngoz tueq jungx wuez yaq.

Revelation 5:12

Vshic yunghvlc maq raz tueq, “Vthvy gay rvhumc jix Khelbuenx saz kuex, luimc vkawc, vrungx vwanx, taksux tharc nuiyc hungc vlaungc, tvtsanc nganc, ngauz vngax nuiyc tvtsvmc kvmc lvp aungx yaq!” ngoz tueq shix tueq.