Jozue 3:4 - Bibl Koad 21: Ar Bibl e Brezhoneg evit ar Vretoned

⁴ Met bez' e vo un hedad, etre hi ha c'hwi, eus war-dro daou vil ilinad, evit na dostaiot ket outi. Evel-se e oueziot dre beseurt hent e vo ret deoc'h mont, rak n'hoc'h eus ket tremenet diagent dre an hent-mañ.

Jozue 3:4 Referencias Cruzadas

Geneliezh 31:2

Jakob a welas dremm Laban, ha setu, ne oa ken en e geñver evel diagent.

1 Danevelloù 11:2

Diagent zoken, pa oa Saül roue, te eo an hini a gase er-maez hag a zegase en-dro Israel. Hag an AOTROU da Zoue en deus lavaret dit: Te a vesaio va fobl Israel, te a vo penn va fobl Israel.

Salmoù 25:12

Piv eo an den a zouj an AOTROU? Kelenn a raio dezhañ an hent en deus da zibab.

Salmoù 89:7

Rak piv a zo heñvel ouzh an AOTROU el lec'hioù neñvel? Piv a zo heñvel ouzh an AOTROU e-touez mibien an doueed?

Ermaeziadeg 19:12

Te a lakaio harzoù d'ar bobl en-dro holl hag e lavari: Diwallit da bignat war ar menez ha da stekiñ ouzh e gostez. Piv bennak a stoko ar menez a vo kastizet a varv,

Ermaeziadeg 3:5

Doue a lavaras: Na dosta ket amañ! Lam da votoù diwar da dreid, rak al lec'h emaout warnañ a zo un douar santel.

Ermaeziadeg 4:10

Moizez a lavaras d'an AOTROU: O, Aotrou, n'on ket un den en defe ar gomz aezet, nag eus dec'h nag eus derc'hent-dec'h, nag abaoe ma komzez da'z servijer; rak va genoù ha va zeod a zo pounner.

Izaia 30:33

Abaoe pell amzer ez eo lakaet a-du ha kempennet Tofed evit ar roue. Graet eo don ha ledan e geuneudeg, gant tan ha koad e-leizh; alan an AOTROU, evel ur red soufr, a ya da entanañ anezhañ.

Izaia 48:17

Evel-henn e komz an AOTROU, da zasprener, Sant Israel: Me eo an AOTROU da Zoue, a gelenn dit ar pezh a zo mat, hag a ren ac'hanout dre an hent a dleez kerzhout warnañ.

Jozue 3:3

hag e rojont urzhioù d'ar bobl o lavarout: Pa welot arc'h emglev an AOTROU ho Toue hag an aberzhourien, al Levited, o tougen anezhi, ez eot kuit eus ho lec'hioù hag e kerzhot war he lerc'h.

Jozue 3:5

Jozue a lavaras d'ar bobl: En em santelait, rak warc'hoazh an AOTROU a raio en ho touez traoù burzhudus.