James 3:2 - Hawa Naga Bible 2001

² Naungshiq lotlaz kuex vlox lox dvyx yaq wuez vtix. Yuq muinz miq vshiz kuex piq bomc vnyamc maq mkaq muinz yaq muq ngoz ruiux yuq, kvruex waz kuex hungx htaungx mvrc yaq waz rvtueq, piq shauk vgvnz wvtaungx khvrc lot jix waz rvtueq.

ASII LAKDAP Bible (BSI)

² Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

Muklom

² Hiqtang aa daqhan thaja eq som i. Utang tung aa raaq bat na thaja bat moq ang ajo piq sha khakla miqna ang aa; etho thaji hanphung sho jin táng eq aa.

James 3:2 Referencias Cruzadas

1 HOKHVMX 8:46

“Mmiqsaz htenc nuex mvrax yaq muq miq washiz muinz vguez, kvkhoc rvtueq mthuinz khaq vtueq tsuingshiq kuex tsuingshiq ralx hez muex tvtaungx gay ruiux, vganc mungtan wvyvmc nuex wuinz saz muex thuq wvnc ningkhvnc nuex mungtan maq yal wvnc ruiux muinz,

2 KAÜWA WERAÜ 6:36

“Mmiqsaz htenc rueq mnoz muex mvrax yaq vtueq mvrax yaq muq jix vshiz muinz vguez, kvkhoc rvtueq mthuinz khaq vtueq tsuingshiq kuex tsuingshiq ralx hez muex tvtaungx gay ruiux, vganc mungtan wvyvmc nuex khoktep miqsaz htenc ikhoc thuq wvnc rvhumc vtueq mungtan rulc yal wvnc ruiux muinz,

YOBA 15:13

Mnoz kuex Tishox muex khaq vtueq vpiq kuex ngoz ngax vshuiux.

Tvtsvmc 34:13

Kvruex yimaq honc vbac kvjaz jungx vtueq vrot vkaq kvjaz jungphvnc kuex koayc shuiuz.

Tvtsvmc 39:1

“Ngaz rueq shuimx shaungx yauk shuimc nuex honc maq httax taungx, ngvy tvlix maq mvrax tvshuimc mauk; honc bac jix miq vnyek nuex ngoz ruiux ngaz rueq yvmx muinz jungphvnx shauk rvmuq” ngoz tueq ngaz rueq jungx tauk.

TAKSU LAK 10:19

Kvjaz paunghvlc kvjak lelez, mvrax tvpaungc muex yoalx lelez dvyx rvtueq. Mkhoc shoc maq mnoz kuex wvtharc waz rvtoq ngoz ruiux kuiyqshuik dvyx httax tuiux.

TAKSU LAK 13:3

Mnoz kvjak tuiux kvjaz kuex honc lvmz hvt maq raz tueq mrullungx kuex tvwungx shuiuz. Khuec guez thuirc jix waz kuex piq pumz tvbac gay yaq.

TAKSU LAK 20:9

Miq vshiz shiz rueq piq kuex mvrax wawc dung wvnc tauk, thuinz nuex sawc riric hvlc shex ngoz tueq uraq lac jungx lot shvnx?

TAKSU LAK 21:23

Vkuilc vdaz mungx wawc mnoz dungc wvnc roc ruiux, mnoz rueq jungphvnx shuiux kuex honc lvmz hvt rvshuiuz.

THARC TVLUINGC 7:20

Vruex ghaq htauk nuex mkaq muinz yaq muq maq vkhing ruip rawx vlvmz yauk shuimc jix miq vguez.

ISAIA 64:6

Nuiyshiq lotlaz mvrax vhttax jvnc rvtiq; nuiyshiq honc vyaungc vhvlx pinhtumc doc muinz miqsuirc vsac dvyx rvtueq. Nuiyshiq kuex miqmac mvrax ningkhvnc nuex raungguil rueq pvnc wvnc yaq namx yauk shanx ikhoc dvyx rvtiq.

LEWI 13:39

shomc waz rueq kvruex miq kuex lawc rax. Luiz lep lep maq kvbaungx ruiux yuq, vkhuix nuex yaungx yaq phvnx rvmpunx dvyx ningkhvnc nuex piq kuex nawk palx htungx maq vsawc rvtueq.

Matthew 12:34

Puiuc htumx phvnx lex, nuimshiq kuex honc vbac rvyruiux vhvlx kvjaz kuex yvmx khoc lac jungx lot shuinx? Yvmx khoc lac ngoz ruiux lec thuinz vmungx nuex mvrc yaq kuex nuix maq jungx yaq rvtueq.

Matthew 12:37

Nuimshiq mvrax tvgurc aungx yaq nuiyc mvrax tvgurc aungx muq lvmx kuex nuimshiq rueq jungphvnx shuinx bomc rulc rv-ngvlc vphoc rvhumc tuinx,” ngoz kuq tueq.

Romans 3:10

Rumvrc luik nuex: “Tsuingrux miq washiz muinz vguez;

Romans 7:21

Kvkhoc rvtueq ngaz rueq vhvlx phvnx shuimx roc shaungx nuex, honc vbac phvnx kuex ngaz rueq thvl vtueq shuimx vshaungx ningkhvnc nuex, tvrac phvnx nueyc ngaz nuex rvpop httax yaq ngoz tueq ngaz rueq khiz vshaungx.

