Mark 3:5 - ASII LAKDAP Bible (BSI)

⁵ Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Hawa Naga Bible 2001

⁵ Kvkhoc tsuingshiq thuinz tsanc hvlc khuec nuex, Yesu thuinbac hvlc maq thuinkhaq vtueq tsuingshiq kuex tvroz lawc tueq. Kvruex yimaq vpiq rueq yauk maungx waz muex ngoc, “M-yauk kuex tenz shuiuz,” ngoz tueq. Kvruex waz rueq muinz vyauk tenz koq tueq vyauk kuex hvlx kaz tueq.

Muklom

⁵ Jesu aa miqtang tha siin eq ukhat angta etho ning tha siin eq tin tho ushit angta, chammatakoi ning sha rapney aja nia tinchey angta. Ethi jio Jesu aa ethi miq thima batta, “Bajak ni tatchal u.” Ethi miq they ujak tha tatchal atho ujak tha qhalta.

Mark 3:5 Referencias Cruzadas

RAPHA HIQWA LAK 6:6

Kra chhiraüta apaiq ka maiqse ka jaramli wa phansang kang kiimaq hiqraikhü na jaram li wa tiisikang nguta kai atsan bito. Apaiq ka kai tiishudaqto.

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

NEHEMIA 13:8

Kra chhilata, ngi ka amokdung dung she khiq wan kang. Kiimaq Tobia hupsam thun kra khok mong wa wiita kinphai na rutbaiq kang.

Tvtsvmc 95:10

Wiiroqblai tinkhit Ngi ka tsangshiq ma ishusihea liiromang riikang. Ngi raq ngukang, ‘Tsangshiq ka iwokhong na simak abi pinthum! Tsangshiq raq ngi aming thun lang mak khiitlo.’

Matthew 12:13

Kra bomlot raütiishe, apaiq raq ajaq ama arki we kiima, “Ümjaq ka tlii laq,” nguta thaüto. Krai mren, apaiq riimin ajaq ka tliisaq riito. Kiimaq, ajaq ka jaqko ahea nüti kiikha tiidoqra heasaq li she heakito.

Mark 3:4

Raütiishe, apaiq raq nokwe ma bom ka akha waito, “Riita, nashiq Thungtri na, Asii Niitiitsak ranaiq na, jamlai phan jaqsham chang ngutiiwa chongtla? Akhrumke chang ngutiisha chongtla, sha ashthen riibaiq chang ngutiiwa chongtla? Maiqse miisaq ka atiichhun chang ngutiisha chongtla, sha miisaq ka atan riiwan chang ngutiiwa chongtla?” Shatmaq, tsangshiq raq Jesuq bom ka poshi min tre mak, kaiqshak li riito.

Luke 13:15

Kra tai raütiishe, Tatiwe raq apaiq bom ka akhiishe treto, “Namshiq ara mongnam nok! Namshiq raq Niitiitsak ranaiq na maiqmii minsaü lo, kumtoq lo ka aban chang tiip wa diiho lanta, atsam tiiphaq kai rum na banki tlan.

Luke 17:14

Kiijiishe, Jesuq raq tsangshiq ka chhi raüta, tsangshiq ma akha chongkuqto, “Warong laq. Lanta, ramwebi ma namkhum ka tlii warongkiq.” Krai mren, tsangshiq ka ramwebi pha na wa wawanto. Tsangshiq ka lam na awa rai bala liipan niili, tsangshiq thatsi ka heakito.

Luke 6:10

Kra ngu raütiishe, apaiq raq tsangshiq ka tro tri liito. Raütiishe, apaiq raq atsi we ma, “Ümjaq ka tlii laq,” nguta thaüto. Krai mren, apaiq raq ajaq ka tliisaq riito. Kiimaq, ajaq tsi kiimin, tiidoqra heasaq, nyeajok she heakito.

John 9:7

Kra raütiishe, apaiq raq, “Kilaq, Silom Thamchum na ümthea ka maikikiq,” ngutiishe makchuk we ka thaüto. (Silom liichum ka “tiikito” nguta ngo riito). Krai mren, makchuk we ka thamchum kiina kihoto. Raüta athea ka maito. Kiimaq amak ka heakisaq li she heakito. Raüta apaiq ka maiqhea tingsang she ajam na jang wanto.

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

2 Corinthians 3:14

Riita, tsangshiq Israilnok khutsai kilü ka shaqje she riito. Krai mren, ümchaü niitaq saüli tsangshiq khutsai kilü ka tiishaq shatli sitlo. Krai mren, ümchaü niitaq saüli tsangshiq khutsai ka ara achü tongshong lakdap phat wan tlaq akhing tek na, kra khea phu raq tsangshiq khutsai makpo ka pangshat li pangtlo. Riita, kra tsangshiq mak pang chang khea phu ka jurwa Jesuq Khristo ma kam tlaq, kra akhing niishetiq tlinki tlo. Kriika Jesuq raq linkuq tlo.

Ephesians 4:18

Kiimaq tsangshiq khutsai kiimin khang mak. Ranyaq tangtang li sitlo. Tsangshiq riika Shiikeawe raq akuq rilung anye lamphan wa alap wandam chang min ahü. Ara jamkhano chongtiikai ngukla tsangshiq raq, jam min sapmak. Kiimaq tsangshiq ni ka wanshakshak, chongkuq raü min taimak phan.

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

Ephesians 4:30

Maiq ma bom abi bom lanta, Asii Wenyi tsan naq tiibi rongkiq. Asii Wenyi namkhum na sitlaq kriika, namkhum ka Shiikeawe riishe nguta, Shiikeawe raq jaqkhaq raü atiipakuq. Arka Ranaiqshi Akhing na, Shiikeawe raq namshiq ka mitiichhii kuq dea nguta, Shiikeawe raq miithii ashong kuq wan.

Hebrews 3:10

Kriikha maq, ngi ka tsangshiq ma i tsan khiqhea riito. ‘Tsangshiq arka, wranaiqshe i kiq khii li I bom tai mak.’

Hebrews 3:17

Riita ija, Shiikeawe ka rawii roqblai ka jumo khiqriq rai ta? Ngarai tangti thun ma khiqriqto. Apaiq tsankhiq walü kra bintang jüngi kumtsaiphii binjü maq, apaiq kiq khü srutibi khuthaq na nyaito. Kriikha maq, tsangshiq ka kumtsaiphii binjü na jiim rai wanto.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!

PHOWEBI 10:16

Krai mren she, tsangshiq raq pongmung phra thun ka wiitashe miimbaiqto. Raüta Tatiwe ka shomnoqto. Kiimaq apaiq kiimin Israilnok chamchao kra chhi raüta, kaishak miili ka liilot mak she riito.

1 SAMUEL 20:34

Atsankhiq tsi ma Jonathan ka dungsea chang chamrii tiinap kiiwa kra ranaiq ka dung min siq dam mak she tiidopot tiidohoto. Kra ranaiq ka Jinye Poi ranaiq nai ngoja riito. Saul raq Dawit shummii rattlaq kra chhi raüta, apaiq tsan ka pinthum she bito.