Mark 3:5 - Hawa Naga Bible 2001

⁵ Kvkhoc tsuingshiq thuinz tsanc hvlc khuec nuex, Yesu thuinbac hvlc maq thuinkhaq vtueq tsuingshiq kuex tvroz lawc tueq. Kvruex yimaq vpiq rueq yauk maungx waz muex ngoc, “M-yauk kuex tenz shuiuz,” ngoz tueq. Kvruex waz rueq muinz vyauk tenz koq tueq vyauk kuex hvlx kaz tueq.

ASII LAKDAP Bible (BSI)

⁵ Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Muklom

⁵ Jesu aa miqtang tha siin eq ukhat angta etho ning tha siin eq tin tho ushit angta, chammatakoi ning sha rapney aja nia tinchey angta. Ethi jio Jesu aa ethi miq thima batta, “Bajak ni tatchal u.” Ethi miq they ujak tha tatchal atho ujak tha qhalta.

Mark 3:5 Referencias Cruzadas

RAPHA HIQWA LAK 6:6

vpiq rueq tsuingshiq tvdung sung vtueq ghaq htauk nuex tvhttaz tueq kuex kvmac vpiq thuinbac tueq.

1 HOKHVMX 13:6

Hokhvmx Jeroboam rueq shvmmax waz muex ngoc, “Kejux maq Yehowa m-Tishox kox wawc ngvy tvkoc vjux thoz kuq koq, ngvy yauk kuex tvhvlc kuy tvkoc vpiq kox wawc kvmenc jenc thoz kuq koq!” ngoz tueq jungx tueq. Shvmmax waz rueq muinz Tishox kox wawc vjux thoz koq tueq hokhvmx waz yauk kuex hvlx kaz tueq.

NEHEMIA 13:8

Ngvy thuinkhaq hvlc ningkhvnc nuex Tobia taungx vwawx htenc lotlaz lvmz gay tauk.

Tvtsvmc 95:10

Ngaz rueq wawc rok bvlic tup kvruex miqsaz htenc kuex lawc roc mauk rvtauk. ‘Tsuingshiq kuex pinhtumc tvmtuing vguez nyix! Tsuingshiq kuex ngaz rueq nvrc bomc htenc tvlvlc gay jix hez rvtueq.’

Matthew 12:13

Kvkaq vpiq rueq kvruex waz muex, “M-yauk kuex tenz shuiuz,” ngoz tueq. Kvruex waz rueq vyauk kuex tenz koq tueq yaukkox kvrulc rv-ngvlc hvlx kaz tueq.

Mark 3:4

Kvruex yimaq vpiq rueq miq htenc muex, “Naungshiq Tvrac nuex Vguilc Raungnuiyq yvmx shuimc mvy yaq ngoz tueq lac nvr shec tvnx? Romc kuy tvkoc shuex, rvmuq ngoz ruiux tvjamz jaux tvkoc lac? Miq vshiz thuiuzthuic palc wvnc tvkoc shuex, rvmuq ngoz ruiux vthvy gay tvkoc lac?” ngoz tueq wiz tueq. Yuq muinz tsuingshiq kuex yvmx muinz kvjak muq.

Luke 13:15

Taungjix rueq piq muex, “Kvyonc yuk jix nuk lex! Nuimshiq lotlaz rueq Vguilc Raungnuiyq suiux vmanx nuiyc mvre htenc kuex ruk wawc dauz vtueq, yuix tvnuingc kuy tvkoc shvlx laq ruiux shuinx.

Luke 17:14

Yesu rueq tsuingshiq kuex khiz vtueq, “Waung kuinz nuimshiq shauk vgvnz kuex shomc waz bix muex tvkhic waung kuinz,” ngoz tueq. Tsuinghez lvmx nuex waung yaq nuex dvyx hvlx wvnc tueq.

Luke 6:10

Yesu rueq tsuingshiq kuex tvroz lawc lot vtueq yauk maungx waz muex, “M-yauk kuex tenz shuiuz,” ngoz kuq tueq. Kvruex waz rueq vyauk kuex tvlanc koq tueq vhvlx taq yaungx kaz tueq.

John 9:7

“Kaz kuiux, Siloam yuix Jumx nuex hoal kaz kuiuz,” ngoz tueq jungx kuq tueq. (Siloam ngoc vlvmz kuex “Tvkay” ngoc rvtueq,) piq kaz vtueq hoal kaz koq tueq vmuik kuex kalc wvnc ruiux yek waung tueq.

