James 3:1 - Hawa Naga Bible 2001

¹ Iphuz inox bix lex, naungshiq tvluingc waz hez kuex vganc jix htauk nuex muinz pinhtumc tvtsuir wisoz vtueq, phoc kuy rvhumc tix lvmz kuex nuimshiq rueq tuiuz vshuinx ningkhvnc nuex tvluingc waz muex paunghvlc nauk yaungx wuez kaz.

ASII LAKDAP Bible (BSI)

¹ Lungwii Phungmaiqse phunainotiim lei. Ngi raq namshiq ma tsii chongkero ka ara. Namshiq phong wa maiq pahea raq, ashrinketi shrabi ma jawan hai jiilei ngutiika, manhii rat man ngu raü jiika ahea miraq. Ara jamkhano chongtiikang ngukla, namshiq tarü raq asaphan. Shiikeawe raq nashiq ashrinketi shrabi kha ka, nanok Phungmaiqse ahinti kha thaq na, tri atsin linlin maq mipho.

Muklom

¹ I no nia pho tang, nim wang daqhan tataltey tang nak cham ang aa, chammatakoi hiqtang tataltey tang sha ahal eq phung aa ta nim aa usam eq inn.

James 3:1 Referencias Cruzadas

LEWI 10:3

Kvruex yimaq Moshe rueq Arun muex, “Yehowa rueq ngoc, ‘Ngvy yauk shuimc jix lotlaz rueq vsawc ngaz kuex tvtsanc nganc wuez rax; ngvy miq htenc muex ngvy ngauz vngax kuex tvdung tvkhic shaungx,’ ngoz tueq kuex vruex ngoc ngoz tueq,” ngoz tueq jungx tueq. Yuq muinz Arun kuex kuiyqshuik dvyx rvtueq.

MALAKI 2:12

Israel miqsaz phungc wawc vkhoc phvnx shuimc jix htenc kuex Yehowa rueq mtvdung lvmz gay shueq, tsuingshiq kuex mkaq muinz naungshiq phvnx muex yaungc tvkoc muinz, Tvphaungc Tvsuip Yehowa muex shomc kuy jix miqphvnx yaungc tvkoc muinz kuq muq mruez shueq.

Matthew 10:24

“Jongx sahez kuex tvluingc waz htauk nuex vyungx rvmuq, dax waz muinz jiyungx waz htauk nuex vyungx rvmuq.

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Matthew 23:14

[Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq mvntix nyuiuz tamx yuimx vwuik htenc nuiyc hup vsvmx htenc kuex nyvlc wvnc vtueq, miq muik lawc tvhvlc muex vjux loayc hvlc thoz vshuinx. Kvkhoc rvtueq nuimshiq kuex murx yunghvlc tvgurc rvhumc tuinx!]

Matthew 9:11

Pharise nuk wvyvmc rueq kvruex khiz vtueq tsuingshiq rueq, “Nuimshiq tvluingc waz kuex kvkhoc jix miqsaz rulc roc nuex ngaungc vtueq phauk saq yaq nguinx?” ngoz tueq vpiq sangac hez muex wiz tueq.

Luke 16:2

Kvkhoc ningkhvnc nuex luiz waungx waz rueq piq kuex gvl vtueq, ‘Ngaz rueq tay lvp tauk mnoz lvmz kuex yvmx khoc lac? M-yauk shuimc nuex seng vtueq ngvy tsak vnyvmx htenc kuex yvmx khoc lac shuimx vshuiux lvmx tvlot laz wvlc wvlc tvtsuingc luik kuex tvkhic kuq koq, yvmx khoc lac ngoz ruiux lec majuiuc vmaq mnoz kuex maneger yauk shuimc lvp muq shex,’ ngoz kuq tueq.

Luke 6:37

“Miq muex khac nauk phox kuq kaz, kvkhoc ngoz ruiux yuq jix Tishox rueq nuimshiq muex phox kuq muq rvshuex, miq muex nauk yomnamc kaz, kvkhoc ngoz ruiux yuq jix Tishox rueq nuimshiq muex yomnamc muq, miq muex mvrax dawc kuq shuinz, kvkhoc ngoz ruiux yuq jix nuimshiq muex muinz Tishox rueq mvrax dawc kuq kv-phuinx.

John 3:10

Yesu rueq, “Mnoz kuex Israel miqsaz htenc muex tvluingc kuy jix vyungx washiz rvtoq rvhvt maq, vruex phvnx htenc kuex mnoz rueq tuiuz muq ix?

