James 3:2 - Muklom

² Hiqtang aa daqhan thaja eq som i. Utang tung aa raaq bat na thaja bat moq ang ajo piq sha khakla miqna ang aa; etho thaji hanphung sho jin táng eq aa.

ASII LAKDAP Bible (BSI)

² Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

Hawa Naga Bible 2001

² Naungshiq lotlaz kuex vlox lox dvyx yaq wuez vtix. Yuq muinz miq vshiz kuex piq bomc vnyamc maq mkaq muinz yaq muq ngoz ruiux yuq, kvruex waz kuex hungx htaungx mvrc yaq waz rvtueq, piq shauk vgvnz wvtaungx khvrc lot jix waz rvtueq.

James 3:2 Referencias Cruzadas

Matthew 12:34

Nim pu tang! Nim jashit ang eq, jaqhal raaq chamal eq jin raaq ko inn? Chammatakoi nim tin na chamlang shey aa tha nim nung wang thalat aa.

Matthew 12:37

Nim raaq tungkang o, nim raa aja ang moqtey etha ang moq o aja ta shing phan nin.”

Romans 3:10

Asang likwit na thawit aa; “Asing miq utang tho ahung, ashey tho ahung.

Romans 7:21

Eshirangma iri thong raa somlo aa ta nga usam eq ang: baluk o jaqhal jaksom ma nuk ang, nga jashit hun somlo ang.

1 Corinthians 9:27

Nga ni nga ihanpung sha wat eq taqhal ang, etha ang ajo nga adak miqtang ma phanchan jio nga ni nga kongpha kap moq tey mal ang náng.

Galatians 3:22

Etharin asang likwit eq bat aa, thaji sha thong jakkhung na shing ta, irimal ang eq bari rangtum raa kot ta esha Jesu Khristo sho kam tungkang o kot aa etho eshey barey kam aa ning ma kot aa.

Galatians 5:17

Mingkang hanngam shey Tsija chammal nuk sha miiksuk aa etho Tsija shey mingkang hanngam chammal nuk aa sha miiksuk aa. Iri ni raa ralwa, eshirangma nim chamlang ma nuk inn, esha jin somlo min.

Colossians 1:28

Esha phanchan eq í aa thaji miqna tang rangtun eq tong ma tatat i, etho thunglam wang thaji miqtang ma tatal kot i, irimal ang eq í aa thaji miq Khristo na khakla ang eq jin takhi eq ni.

Colossians 4:12

Epaphras bara nim jaktung wang, etho Khristo Jesu sanga, nim ma jak tachap kot aa. Etho piq aa nim rangma salwet romtam tang o taching bat aa, irimal ang eq nim Shkewa mongtham o hun tunlang nin etho kam na arong ang eq jakho kho náng ka nin.

James 1:26

Chamtey tang eq ning ni ning sha asing phong miq ta tathin aa, etharin ning phali sha jin táng moq ang ajo, ning aa ning ni ning sha dip aa etho ning phong sha thanghung.

James 1:4

Nim thaji jaksom na thanan ang ching, irimal ang ajo nim khakla ang nin, nim kam sha tahom ang na etho chamlang raaq o tho akum ang moq angna.

James 2:10

Utang eq thong wang ashey raaq sha tat moq ang ajo piq sha thaji thong tashitey angna.

1 Peter 3:10

Chammatakoi Asang likwit na thawit aa, “Chamtey urollung ma tinmat ajo, etho jaqhal saal khi ma tathin ajo, piq aa uphali sha jashit wang, etho unungbil sha hutdip raaq tang wang táng shing ching.

1 Peter 5:10

Etharin nim chomrey tsamnang kap inn jo, tinshit tey Shkewa bara Khristo jam moq kara eq nim ma pattuk phun amun ma hal taphin, piq ni piq aa hun nim ma tarong, tinthajong etho jaqhal tatsing kot phanin.