Romans 11:25

Phunox bix lex, nuimshiq kuex miqmac rueq tuiuz thenc vshix ngoz tueq tvmaung wvnc muit tvkoc Tishox rueq thuiuz sungx hvlc vhttuiyq vruez tsuingrux lvmx vshiz nuimshiq muex tvtuiuz kuy roc vphaungx. Kvruex Israel miqsaz htenc mkaq muinz thuinz tsanz vtueq dvyx httax tuex rvmuq, yuq muinz kvruex kuex palc daungc wvnc rvhumc vtueq Tishox kox nuex httuiuc waung tuex Pungnuk miqsaz muingc wvlc hungx wvnc tuex nuex httuiuc laz dvyx rvtueq.

2 Corinthians 3:14

Israel miqsaz htenc thuinz kuex vsuing shauk tuing gay tueq; majuiuc raungnuiyq nuex httuiuc laz doc muinz bomkhvrc vkez luik htenc kuex wvllawc shuex tek tsuingshiq thuinz kuex kvpuingc hvt dvyx kvpuingc yaq. Miq vshiz kuex Christu nuex rullungx tvraungx ruiux jix kvruex vpuingc kuex lvmz gay lvp shuex.

Ephesians 4:18

Tsuingshiq vtuiuz vtay tharc mut wvnc vtueq tvsawc ric vngauk vngaz raz tueq khux tsanz wuez yaq ningkhvnc nuex, Tishox rueq vkuq rullungx nuex lomx muq jix htenc rvtueq.

Ephesians 4:26

Nuimshiq rueq mvrax yaq gay nuex httuiuc laz thuinz nauk tvkhaq kaz, shalx max nyuip nuex thuinkhvy kuex tvshiz wuez shuinz.

Ephesians 4:30

Tishox Vsawc Siyac muex thuinz nauk tvbac kaz, yvmx khoc lac ngoz ruiux lec nuimshiq kuex Tishox rueq guimz yaq lvmz Siyac kuex hakhix tvtsuingc mvhttarc rvtueq, yix tvsuip raungnuiyq nuex nuimshiq kuex vpiq rueq palc daungc wvnc rvhumc tuinx lvmx khvmc kuy rvtueq.

Hebrews 3:10

Kvkhoc rvtueq ngaz kuex miq htenc muex khaq vtueq, ‘Tsuingshiq kuex mkaq muinz tvmtuing vguez nuiyc ngaz rueq nvrc bomc htenc phvnx muq ngoz tueq ngaz rueq ngoz tauk.’

Hebrews 3:17

Wawc rok bvlic tup Tishox thuinkhvy rvhumc wvnc jix htenc kuex ukhaq lac rvtvnx? Kvruex hez kuex mvrax yauk shuimc vtueq kumtsvy tvnx nuex thueyc wvnc tueq jix htenc rvtueq.

Hebrews 5:9

Vpiq hungx htaungx yaq waz tvyaungc lot yix, vpiq kuex kvjaz tay phvnc jix lotlaz laung nuex pattup palc daungc wvnc lvmx vjungx yaungx wvnc tueq.

Revelation 6:16

Tsuingshiq rueq kuz vkanx htenc nuiyc lungrauk htenc muex, “Nuiyshiq htauk nuex kuimc wvnc vtueq hoc daungraungc htauk nuex ngaungc yaq waz htvlx kuex kvkhic muq tvkoc nuiyc Khelbuenx Saz thuinkhvy kvdaungc muq tvkoc nuiyshiq kuex tvkhup wungx kuq wvnc loq!

PHOWEBI 10:16

Kvkhoc rvtueq mungganc tishox htenc kuex tsuingshiq rueq tuip gay ruiux, Yehowa muex nawk palx wvnc wuez tueq; vpiq rueq muinz Israel miqsaz rvhumc yaq kuilc daz jamjaux yaq kvmac vthuinz thuiuz tueq.

1 SAMUEL 20:34

Yonathan kuex khaq vtueq humpanx kvwawc kvtenc waung wvnc ruiux, raungnuiyq nueyc ngoc yaungc Yac Nyalx Moalx raungnuiyq nuiyqtuimc yvmx muinz phauk saq muq maq dvyx httax tueq. Sholu rueq piq muex yvlc svy tvrvhumc kuy ningkhvnc nuex Dawid tvkoc piq pinhtumc yonz tueq.