Acts 13:1

Antiok wawc phungc nuex shvmmax bix nuiyc tvluingc waz hez wvyvmc lomx naungx tueq: kvruex hez kuex Barnaba, (Vnyauk ngoz yaq) Simon, Kirene miqsaz Lukiu, (Herod mungx walaungx waz muex nosaz jauz wawc kungjix) Manaen nuiyc Sholu rvtueq.

1 Corinthians 12:28

Tishox rueq phungc nuex kungkhux kuex kamx waz hez, vnueyc nuex kuex shvmmax bix, vthuimx nuex kuex tvluingc waz hez, kvruex yimaq vwangc juing shuimc jix htenc, vthuiuz vsac tvhvlc lot yaq luimc vkawc vhttax jix, naungnuk waz muex romc kuy jix htenc, lvmx shvlc kuy khvmc jix htenc, nuiyc pungphvnx kvjaz phvnx ruip saz kvjak lot yaq jix miq htenc kuex tvhungx taq shec tueq.

2 Corinthians 5:10

Yvmx khoc lac ngoz ruiux lec naungshiq lotlaz kuex phoc rvhumc tvkoc Christu hoc daungraungc khaungkac nuex httuiuc juing ningkhvnc nuex rvtueq. Kvkaq naungshiq vshiz maq vshiz kuex gvnngvmx yuimx nuex httax tix baunglaung vshuimx kaz wvnc vhvlx vbac lotlaz tvkoc lvp aungx yaq yauk mauk kuex lvp wvnc wuez shix.

Ephesians 4:11

Miqsaz htenc muex “kejux yauk noalc” kuy jix waz muinz vpiq rvtueq; vpiq rueq miq wvyvmc kuex kamx waz muex, wvyvmc kuex shvmmax muex, wvyvmc kuex shuenruenc bomjungc khuemc jix muex, wvyvmc kuex phungc guimz lawc jix muex nuiyc tvluingc waz htenc muex tvhungx shec tueq.

1 Timothy 1:7

Tsuingshiq kuex Tishox tvrac tvluingc jix tvluingc waz hez yaungc roc yaq, yuq muinz tsuingshiq kuex miqmac rueq jungx yaq kvjaz htenc kvmuinz, miqmac dvyx vlvmx rvtueq ngoz tueq pinhtumc kvmx thuinz maq jungx yaq lvmz htenc kuex vsuing ngoz ruiux tuiuz tay wuez muq.

1 Timothy 2:7

Kvkhoc rvtueq vpiq rueq ngaz kuex kamx waz vshiz muex muinz, Pungnuk miqsaz tvluingc waz vshiz muex muinz, kvmluimx lvmx nuiyc tsuingrux lvmx bomjungc jungphvnc kuy tvkoc tvkay rvhumc tauk; ngaz rueq vrot vkaq jungx vshaungx rvmuq, ngaz rueq vsuing jungx vshaungx rvtueq.

2 Timothy 1:11

Thuix Thaungx Vhvlx kuex jungc tvtay kuy tvkoc Tishox rueq ngaz kuex kamx waz vshiz ikhoc muinz, tvluingc waz ikhoc muinz thvl taq shec phuex.

Hebrews 13:17

Nuimshiq muex lvmx shvlc jix htenc kvjaz kuex tay wuez shuinz. Tsuingshiq rueq jungx shuex kvkhoc shuimx wuez shuinz, tsuingshiq miqmac rueq shuimx yaq yauk shuimc kuex Tishox muex tvtay kuy juing ningkhvnc nuex, nuimshiq thuinz siyac kuex raungnuiyq raungwvrx bvmc lawc kuq yaq. Nuimshiq rueq tsuingshiq kvjaz kuex tay kuq ruiux yuq, tsuingshiq muinz kokez thuinz maq shuimx kaz wvnc shuex; tsuingshiq thuinbac ruiux yuq nuimshiq muex yvmx vjux httax tuex muinz rvmuq.

James 1:16

Lungwawc phunox bix lex, tvshonx ronx jix ningkhvnc nuex lvmx nauk tvmawc kaz!

James 1:19

Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

James 3:10

Nuix vshiz maq dvyx kejux tvtsvmc kvjaz nuiyc mvnhttonc kvjaz dung yaq. Iphuz inox bix lex, kvkhoc kuex yaungc mvy muq!

1 Peter 5:3

Nuimshiq rueq shunshvlc tvkoc nuimshiq yauk nuex vlekuq shec phungc kuex guimz gay roc thuinz maq rvmuq maq, khelbuenx kung tvkoc honc vlayx vhvlx jix yaungx wuez kuinz.