James 3:1 - Muklom

¹ I no nia pho tang, nim wang daqhan tataltey tang nak cham ang aa, chammatakoi hiqtang tataltey tang sha ahal eq phung aa ta nim aa usam eq inn.

ASII LAKDAP Bible (BSI)

¹ Lungwii Phungmaiqse phunainotiim lei. Ngi raq namshiq ma tsii chongkero ka ara. Namshiq phong wa maiq pahea raq, ashrinketi shrabi ma jawan hai jiilei ngutiika, manhii rat man ngu raü jiika ahea miraq. Ara jamkhano chongtiikang ngukla, namshiq tarü raq asaphan. Shiikeawe raq nashiq ashrinketi shrabi kha ka, nanok Phungmaiqse ahinti kha thaq na, tri atsin linlin maq mipho.

Hawa Naga Bible 2001

¹ Iphuz inox bix lex, naungshiq tvluingc waz hez kuex vganc jix htauk nuex muinz pinhtumc tvtsuir wisoz vtueq, phoc kuy rvhumc tix lvmz kuex nuimshiq rueq tuiuz vshuinx ningkhvnc nuex tvluingc waz muex paunghvlc nauk yaungx wuez kaz.

James 3:1 Referencias Cruzadas

Matthew 10:24

“Likphattey sha tataltey phey náng eq ajong ang moq. Qha sha tangteywa phey náng eq ajong ang moq.

Matthew 23:13

“Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miqtang ma rangmungtan náng wáng lam sha sakchak inn. Nim tho rangmungtan náng nop min, etho uwangtey sha tho thanop min.

Matthew 23:14

Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa notinu tang him sha jokchak inn, etho miq ma takhi rangma daklot romtam chu inn, ethirangma nim aa ahan tsamnang sha kap nin.”

Matthew 9:11

Chamteytey Phorisi tang aa ira siin eq Jesu jiphantey tang ma pitta, “Nim tatalteywa chamma irimal phunta qheytey miqtang etho ngarey tang jamoq tong eq phaksat phakshat aa?”

Luke 16:2

Ethima piq aa ngin shingteywa tha hal eq batta, ‘Nga batung araaq miq ching wang iri chamta kap tat ang? I lik angin wang nang aa chamlang somlo tu thi nga ma batphu chammatakoi iri jio nang i ngin shingtey ta thamiing mu sey angnu.’

Luke 6:37

“Miqdak nak khaphung inn, etho Shkewa tho nim sha khaphung moq angna, miqdak ma miqshi ta nak raaq inn etho Shkewa tho nim ma tolchak na.

John 3:10

Jesu aa piq ma batta, “Nang Israel tang tatalteywa ang eq tho iri raaq tang raa jin sam mu i?

Acts 13:1

Antioch mondoli na rangsamal tang etho tataltey tang angta: Ning Barnabas, Simeon bara Niger ta halta, Cyrene wang Lucius, Herod governor jamoq nijang wang hun chalotey Manaen etho Saul angta.

1 Corinthians 12:28

Shkewa mondoli na phang chamtey tey apostle tang ma shing aa, ethi jio rangsamal tang, ethi jio tataltey tang ethi jio patja jaksom tey tang ethi jio atak miqtang jin taqhaltey tang, ethi jio adak miqtang ma nong tey tang, ethi jio adak raaq jin raaq tey tang tha shing aa.

2 Corinthians 5:10

Chammatakoi hiqtang thaji Khristo jakho na bara hiqtang khaphung rangma ukat hun ang ching, hiqtang aa chamlang kap ching sha kapni; hanphung na tong tok o jaqhal somlo ti tia jashit somlo ti eshimal hun kapni.

Ephesians 4:11

Piq aa chamtey tha apostle tang ma tal eq etho chamtey tha rangsamal tang ma etho chamtey tha tungtang qhal tatat rangma etho chamtey tha pastor tang ma etho chamtey tha tataltey tang ma tal eq kot chak ta.

1 Timothy 1:7

Ning aa Shkewa thong tataltey tang angma tathin aa, etharin ning aa tatal aa raaq sha sam moq etho ning aa aching eq bat aa eshi raaq sha tho sam moq.

1 Timothy 2:7

Ethirangma nga ma phanchan kottey nia apostle rangma tal taphang, etho Gentile tang ma uhan nia asing tung aa raaq tatal ma nga takat taphang. Nga alik bat mong, asing bat ang.

2 Timothy 1:11

Iri tungtang qhal phal kot rangma Shkewa nga apostle nia tatal kottey ma tal taphang.

Hebrews 13:17

Nim aa solwa tang raaqkhat tat inn, etho ning jiphan inn. Chammatakoi ning sha Shkewa jakho na nim rangma wetwaltey thimal nim sha ban chey aa. Nim aa ning raaq tat inn jo ning aa sungrang eq somlo na etha ang moq o ning tinshi eq somlo na etho eshiwang nim aa nong kap min ang nin.

James 1:16

I no nia pho tang, nak cham dip phin.

James 1:19

I no nia pho tang, iri raaq ri tasik inn. Thaji miq eq photla tat ching etho uraaq na karel etho tinqhat na karel ang ching.

James 3:10

Ashey nung wang tasapsey nia manthun raaq sha thalat aa. I no nia pho tang, irimal ang ching ang moq!

1 Peter 5:3

Bari miqtang raa nim ma kot ta, ning shi kachang chang aa jaktáng o nak shing inn, etharin ning aa tinkot eq nim ji cham phan aa.