Jozue 8:29 - Bibl Koad 21: Ar Bibl e Brezhoneg evit ar Vretoned

²⁹ Neuze e krougas ouzh ur c'hoad roue Ai betek an noz. Da guzh-heol, Jozue a c'hourc'hemennas ma vije diskennet e gorf diouzh ar c'hoad, hag e voe taolet ouzh toull-dor kêr; hag e voe savet warnañ ur bern mein bras, a zo chomet betek hiziv.

Jozue 8:29 Referencias Cruzadas

2 Samuel 18:17

Kemer a rejont Absalom, hag en taoljont er goadeg en un toull bras, hag e lakajont warnañ ur bern mein bras-meurbet. Holl Israel a dec'has, pep hini d'e deltenn.

Ester 7:10

Hag e krougjont Haman ouzh ar post en doa prientet evit Mardoke. Hag e voe sioulaet kounnar ar roue.

Salmoù 107:40

Skuilhañ a ra an dispriz war ar re vras, hag e laka anezho da gerzhout en ur gouelec'h hep hent.

Salmoù 110:5

An Aotrou a zo a-zehoù dit, bruzunañ a raio rouaned en deiz e fulor.

Sant Ian 19:31

Gant aon na chomfe ar c’horfoù war ar groaz e-pad ar sabad, rak kempennadur ar Pask e oa hag ar sabad-se a oa un deiz bras, ar Yuzevien a c’houlennjont digant Pilat ma vije torret o divhar dezho ha ma vijent tennet ac’hane.

Actou an Ebestel 12:23

Met kerkent, un ael eus an Aotrou a skoas anezhañ, dre ma n’en doa ket roet gloar da Zoue. Hag e varvas, krignet gant ar preñved.

Jozue 10:30

An AOTROU he lakaas etre daouarn Israel gant he roue, hag e skoas warni gant troc'h ar c'hleze, ha war an holl dud a oa enni; ne lezas den da dec'hout kuit, hag e reas d'he roue evel m'en doa graet da roue Jeriko.

Jozue 10:33

Neuze Horam roue Gezer a bignas da sikour Lakish. Jozue a skoas warnañ ha war e bobl, ha ne lezas den da dec'hout kuit.

Jozue 12:9

Roue Jeriko, unan; roue Ai e-kichen Betel, unan;

Jozue 7:26

Hag e savjont warnañ ur bern mein bras, a zo chomet betek hiziv. An AOTROU a zistroas eus gwrez e gounnar. Setu perak eo anvet al lec'h-se Traonienn Akor betek hiziv.

Jozue 8:23

Roue Ai a voe tapet bev, hag e tegasjont anezhañ da Jozue.