1 Corinthians 9:27

Ngaz rueq miq vganc kuex rvlongx moalx nuex nyuip tvkoc gvlc lot yix, miqmac shauk pumz kuex tvyc rvyc muq rvtueq tvdux gay rvhumc muq mruez kueq, ngvy shauk pumz kuex rax yaq rulc rv-ngvlc shuimc lvmc tvkoc tsandez maq tv-phaungx vshaungx.

Galatians 3:22

Yuq muinz mungkawx lotlaz kuex mvrax luimc vkawc rueq puingc wvnc rvhumc tueq, ngoz tueq Rumvrc luik nuex jungx shec tueq; kvkhoc rvtueq Yesu Christu muex kvmluimx htauk maq jix bomkhvmc nuex seng yaq yauk noalc kejux kuex kvmluimx jix htenc rueq lvp wvnc shuex rvtueq.

Galatians 5:17

Yvmx khoc lac ngoz ruiux lec gvnngvmx rueq roc yaq kuex Siyac rueq roc yaq rulc raz muq, Siyac rueq roc yaq muinz gvnngvmx rueq roc yaq rulc raz muq. Gvnngvmx rueq roc yaq nuiyc Siyac rueq roc yaq lvmx vruex nueyc kuex ralx muex yaungx yaq, kvkhoc rvtueq nuimshiq kuex miqmac rueq shuimx roc shuinx kvkhoc shuimx lvp muit.

Colossians 1:28

Kvkhoc rvtueq naungshiq rueq miqsaz lotlaz muex Christu lvmx jungphvnx kuq vshix. Miq lotlaz muex honc tvsvmz vtueq, taksux tharc httax yaq lotlaz maq miqsaz vngoz lotlaz muex tvluing kuq vshix, kvkhoc shuimx kaz vshix kuex miqsaz lotlaz Christu rulc hunghtaungx laz tvyaungc vtueq, Tishox khaungkac nuex tvhttuiuc wvnc tvkoc rvtueq.

Colossians 4:12

Epaphra rueq muinz gvnhttuingc ngoz kuq yaq, piq kuex nuimshiq phungc wawc Christu Yesu nvrc waz vshiz rvtueq. Piq rueq nuimshiq tvkoc mkaq muinz thuinz tvyungx vtueq vjux thoz yaq, nuimshiq rueq Tishox thuinroc lvmx nuex rvkhauk laz phvnx wvnc vtueq, vhvlx waq tuiuz wvnc jix Christan miqsaz yaungx vtueq, phaungx duingduing jvp lot tvkoc piq rueq Tishox muex jungx tvtay yaq.

Hebrews 13:21

Nuimshiq rueq vpiq thuinroc lvmx shuimc kay tvkoc nuimshiq nuex rax thuiyc yaq vhvlx phvnx lvmx ruip saz kuex nomic Tishox rueq nuimshiq muex mkuq kv-phuinx, Taungjix kuex vpiq thuinroc rulc rv-ngvlc Christu maq naungshiq muex tvhungx htaungx tvmvrc kuq phuex. Yesu Christu maq vpiq rueq raungc raq yaq lvmx kuex naungshiq mtvyaungc phueq, Christu nuex pattup pat-sac ngauz vngax mhttax kueq. Amen.

James 1:26

Miq washiz shiz rueq miqmac kuex nawk palx htungx vlayx tvtsanc nganc jix waz ngoz tueq tvmaung ruiux yuq muinz, miqmac tvlix khvrc lot muq ngoz ruiux yuq, piq nawk palx htungx kuex khuec guez dvyx raz tueq piq shauk gvnz kuex laulawc gay dvyx rvtueq.

James 1:4

Nuimshiq kuex yvmx lvmx nuex ngoz ruiux muinz rax yaq lvmz vguez maq, hungx htaungx mvrc wvnc kuinz, nuimshiq rueq nanx vshuinx thuinz kuex vtvsuip nuex httuiuc laz tv-phaungx tvhttax shuinz.

James 2:10

Bomkhvrc tvrac vshiz yaq gay ruiux yuq, bomkhvrc tvrac lotlaz muex yaq gay rvtueq.

1 Peter 3:10

Rumvrc luik nuex: “Miqmac rullungx nuex vkoz vkez lvmx lvp wvnc vtueq vrungx vwanx rullungx raungc raq jix ukhaq yuq muinz, honc vbac jungphvnc kvjaz kuex koayc gay ruiux, vrot vkaq kvjaz jungc kuex tvthauk gay rax yaq.

1 Peter 5:10

Yuq muinz nuimshiq kuex vlosaz dvyx kuilc daz rvhumc tuinx yix maq, kejux lotlaz Taungjix rvtueq Tishox rueq nuimshiq kuex Christu rulc vshiz dvyx tvyaungc ruiux, pattup ngauz vngax nuex nyuip lvp wvnc muex, nuimshiq gvl jix Taungjix vpiq rueq nuimshiq kuex vrax vguez laz juing hunghtaungx tvmvrc lvmz, tv-phaungx ngaungx lvmz, hungc vlaungc tvmvrc kuq vtueq phaungx ngaungx yaq ruingshungc nuex jvp lvp vkhangx kuq kv-phuinx.