Jeremiaz 2:17 - Bibl Koad 21: Ar Bibl e Brezhoneg evit ar Vretoned

¹⁷ Kement-se, ha ne c'hoarvez ket ganit dre ma ec'h eus dilezet an AOTROU da Zoue, e-pad ma rene ac'hanout dre an hent?

Jeremiaz 2:17 Referencias Cruzadas

1 Danevelloù 28:9

Ha te, Salomon va mab, anavez Doue da dad, servij-eñ gant ur galon eeun hag un ene youlus, rak an AOTROU a furch an holl galonoù hag a anavez pep mennad eus ar soñjoù. Mar klaskez anezhañ, e vo kavet ganit, met mar dilez anezhañ, ez taolo kuit da viken.

2 Danevelloù 15:2

hag ez eas da gavout Asa, hag e lavaras dezhañ: Asa hag holl Juda ha Benjamin, selaouit-me! An AOTROU a vez ganeoc'h pa vezit gantañ. Mar klaskit anezhañ, c'hwi en kavo; met mar dilezit anezhañ, eñ ho tilezo.

Levr Job 34:27

dre ma'z int en em zistroet dioutañ, ha n'o deus prederiet hini ebet eus e holl hentoù,

Levr Job 4:8

Me am eus gwelet penaos ar re a labour an direizhder hag a had ar boan, a ved ivez anezho.

Salmoù 107:7

O renet en deus dre an hent eeun, da gavout ur gêr da chom enni.

Salmoù 136:16

An hini en deus renet e bobl er gouelec'h, rak e drugarez a bad da viken,

Salmoù 77:20

Graet ec'h eus da hent er mor, da wenodennoù en doureier bras, ha da roudoù n'int ket bet anavezet.

Krennlavarioù 15:10

Ur c'hastiz rust a c'hortoz an hini a zilez ar wenodenn, hag an hini a gasa ar rebech a varvo.

Izaia 1:4

A! Broad pec'herez, pobl bec'hiet a zireizhder, gouenn drouk, mibien aet brein! Dilezet o deus an AOTROU, disprizet o deus Sant Israel, en em zistroet int war-dreñv.

Izaia 59:13

pec'hiñ ha gaouiadiñ a-enep an AOTROU, distreiñ diouzh hon Doue, komz diwar-benn gwask ha dispac'h, koñseviñ ha distagañ er galon komzoù gaouiat.

Jeremiaz 13:22

Ha mar lavarez ez kalon: Perak e c'hoarvez ganin an traoù-se? En abeg da vraster da zireizhder eo adsavet pastelloù da zilhad ha gwallgaset da seulioù.

Jeremiaz 19:4

Va dilezet o deus, diavaezet o deus al lec'h-mañ, kinniget o deus ennañ ezañs da zoueoù all n'anavezent ket, nag int nag o zadoù na rouaned Juda, leuniet o deus al lec'h-mañ a wad didamall,

Jeremiaz 2:13

Rak va fobl he deus graet div wech an droug: va dilezet o deus, me, mammenn an dour a vuhez, ha kleuzet o deus evito puñsoù, puñsoù skalfet na zalc'hont ket an dour.

Jeremiaz 2:19

Da zrougiezh az kastizo, da zianzavadur az kourdrouzo, hag e ouezi hag e weli ez eo un dra fall ha c'hwerv, ma az pefe dilezet an AOTROU da Zoue, ha ma ne vefe ket va doujañs ennout, eme an Aotrou AOTROU an armeoù.

Jeremiaz 4:18

Da hent ha da oberoù o deus degaset an traoù-se dit, frouezh da zrougiezh eo. Kement-se a zo c'hwerv, ya, tizhout a ra betek da galon.

Jeremiaz 44:3

en abeg d'an droug o deus graet evit va c'hounnariñ, o vont da ginnig ezañs ha da servijañ doueoù all, n'o deus ket anavezet, nag int, na c'hwi, nag ho tadoù.

Jeremiaz 5:25

Ho tireizhder en deus pellaet ar roidigezhioù-se, ho pec'hedoù o deus forc'het ac'hanoc'h eus ar madoù-se.

Ezekiel 39:24

Graet em eus dezho hervez o saotradur hag hervez o fec'hedoù, ha kuzhet em eus va dremm outo.

Ozea 13:9

Kollet out, Israel, en ur vezañ a-enep din, a-enep an hini a zo da sikour.

Mika 1:5

Kement-se holl en abeg da bec'hed Jakob, en abeg da bec'hedoù ti Israel. Pehini eo pec'hed Jakob? Ha n'eo ket Samaria? Pere eo uhellec'hioù Juda? Ha n'int ket Jeruzalem?

Niveroù 32:23

Ma ne rit ket evel-se, ho po pec'het a-enep an AOTROU, hag ho pec'hed a gavo ac'hanoc'h.

Adlezenn 32:10

E gavet en deus en ur vro distro, en ul lec'h digenvez ha dilezet d'ar yudadegoù. E c'hronnet en deus, eveshaet en deus outañ, diwallet en deus anezhañ evel e ibil-lagad,

Adlezenn 32:19

An AOTROU a welas kement-se, hag e voe hegaset, imoret dre e vibien hag e verc'hed.