Mark 3:5 - Muklom

⁵ Jesu aa miqtang tha siin eq ukhat angta etho ning tha siin eq tin tho ushit angta, chammatakoi ning sha rapney aja nia tinchey angta. Ethi jio Jesu aa ethi miq thima batta, “Bajak ni tatchal u.” Ethi miq they ujak tha tatchal atho ujak tha qhalta.

ASII LAKDAP Bible (BSI)

⁵ Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Hawa Naga Bible 2001

⁵ Kvkhoc tsuingshiq thuinz tsanc hvlc khuec nuex, Yesu thuinbac hvlc maq thuinkhaq vtueq tsuingshiq kuex tvroz lawc tueq. Kvruex yimaq vpiq rueq yauk maungx waz muex ngoc, “M-yauk kuex tenz shuiuz,” ngoz tueq. Kvruex waz rueq muinz vyauk tenz koq tueq vyauk kuex hvlx kaz tueq.

Mark 3:5 Referencias Cruzadas

Matthew 12:13

Etho Jesu aa jak kung miqwa thima batta, “Ba jak ni tachal u.” Etho piq jak tha tachal ta. Eshi jak tha jakshey thimal qhalta.

Mark 3:4

Etho Jesu aa miqtang thima pitta, “Hiqtang thong eq Sabbath saal o chamlang jaksom jin tasomlo phi ni? Aqhal som ching tia tashit eq ching aa? Miq rollung shi thalun eq ching tia tathom eq ching aa?” Etharin utang tho raaq shey tho raaq moq angta.

Luke 13:15

Teyhungwa aa ning ma thawel batta, “Nim takhi eq somtey tang! Sabbath saal o nim aa nim maan nia mok aming tang sha taap wang jung ling ma qhap min i?

Luke 17:14

Jesu aa ning tha siin eq batta, “Ka inn etho nim aa tingwa tangma tasiin kat inn.” Ning chuwang jio, lam qhing o hun ning qhalta.

Luke 6:10

Piq aa ning thaji chingko thináng siinta; etho piq aa washey thima batta, “Bajak ni tachal u.” Piq aa eshimal hun somlo ta, etho piq jaktha aqhal hun wey angta.

John 9:7

etho piq aa batta, “Ka u, Siloam jung o khol ka u.” Siloam ta “Takat.” Piq ka eq khol kat ta, etho miik they khi eq welta.

Romans 11:25

I pho nia no tang, nim ni nim tung aa raaq na tharangka ang moq angma nim iri apu ashim raaq raa samtol ma nga nuk ang. Gentile tang wet chol sha Shkewa relna thuwey moq ling, Israel miqtang tin sha chet roq angna.

2 Corinthians 3:14

Ning thung tha sak chol angta; etho thanga nángduk ning aking raaqkhak likdap sha phat chey ajo ning thung sha eshi khatlo shey hop shing aa thimal. Khristo o hun eshi khatlo sha jin lakchak aa.

Ephesians 4:18

Ning thung tha anak sey etho ning tin achet ang eq chamtho sam moq tungkang o ning, Shkewa kot ta rollung wang alo na qhing chuwang ta.

Ephesians 4:26

Tinkhat shi thamáng eq ngarey nak somlo inn; rangsal nop náng thula nim tinkhat sha kha ching ang moq.

Ephesians 4:30

Shkewa Asang Tsija shi nak thajung náng inn, esha Shkewa eq nim lun saal rangma thamaal shing ta.

Hebrews 3:10

Iri tungkang o nga eshi rangham miqtang ma kha táng etho bat táng, ‘Ning tin salwet manthan tia, etho ning aa i lam sam moq.’

Hebrews 3:17

Shkewa pang rokbali rangma bari miqtang ma qhat ta? Barey ngarey somta etho jat na tita, ning ma qhat moq angta i?

Hebrews 5:9

Etho khakla ang jio, piq raaq tattey thaji rangma pattuk lunwan kottey ma angta.

Revelation 6:16

Etho ning haqkan tang nia long tang ring eq batta, “Í o qhat inn; etho í piq sham wang bara lungwang tongching na tong aa piq miik etho Kelwut sa tinqhat wang í tapu phin.