Joel 2:17 - Bibl Koad 21: Ar Bibl e Brezhoneg evit ar Vretoned

¹⁷ Ra ouelo etre ar porched hag an aoter an aberzhourien a ra servij an AOTROU, ha ra lavarint: AOTROU, espern da bobl! Na ro ket da hêrezh d'an dismegañs ha da c'hoap ar broadoù. Perak e vefe lavaret e-touez ar pobloù: Pelec'h emañ o Doue?

Joel 2:17 Referencias Cruzadas

1 Rouaned 6:3

Ar porched, dirak templ an ti, en doa ugent ilinad hirder, hervez ledander an ti, ha dek ilinad ledander dirak an ti.

1 Rouaned 9:7

me a lamo Israel a-ziwar an douar am eus roet dezhañ, me a daolo pell diouzhin an ti-mañ am eus santelaet da'm anv, hag Israel a vo ur vojenn hag ur goapaerezh e-touez an holl bobloù.

2 Danevelloù 7:20

me a ziframmo ac'hanoc'h eus va bro am eus roet deoc'h, me a daolo pell diouzhin an ti-mañ am eus santelaet da'm anv, hag e rin dezhañ bezañ ur vojenn hag ur goapaerezh e-touez an holl bobloù.

2 Danevelloù 8:12

Neuze Salomon a ginnigas loskaberzhoù d'an AOTROU, war aoter an AOTROU en doa savet dirak ar porched.

Nehemia 9:36

Setu, hiziv ez omp sklaved er vro az poa roet d'hon tadoù evit debriñ he frouezh hag he madoù. Ha setu ez omp sklaved enni.

Salmoù 115:2

Perak e lavarfe ar broadoù: Pelec'h eta emañ o Doue?

Salmoù 42:10

Lavarout a rin da Zoue, va roc'h: Perak ec'h eus va ankounac'haet? Perak e kerzfen en dristidigezh, dindan gwask an enebour?

Salmoù 42:11

Va eskern a zo brevet pa zismegañs va heskinerien ac'hanon, o lavarout bemdez: Pelec'h emañ da Zoue?

Salmoù 42:3

Va ene en deus sec'hed eus Doue, eus an Doue bev. Pegoulz ez in hag en em zalc'hin dirak dremm Doue?

Salmoù 42:4

Va daeroù a zo deuet da vara din deiz ha noz, e-pad ma lavarer din hep paouez: Pelec'h emañ da Zoue?

Salmoù 74:10

betek pegoulz, o Doue, e tismegañso ar gwasker, hag e tisprizo hep paouez an enebour da anv?

Salmoù 79:10

Perak e lavarfe ar broadoù: Pelec'h emañ o Doue? Ra en em ziskouezo dirak hon daoulagad, e-touez ar broadoù, veñjañs gwad da servijerien a zo bet skuilhet!

Salmoù 79:4

Bet omp en dismegañs d'hon amezeien, ur goapaerezh hag ur c'hoariell d'ar re a zo en-dro deomp.

Salmoù 89:41

Torret ec'h eus e holl glouedoù, dismantret ec'h eus e gastelloù-kreñv.

Salmoù 89:51

Az pez soñj, Aotrou, eus dismegañs da servijerien, penaos e tougan em bruched an dismegañs graet dre an holl bobloù bras-se.

Ermaeziadeg 34:9

Lavarout a reas: AOTROU , da bediñ a ran, mar em eus kavet trugarez dirak da zaoulagad, ra gerzho an AOTROU en hon touez, rak ur bobl eo a c'houzoug reut, pardon hon direizhder hag hor pec'hed, hon dalc'h evel da hêrezh.

Izaia 22:12

E-pad ma c'halve an Aotrou, AOTROU an armeoù, da ouelañ en deiz-se, da huanadiñ, da douzañ ho pennoù, da c'hourizañ ar sac'h,

Izaia 37:20

Bremañ eta AOTROU hon Doue, dieub ac'hanomp eus e zorn, evit ma ouezo holl rouantelezhioù an douar penaos out-te an AOTROU hepken.

Ezekiel 20:9

Koulskoude em eus graet abalamour da'm anv, evit na vefe ket disakret dirak daoulagad ar broadoù en em gave en o zouez, hag e oan en em roet dezho da anavezout dirazo, evit o zennet eus bro Ejipt.

Ezekiel 8:16

Hag e tegasas ac'hanon da leurenn an diabarzh eus ti an AOTROU, ha setu, e digor templ an AOTROU, etre ar porched hag an aoter, e oa war-dro pemp den warn-ugent o treiñ o c'hein da dempl an AOTROU, o dremm etrezek ar sav-heol, o stouiñ dirak an heol etrezek ar sav-heol.

Ozea 14:2

Kemerit ganeoc'h komzoù, ha distroit d'an AOTROU. Lavarit dezhañ: Pardon an holl zireizhder, hon degemer mat, kinnig a reomp dit evel aberzh koleoù meuleudi hor muzelloù.

Joel 1:13

En em c'hourizit ha dougit kañv, aberzhourien! Hirvoudit, servijerien an aoter! Deuit ha tremenit an noz gwisket a seier, servijerien va Doue! Rak difennet eo ouzh an donezon hag an evadkinnig dont e ti ho Toue.

Joel 1:9

An donezon hag an evadkinnig a zo lamet eus ti an AOTROU, an aberzhourien, servijerien an AOTROU, a zo e kañv.

Amoz 7:2

Ha pa voe echu dezho da zebriñ geot an douar, e lavaris: Aotrou AOTROU, pardon, me az ped! Penaos e padfe Jakob, rak bihan eo?

Amoz 7:5

Hag e lavaris: Aotrou AOTROU, paouez, me az ped! Penaos e padfe Jakob, rak bihan eo?

Mika 7:10

Va enebourez en gwelo, hag ar vezh he goloio, hi hag a lavare din: Pelec'h emañ an AOTROU da Zoue? Va daoulagad a welo anezhi, pa vo mac'het evel fank ar straedoù.

Malaki 1:9

Bremañ pedit eta dirak dremm Doue, evit m'en devo truez ouzhimp! Kement-se o tont eus ho taouarn, hag-eñ e tegemeri mat ac'hanoc'h? eme AOTROU an armeoù.

Niveroù 25:6

Ha setu un den eus mibien Israel a zeuas hag a zegasas d'e vreudeur ur Vadianadez, dindan daoulagad Moizez hag holl vodadenn mibien Israel, e-pad ma ouelent ouzh digor teltenn an engalv.

Mazhev 23:35

evit ma kouezho warnoc’h an holl wad reizh a zo bet skuilhet war an douar, adalek gwad Abel ar reizh betek gwad Zakaria mab Barakia, hoc’h eus lazhet etre an templ hag an aoter.

Mazhev 27:43

En em fiziout a rae e Doue, ra zieubo Doue anezhañ bremañ mar kar anezhañ, rak lavaret en deus: Me eo Mab Doue.

Adlezenn 28:37

E-touez an holl bobloù ma kaso an AOTROU ac'hanout en o c'hreiz, e vi ur souezh, ur goap hag ur godis.

Adlezenn 32:27

Met aon am eus rak goapaerezh an enebour, hag e c'hellfe en em douellañ o gwaskerien, hag e c'hellfent lavarout: Hon dorn a zo bet savet, ha n'eo ket an AOTROU en deus graet kement-se.

Jozue 7:9

Ar Gananeiz hag holl annezidi ar vro a glevo kement-se hag en em droint a-enep deomp, hag e lamint hon anv a-ziwar an douar. Ha petra a ri evit da anv bras?