Matthew 6:10 - Muklom

¹⁰ Ba mungtan ri cham ka pha; Rangmungtan na mal mingkang haq ro, ba mongtham shi cham ang aa.

ASII LAKDAP Bible (BSI)

¹⁰ ümmungtan kli misaülaq; Ramungtan na ümniiraq athithi shamtlaq kiikha mangjong hiq niimin mishamlaq.

Hawa Naga Bible 2001

¹⁰ Mmungtan kuex mhttuiuc wvnc kueq, Raungmungx nuex mthuinz suing yaq rulc rv-ngvlc ghaq htauk vyuq muinz m-yaungx wvnc kueq.

Matthew 6:10 Referencias Cruzadas

Matthew 12:50

Rangmungtan na tongtey i wa raaq tat tey sha i pho no nia i nu.”

Matthew 16:28

Nga asing batphang, Miqna Sa tha Lungwang ang eq kapha sha khi wey min náng duk, thanga iro lang aa chamtey miqtang sha ti moq angna.”

Matthew 26:42

Jesu wey ka eq romtam chuta, “Iwa, nga ling hunga iri tsamnang kok raa jin tahel moq ang ajo, ba tinthin shimal cham ang aa.”

Matthew 3:2

“Ngarey wang wel inn, chammatakoi rangmungtan rapney arelna.”

Matthew 4:17

Ethi rangham wang, Jesu aa phang phanchan ta, “Ngarey wang wel inn, chammatakoi rangmungtan rapney arelna!”

Matthew 7:21

“Nga ma ‘Teyhungwa, Teyhungwa’ ta haltey tang thaji sha Rangmungtan náng jin nop moq, etharin mungtan na tongtey i Wa raaq tattey tang hun jin nopna.

Mark 11:10

“Hiqtang tey aa wa lungwang David mung wang kapha, eshey tho sunmaan aa!” “Mungtan na Hosanna!”

Mark 3:35

Utang eq Shkewa tinuk mal somlo aa, ning raa inu, etho ino nia pho tang.”

Luke 19:11

Miqtang aa piq raaq tatchey atho, Jesu aa raaqshiton batta. Piq Jerusalem relna sey angta etho Shkewa Mungtan kalo thutapha ta miqtang aa tathinta.

Luke 19:38

“Shkewa lungwang ma sunmaan ko aa bara Teyhungwa miing o thutapha! Mungtan na nungmay etho Shkewa ma phun amun cham ang aa!”

Luke 22:42

Piq aa batta, “Iwa, nang unuk ang ujo iri tsamnang kok ri iching wang tathey chak u. Etharin itin nuk o ang moq, ba tinuk o hun cham ang aa.”

John 4:34

Jesu aa ning ma batta, “I takattey tinuk o somlot sha etho ujaksom tahom sha iphaksat.

John 6:40

Utang eq Miqwasa khi eq piq sha kam ajo, piq aa pattuk rollung kap na ta Iwa tinthin; etho nga piq tha uthom saal o wey thajey náng.”

John 7:17

Utang miq eq Shkewa tinuk wang kat ma ta ajo piq aa nga Shkewa ching wang tatal bat ang tia iching ko wang tatal bat ang sha ning aa usam eq na.

Acts 13:22

Iri jio, Shkewa hun David ning Lungwang angma hunta. Ira Shkewa aa batta: Jesse sa David “Itin nuk wang kap táng. Piq aa hun ithaji tinthin sha tahom na.”

Acts 21:14

Í aa piq tha jin táng mi sey angti, ethirangma í aa jio bat ti, “Teyhungwa chamta tathin aa eshi hun cham ang aa.”

Acts 22:14

Piq aa batta, ‘Hiqtang tey aa wa tang Shkewa eq piq tinthin sha sam ma etho piq asing sanga angma etho piq raaq sha tat eq miqtang ma batma nang sha tal taphu.

Romans 12:2

Iri mingkang miq dangjang mal nak ang inn, etharin nim thung anal ang eq nim dangjang shi cham kaley aa. Irimal ang ajo nim aa Shkewa tin sha sam nin; piq nim rangma aqhal, khakla, etho unuk ang eq tin shing aa.

Ephesians 6:6

Salwet ning shi tasungrang ma tathin inn, ning aa nim siin rangham o chen ang moq, Khristo qha ang eq nim tinmong wang hun Shkewa tinuk o somlo inn.

Colossians 1:13

Piq aa hiqtang sha anak jaktáng wang thalun eq utinmat Miqwasa rangmuntan náng thok sol taphin.

Colossians 1:9

Eshirangma bari saal wang nim tung aa raaq tat ti, nim rangma romtam chuk shingchak mi angti. Nim aa Tsija wang thaji thunglam nia usam tha kap eq Shkewa tinuk thaji sha sam rangma salwet í aa Shkewa ma romtam chu i.

1 Thessalonians 4:3

Chammatakoi nim asang angma etho sathuk jaksom sha nim aa shingchak ma Shkewa tinuk.

1 Thessalonians 5:18

Chammal ang inn jo tho Shkewa ma kechu ajong kot inn. Ira hun nim ma Khristo Jesu na Shkewa tinthin.

Hebrews 1:14

Irimal ang ajo, rangkamwa tang utang aa? Ning sha Shkewa sanga tang etho thalun kaptey tang sha nong rangma takattey tsija tang.

Hebrews 10:36

Shkewa tinnuk mal som rangma etho urangtum sha kap rangma nim tin thanan ching.

Hebrews 10:7

Iri jio nga bat taphang, Thong likdap kol na i tung aa raaq thawit ang aa thimal, Shkewa, ba tinnuk tahom rangma nga irina.”

1 Peter 2:15

Chammatakoi nim aa jaqhal jaksom somlo inn jo, miqja tang mal raaq wantit sha shingchak ma, iri tang raa Shkewa tinuk.

1 Peter 4:2

Irimal ang eq nim tho thang wang hanngam rollung miqna tinthin mal ang moq Shkewa tinuk mal tong inn.

Revelation 11:15

Adak rangkamwa aa lirong tung tha tom atho, mungtan wang jujong jujong raaq tha tatat ta, “Mingkang ma jaktáng o shing ma tarong tha hiqtang Teyhungwa rangma etho Khristo rangma ang sey angta etho piq aa pattuk rangma jaktáng o shing na.”

Revelation 12:10

Etho nga mungtan wang ajong raaq ka pha tha kap tat táng, “Thanga hiqtang Shkewa thalun, tarong, rangmungtan, etho Khristo authority tha thu tapha; chammatakoi hiqtang pho no tang aja ta raaqtey, rangpal rangwung hiqtang Shkewa relna ning ma aja ta jin raaqtey tha, mungtan wang taqhat chakta.

Revelation 19:6

Ethi jio nga ajong miq wan tharaaq mal tat táng, ira jungkok nia rangmok tharaaq mal angta. Ning aa batta, “Hallelujah! Hiqtang ajong Shkewa Teyhungwa jaktáng o shing aa!

Revelation 20:4

Etho nga lungwang tongching tang khi táng etho eshina miqtang tong ta barima miqtang khaphung ma tarong kota. Jesu ma miikkhi kot tungkang o etho Shkewa raaq tungkang o ukho tang thadha chakta tang tsija tang tho ukhi eq táng. Ning aa jatngam etho piq shila tha shumnuk moq angta etho piq maal tha ning khang nia jak o tharap moq angta. Ning atharang ang eq Khristo jamoq hayat pang náng thula jaktáng o shing chey ta.