Joel 2:16 - Bibl Koad 21: Ar Bibl e Brezhoneg evit ar Vretoned

¹⁶ Dastumit ar bobl, santelait ar vodadenn, dastumit an henaourien, dastumit ar vugale hag ar re a zen ar vronn. Ra zeuio ar gwaz-nevez eus e gambr hag ar plac'h-nevez eus he c'hambrig.

Joel 2:16 Referencias Cruzadas

2 Danevelloù 20:13

Holl Juda en em zalc'he dirak an AOTROU, gant o ziegezhioù, o gwragez hag o bugale.

2 Danevelloù 29:5

hag e lavaras dezho: Va selaouit, Levited! En em santelait bremañ, ha santelait ti an AOTROU, Doue ho tadoù, ha kasit er-maez eus ar santual ar pezh a zo saotret.

2 Danevelloù 30:17

Evel ma oa kalz a dud er vodadeg ha ne oant ket en em santelaet, gant al Levited e oa ar garg da lazhañ ar Paskoù evit an holl re ne oant ket glan, evit o santelaat d'an AOTROU.

2 Danevelloù 30:19

en deus lakaet e galon da glask Doue, an AOTROU, Doue e dadoù, petra bennak ma n'en defe ket graet hervez glanidigezh ar santual.

2 Danevelloù 35:6

Lazhit ar Pask, en em santelait, kempennit anezhañ evit ho preudeur, evit ober hervez ar gomz en deus disklêriet an AOTROU dre Voizez.

Levr Job 1:5

Ha pa veze echu tro deizioù ar fest, Job a gase da gerc'hat e vibien evit o santelaat. O sevel mintin mat, e kinnige loskaberzhoù evit pep hini anezho, rak Job a lavare: Marteze o deus pec'het va mibien, hag o deus dismegañset Doue en o c'halonoù. Evel-se e rae Job bepred.

Salmoù 19:5

O mouezh en em skuilh war an douar holl, o gerioù a ya betek pennoù ar bed. Eno en deus savet un deltenn evit an heol,

Ermaeziadeg 19:10

An AOTROU a lavaras da Voizez: Kae da gavout ar bobl, santela anezho hiziv ha warc'hoazh, ra walc'hint o dilhad.

Ermaeziadeg 19:15

Hag e lavaras d'ar bobl: Bezit prest a-benn tri deiz, na dostait ket ouzh gwreg ebet.

Ermaeziadeg 19:22

An aberzhourien a dosta ouzh an AOTROU , ra en em santelaint ivez gant aon na skofe an AOTROU anezho.

Joel 1:14

Santelait ur yun, galvit ur vodadeg veur, dastumit an henaourien hag holl dud ar vro e ti an AOTROU ho Toue, hag huchit etrezek an AOTROU:

Mazhev 21:16

Int a lavaras dezhañ: Ha klevout a rez ar pezh a lavaront? Ya, a respontas Jezuz dezho. Ha n’hoc’h eus biskoazh lennet: Tennet ec’h eus meuleudi eus genoù ar vugale hag eus ar re a zo ouzh ar vronn?

Mazhev 9:15

Jezuz a lavaras dezho: Mignoned ar pried, ha gallout a reont en em c’hlac’hariñ e-pad ma’z emañ ar pried ganto? Met deizioù a zeuio ma vo lamet ar pried diganto, ha neuze e yunint.

1 Korintiz 7:5

N’en em dremenit ket an eil eus egile, nemet dre un asant graet etrezoc’h evit ur pennad, evit en em reiñ d’ar yun ha d’ar bedenn. Ha goude distroit asambles, gant aon na zeufe Satan d’ho temptañ dre ho tiouer a vestroni.

Jozue 7:13

Sav, santela ar bobl ha lavar: En em santelait a-benn warc'hoazh, rak evel-henn en deus lavaret an AOTROU , Doue Israel: Traoù lakaet da verz a zo en da greiz, Israel, ne c'helli ket derc'hel ouzh da enebourien, ken n'ho po lamet an traoù lakaet da verz eus ho touez.

Jozue 8:35

Ne voe netra a gement en doa gourc'hemennet Moizez, ha ne voe lennet gant Jozue dirak holl vodadenn Israel, gant ar gwragez, ar vugale hag an diavaezidi a gerzhe en o zouez.

1 Samuel 16:5

Hag e respontas: Evit ho mad. Deuet on da aberzhiñ d'an AOTROU . En em santelait, ha deuit ganin d'an aberzh. Hag e reas da Jese ha d'e vibien en em santelaat, hag o fedas d'an aberzh.