Matthew 6:9 - ASII LAKDAP Bible (BSI)

⁹ Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Hawa Naga Bible 2001

⁹ Kvkhoc rvtueq nuimshiq rueq vkhoc vjux thoz shuinz: ‘Raungmungx nuex httax yaq nuiyshiq Waz lex, Vsawc mmuingc kuex mtvtsanc nganc wuez shueq;

Muklom

⁹ Nim aa irimal chu inn: ‘Mungtan na tongtey hiqtang Wa, Ba miing asang ta cham rangka aa,

Matthew 6:9 Referencias Cruzadas

2 SAMUEL 7:26

Krai mren, ümmang chong jonglu ka jonghea miraq. Kiimaq maiqse raq pattup pat-sa miitu, ‘Tati Ningkun Ajongwe kriidea Israilnok Shiikeawe,’ nguta mingu. Kiimaq ümniiraq ilai ila phan ka chongdong lüwa ta miishe dea shong wan laq.

1 HOKHVMX 8:43

apaiq achujaü ka tre kuq laq. Ramungtan maq, ümsichang jam maq, apaiq achujaü ka tre kuq laq. Laüta apaiq raq ümjaq wa jamlai wa jaütlaq kra klo kuq laq. Krai mren mangjong maiqse kunli raq ümniirai mang mirsap wan laq. Raüta ümnaq aming kra lang raüta, ümsengi Israilnok kiikha misi wan laq. Krai mren she tsangshiq raq ara ngi raq haikang Shomjam arjaqli dea ümniika shomnoq chang ratlo ngutiishe tsangshiq raq misap wan.

1 KAÜWA WERAÜ 17:24

Ümmang chong jong tsa ka jonghea she mijong wan. Kiimaq maiqse raq pattup pat-sa miitu akhiishe mingu, ‘Tatiwe Tati Rakaü Hiqwe ka Israilnok Shiikeawe.’ Kiimaq ümniiraq iweraü ka pattup pat-sa miitu she mitiishong nga wan haü.

2 KAÜWA WERAÜ 20:6

Raüta akha tiihong raüta achu jaüto, “O naitiim Tati Shiikeawe lei, ümniiraq ramungtan na mangjong hiq wa maiq mung thun kunli ka pengtlaü. Ümniika ningkun jonghea riimtiwe kiimaq ahong ala pinthum. Kiimaq ümkiq ka juwe riimin khiiki lot mak.

NEHEMIA 9:5

Kra akhing na, mungmaiqse ma noqku lamsheati Lewinok ka arthun ara riito: Jeshua, Kadmiel, Bani, Hashabneiah, Sherebia, Hodia, Shebania, kiimaq Pethahia thun riito. Tsangshiq raq akha nguto: “Chap ronglaq, lanta namshiq Tati Shiikeawe ka shomnoq rong laq. Apaiq kli pattup pat-sa, tiitsam kam ronglaq! Apaiq mangchong khushü jonglu ka, hongtoshe nguta ahü; li jiimin, maiqse angu wiita raq, tiitsam kam ronglaq.”

Tvtsvmc 111:9

Apaiq raq asenginok ka dokda raüta wase ma tiijato raüta tsangshiq rai pattup pat-sa tongshongto. Apaiq ka asii kiimaq ajong pinthum!

Tvtsvmc 115:3

Nashiq Shiikeawe ka ramungtan thun na sitlo; apaiq raq jamlaiwa thapthitlaq kra phanphan shamtlo.

Tvtsvmc 72:18

Tatiwe, Israilnok Shiikeawe ka tiitsam ronglaq! Apaiq riili atinkhan amao chang jaqshamtlo.

ISAIA 37:20

Ümchaü min, Tatiwe, naishiq Shiikeawe lei, naishiq ka Asiria mungti jaqkhon mong wa tiichhiikuqlaq. Krai mren, mangjong hiq na maiq mungtan tlotli raq ümniikli dea Shiikeawe nguta misap wan laq.”

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 6:3

Tsangshiq ka tsangshiq liipan na akha riibomtlo: “Asii, asii, asii! Ajong Pinthum Tati ka asii! Apaiq khushü ngao raq mangjong hiq ka nyamtlo.”

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

ISAIA 64:8

Shatmaq Tatiwe lei, ümniika naishiq ma awe. Naishiq ka hamlii da; ümniika takloti ikha. Ümniika naishiq phansangti.

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

EJEKIEL 36:23

Ümtiikiiwa Ngi raq i mang asii jonglu kra, namshiq raq maiq mung thun na, i khushü tiijam wan lan kra mung thun na, Ngi raq ijaqsham jonghea maq tiichhikuq wan tiikang kiitiikaq, tsangshiq raq, Ngi ardea Tatiwe nguta misap. Arka, Ngi, Tati Rakaü Hiqwe raq toqtan tiikang. Ngi raq namshiq ka lang lata, maiq mung thun ma Ngi ka asii dea sitiikang nguta mitiichhikuqha.

