James 3:2 - ASII LAKDAP Bible (BSI)

² Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

Hawa Naga Bible 2001

² Naungshiq lotlaz kuex vlox lox dvyx yaq wuez vtix. Yuq muinz miq vshiz kuex piq bomc vnyamc maq mkaq muinz yaq muq ngoz ruiux yuq, kvruex waz kuex hungx htaungx mvrc yaq waz rvtueq, piq shauk vgvnz wvtaungx khvrc lot jix waz rvtueq.

Muklom

² Hiqtang aa daqhan thaja eq som i. Utang tung aa raaq bat na thaja bat moq ang ajo piq sha khakla miqna ang aa; etho thaji hanphung sho jin táng eq aa.

James 3:2 Referencias Cruzadas

1 HOKHVMX 8:46

“Kiimaq ümtiikiiwa ümsenginok raq ümman na ngarai klo tlaq, jamkhano ngukla maiqse ngutlaq ka ngarai tangmak ngutiika jumin ahü, kra ningkhan, ümniiraq ümtsan khiqtsi ma, tsangshiq ka tsang jaqtinok ma tiikhat laüta tiitang laüta, tsangshiq ka munglu shumwi kong ma pongmung na tiitsuq wan haüla, kra mung ka luhea ratsüko mung niili jiimin,

2 KAÜWA WERAÜ 6:36

“Kiimaq ümtiikiiwa ümsenginok raq, ümmaklii na ngarai tang tlaq kiimaq maiqse ngutlaq ka jurmin ngarai klomak dea ngutiika ahü, krai mren ümniiraq tsangshiq ka ümtsankhiq tsi ma tsangshiq jaqtinok tiitang kuqtlaü raüta tsangshiq ka shumwi kong ma pongmung na tiitsuq wan tlaü, kra mung ka rathoko luhea mung na tsuq wan raü min,

YOBA 15:13

Ümniika Shiikeawe ma akhiq riitlaü laüta apaiq ka shraho laü.

Tvtsvmc 34:13

Ikhla, abi bomtsi naq bomkiq she kiimaq arot naq chongkiq she.

Tvtsvmc 39:1

Ngi raq ngukang, “Ngi raq jamlai wa shamtiikang kra honkamshat mirha kiimaq itili lümaq ngi ngarai tang mang mirha; itho na abi maiq kong sishat na ngi raq inübok ka asuk lata mithüha.”

TAKSU LAK 10:19

Pahea tsantsuti riika ashut mibom ngushat; Shatmaq maiqshaqti riika mobom bom mak phan.

TAKSU LAK 13:3

Stiq skhaq bomti khum tiikheshat. Nübok asi nguta banbokti ka, maiqmiili khlaq tlo.

TAKSU LAK 20:9

“Ngi ka itsan itsii siirai rai; Idü na ngarai ahü,” ngutiika juwero mingulot?

TAKSU LAK 21:23

Mobom bommakti raq, tsa niq mak.

THARC TVLUINGC 7:20

Mangjong hiq na rilung pattup jangshi min ashut klomak phan, riikhaqli jaqshamti maiqse ka jumin ahü.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

LEWI 13:39

ramwe raq kriiti khum ka mishri ra lii. Raüta kra ami ba thun ka lüman man jiila, kriika rakhütsi ri na miinan akhü tiikoqja ngushat miraq. Kriiti ka apii chang riimak. Asii.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 12:37

Namshiq maiqmii bomtsi kriili kappe ma tiija raüta, Shiikeawe raq namshiq ka ashut maiqse sha, tingting maiqse wa kriishe mipho kuq.”

Romans 3:10

Ara jamkhano chongtiikang ngukla, Asii bomtsi na akha chongtlo: “Jumin kechu maiqse nguta ahü.

Romans 7:21

Riita, ara chong tiikang arai mren, ngi raq ara bomtsi ashi ara sap tiikang. I han-ngam phara tsantsii sükha ningkun raq, i mong jii na jaqsham wan tlo. Arkha maq, ngi raq ümtinkhan wa, ahea awa phan jaq dea sham hajaq nguta, tiima kang la, abi phan jaqsham kra khoti tiisham kiki li she riirai tlo.

1 Corinthians 9:27

Ngi raq i han-ngam na jaqtham maq tiithong tiikang. Lata i han-ngam tiima tsantsii ka, jaqkhon mong na thü tiikang. Arka ngi raq nanok ma ara aju riilong na hea wan kang krai mren, poiki mang maq, atiisup na saüli juwan ruq chang miitu shiichaq tiikang

Galatians 3:22

Shatmiitiq, Asii bomtsi na, mangjong maiqse tlotli ka, ngarai kharü mong na siisaq sitlo nguta chong tlo. Riita, ara ningkhan, Shiikeawe raq kongphiq mikuq ha nguta kiqkham kuqtaq kriika, jurwa Jesuq Khristo ma kamtlaq, kriiti miili, tsangshiq raq kamtsantsii thü wan tlaq kriithaq na seng raütiishe kuq tlo.

Galatians 5:17

Ara jamkhano chongtiikang ngukla, nashiq han-ngam raq jamlai wa jaü tlaq, kriika Asii Wenyi raq romak. Kiimaq, Asii Wenyi raq jamlai wa lungwii tlaq, kriika han-ngam raq romak. Tsangnai ka wesang. Riita, arkha maq, namshiq raq jamlai wa ro tlan, kriika sham raa mak.

Colossians 1:28

Arkha maq tiina, naishiq raq Khristo Tsütsa Ahea ka maiqse angu wiitarü ma chongkuq tiikai. Naishiq ma anyan phaqchi ümchuwa raükuq tlaq, kriimaq naishiq raq maiqse achhi kiima trap tru maq sungkhu tsii lam ka chongkuq tiikai. Kiimaq shrin kuq tiikai. Riita ara shun shea wan tiikai arka, maiqse pumsii awea maq, Shiikeawe jichong na Jesuq Khristo pum na pumshi hanshi maq siwan rilung na maiqla tiija wan laita sheake wan miitu hunnii tiikai.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

James 1:26

Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

James 1:4

Khekham maq silaq, anin wan ningkun maq chamchao thun ka tang wan ruq miitu, krai mren ümniika minhap kiimaq awongsii maiqse she mija haü kiimaq jamlai phan niimin kojo maü she mirhaü.

James 2:10

Jurwa tri poshi jintlaq, kriika thungtri wiita jin miishe mija.

1 Peter 3:10

Asii bomtsi na akha chong tlo: “Jurwa pat aku mit asu maq siwan lungwii tlaq, raüta hansang rakhang maq siwan lungwii tlaq, apaiq ka jamkiq jiq mak jam mesiq mak maq siwan raa tlo.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.