Jozue 3:3 - Bibl Koad 21: Ar Bibl e Brezhoneg evit ar Vretoned

³ hag e rojont urzhioù d'ar bobl o lavarout: Pa welot arc'h emglev an AOTROU ho Toue hag an aberzhourien, al Levited, o tougen anezhi, ez eot kuit eus ho lec'hioù hag e kerzhot war he lerc'h.

Jozue 3:3 Referencias Cruzadas

2 Samuel 6:13

P'o doe graet c'hwec'h kammed ar re a zouge arc'h Doue, e voe aberzhet ejened ha leueoù lart.

2 Samuel 6:3

Lakaat a rejont arc'h Doue war ur c'harr nevez, hag e tegasjont anezhi eus ti Abinadab a oa war ur grec'hienn. Uzza hag Akjo, mibien Abinadab, a rene ar c'harr nevez.

1 Rouaned 8:3

Holl henaourien Israel a zeuas, hag an aberzhourien a zougas an arc'h.

Jeremiaz 33:18

an aberzhourien Levited ne vankint biken dirazon eus un den da ginnig loskaberzhoù, da lakaat da vogediñ donezonoù, d'ober aberzhoù bemdez.

Niveroù 10:33

Mont a rejont kuit eus menez an AOTROU evit un hent a dri devezh; arc'h emglev an AOTROU a yae a-raok dezho, oc'h ober an hent a dri devezh evit kavout ul lec'h diskuizh.

Niveroù 4:15

Goude m'o devo echuet Aaron hag e vibien da c’holeiñ ar santual ha traoù ar santual, pa'z aio ar c'hamp kuit, mibien Kehad a zeuio evit o dougen. Met ne stokint ket ouzh an traoù santel gant aon na varvfent. Setu karg mibien Kehad e-keñver teltenn an engalv.

Mazhev 16:24

Neuze Jezuz a lavaras d’e ziskibien: Mar fell da unan bennak dont war va lerc’h, ra raio dilez anezhañ e-unan, ra gemero e groaz ha ra heulio ac’hanon.

Mazhev 8:19

Ur skrib a dostaas hag a lavaras dezhañ: Mestr, me a heulio ac’hanout e kement lec’h ma’z i.

Adlezenn 31:25

e roas ar gourc'hemenn-mañ d'al Levited a zouge arc'h emglev an AOTROU o lavarout:

Adlezenn 31:9

Moizez a skrivas al lezenn-mañ, a roas d'an aberzhourien mibien Levi, ar re a zouge arc'h emglev an AOTROU, ha da holl henaourien Israel.

Jozue 3:4

Met bez' e vo un hedad, etre hi ha c'hwi, eus war-dro daou vil ilinad, evit na dostaiot ket outi. Evel-se e oueziot dre beseurt hent e vo ret deoc'h mont, rak n'hoc'h eus ket tremenet diagent dre an hent-mañ.

Jozue 3:6

Jozue a gomzas d'an aberzhourien o lavarout: Dougit arc'h an emglev ha tremenit a-raok ar bobl. Neuze e tougjont arc'h an emglev hag e kerzhjont dirak ar bobl.

Jozue 3:8

Ro urzhioù d'an aberzhourien a zoug arc'h an emglev o lavarout: Pa viot erruet e-kichen doureier ar Jordan, e chomot a-sav er Jordan.

Jozue 4:10

An aberzhourien a zouge an arc'h en em zalc'has e-kreiz ar Jordan, betek ma voe echu ar pezh en doa gourc'hemennet an AOTROU da Jozue lavarout d'ar bobl, hervez kement en doa gourc'hemennet Moizez da Jozue. Hag ar bobl a hastas tremen.

Jozue 6:6

Jozue mab Nun a c'halvas an aberzhourien hag a lavaras: Dougit arc'h an emglev, ha ra vo seizh aberzhour o tougen seizh shofar e korn tourz dirak arc'h an AOTROU .

Apocalyps 14:4

Ar re mañ eo ar re n’int ket en em saotret gant gwragez rak gwerc’h int. Ar re-mañ eo ar re a heuilh an Oan e lec’h bennak ma’z a. Ar re-mañ eo ar re a zo bet dasprenet a-douez an dud, evel frouezh kentañ evit Doue hag evit an Oan.

1 Samuel 6:15

Al Levited a ziskennas arc'h an AOTROU hag ar c'houfrig a oa en he c'hichen, ma oa ennañ an oberennoù aour, hag o lakajont war ar maen bras. En deiz-se tud Bet-Shemesh a ginnigas loskaberzhoù hag a aberzhas aberzhoù d'an AOTROU .