EJEKIEL 38:23

Arthun jaqsham ara lümaq, Ngi raq mangjong hiq na maiq mung thun ma, Ngi ka ajong pinthum kiimaq Ngi ka asii nguta mitiichhi kuqha. Tsangshiq raq Ngi ardea Tatiwe nguta misap wan.”

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

HABAKUK 2:14

Shatmaq, mangjong hiq ka, Tatiwe sap wan tsantsii raq nai, Tatiwe khushü jonglu raq, sammoktra chum ma wan tlaq ikha, alüm ale she mima wan.

JEKERIA 14:9

Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 10:29

Poisa shii ashi maq wuraichaqse ka anai milap han. Shatmaq kra santla üm We raq kiq tiideahü wiiwii, tsangshiq lang ka mopit pit mak phan.

Matthew 23:9

Kiimaq namshiq raq mangjong maiqse ka ‘I We loi’ nguta naq hea wan rongkiq. Namshiq ma ‘Awe’ ka ramungtan na sitlaq kli Awe.

Matthew 26:29

Ngi chongpha, i We Mungtan maq spiqtai anye kra namshiq rai minyang nongha shaq wiiwii, ngi raq ara spiqtai arka ümtiikiimin nyangnong mang she,”

Matthew 26:42

Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Matthew 5:48

Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”

Matthew 6:14

“Namshiq ma shutphittibi mra thun ka namshiq raq diikuq han jiila, ramungtan na siti nam We riimin namshiq mra thun ka midii kuq.

Matthew 6:6

Shatmaq ümtiikiiwa ümniiraq achu jaü tlaü, kra akhing na, ümniika ümtap mong na walaq, laüta kilü maq tiishaq laq. Laüta üm We maiqse raq makhia maq chhilot mak we jaq wa achu ka jaü laq. Raüla pumsii jaqsham chhiti üm We raq ümniima poksi ka mikuq.”

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Luke 15:18

Ngi arka arwa tiido wan lata, i we phana li she mijang wan nong ha. Lata, i we nangnga, i we le, ngi raq Shiikeawe man na nai ümman na, ngarai jonghea tang wankang.

Luke 15:21

Kiijiishe, ase raq, ‘I we le,’ nguta bomto. ‘Ngi raq Shiikeawe man na nai ümman na, ngarai jonghea tang kang. Ngi ka ümchaü ümse nguta ngo ka thek mang she,’ nguta awe rai bomto.

Luke 2:14

“Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

John 20:17

Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Romans 8:15

Ara jamkhano chongtiikang ngukla, Shiikeawe raq namshiq ma, Asii Wenyi kuq wantaq, kriiraq namshiq ka disetiim ma tiija raüta, shiinüm sha wan mak. Kiimaq namshiq ka tiihai miichhai, siakaq mak. Kra rii na, Asii Wenyi raq namshiq ka, Shiikeawe setiim miishe tiijatlo. Krai mren, nashiq tarü raq, Asii Wenyi ningkun maq, Shiikeawe nangnga, “I We loi! Nawe loi!” nguta riibom lot tiikai she.

Galatians 1:1

Ngi, Paul raq, apaiq ka kiimwe ma shongtaq kra maiqse raq ashong riimak riimakla maiqse lümaq ashong riimak. Shatmaq, Jesuq Khristo kiimaq Awe Shiikeawe raq, Jesuq ka ama wa tiidong wanti we raq ashong.

Galatians 4:6

Riita, krai mren, namshiq ka asetiim she dea nguta, tiichhike miitu, Shiikeawe raq, Ase Winji, Asii Wenyi ka, nashiq mongjii niishe tiikito. Riita, krai mren, ara Wenyi nashiq mongjii na sitlaq ara raq, “Mangchan ajong rümti i We lei,” nguta achu jaütlo.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.

Revelation 4:11

“Ümniika naishiq ma Tati shaq tsitsü paq Shiikeawe! Khushü jong, shreng manto, kiimaq ningkun wiita ka ümniirii li she. Ümniili phanrap phansangti we, ümniiraq athithi na phanrap tiidongti we, kiimaq tsitsü raüchong shamti we ka ümniili she.”

Revelation 5:12

Raüta, tsangshiq raq tiihong raüta, arü ariiq lam maq akha shinge trangto: “Tsatbaiq taq Skuse ka maiqshaq. Apaiq ma arang, tsiiq anyam, taksu tsii, ningkun, shreng, khushü kiimaq kechutum ke thek tlo!”