Jozue 3:5 - Bibl Koad 21: Ar Bibl e Brezhoneg evit ar Vretoned

⁵ Jozue a lavaras d'ar bobl: En em santelait, rak warc'hoazh an AOTROU a raio en ho touez traoù burzhudus.

Jozue 3:5 Referencias Cruzadas

Levr Job 1:5

Ha pa veze echu tro deizioù ar fest, Job a gase da gerc'hat e vibien evit o santelaat. O sevel mintin mat, e kinnige loskaberzhoù evit pep hini anezho, rak Job a lavare: Marteze o deus pec'het va mibien, hag o deus dismegañset Doue en o c'halonoù. Evel-se e rae Job bepred.

Salmoù 77:15

Te eo an Doue a ra burzhudoù. Roet ec'h eus da anavezout da nerzh e-touez ar pobloù.

Salmoù 86:10

dre ma'z out bras hag e rez traoù burzhudus. Te a zo Doue, te hepken.

Joel 2:16

Dastumit ar bobl, santelait ar vodadenn, dastumit an henaourien, dastumit ar vugale hag ar re a zen ar vronn. Ra zeuio ar gwaz-nevez eus e gambr hag ar plac'h-nevez eus he c'hambrig.

Leviegezh 10:3

Moizez a lavaras da Aaron: Kement-se eo ar pezh en deus disklêriet an AOTROU en ur lavarout: Santelaet e vin dre ar re a dosta ouzhin hag e vo roet gloar din dirak ar bobl. Aaron a davas.

Leviegezh 20:7

En em santelaat a reot hag e viot santel. Me eo an AOTROU ho Toue.

Niveroù 11:8

Ar bobl en em stlabeze evit e zastum, hag e pile anezhañ gant mein-milin pe en frike en ur mortez, hag en poazhe en ur chaodouron evit ober gwestell gantañ; e vlaz a oa heñvel ouzh hini eoul fresk.

Sant Ian 17:19

hag en em santelaan va-unan evito, evit ma vint ivez santelaet er wirionez.

Jozue 3:13

ha kerkent ha m'o devo lakaet sol o zreid an aberzhourien a zoug arc'h emglev an AOTROU , Aotrou an douar holl, e doureier ar Jordan, doureier ar Jordan a vo rannet, an doureier a ziskenn eus krec'h a chomo a-sav en ur bern.

Jozue 3:15

Kerkent ha ma en em gavas ar re a zouge an arc'h er Jordan, ha ma voe glebiet treid an aberzhourien a zouge an arc'h e bord an dour, hag ar Jordan a fenn dreist e ribloù e-pad holl amzer an eost,

Jozue 3:4

Met bez' e vo un hedad, etre hi ha c'hwi, eus war-dro daou vil ilinad, evit na dostaiot ket outi. Evel-se e oueziot dre beseurt hent e vo ret deoc'h mont, rak n'hoc'h eus ket tremenet diagent dre an hent-mañ.

Jozue 3:6

Jozue a gomzas d'an aberzhourien o lavarout: Dougit arc'h an emglev ha tremenit a-raok ar bobl. Neuze e tougjont arc'h an emglev hag e kerzhjont dirak ar bobl.

Jozue 7:13

Sav, santela ar bobl ha lavar: En em santelait a-benn warc'hoazh, rak evel-henn en deus lavaret an AOTROU , Doue Israel: Traoù lakaet da verz a zo en da greiz, Israel, ne c'helli ket derc'hel ouzh da enebourien, ken n'ho po lamet an traoù lakaet da verz eus ho touez.

1 Samuel 16:5

Hag e respontas: Evit ho mad. Deuet on da aberzhiñ d'an AOTROU . En em santelait, ha deuit ganin d'an aberzh. Hag e reas da Jese ha d'e vibien en em santelaat, hag o fedas d'an aberzh.