Jeremiaz 2:18 - Bibl Koad 21: Ar Bibl e Brezhoneg evit ar Vretoned

¹⁸ Ha bremañ, petra ac'h eus d'ober war hent an Ejipt da evañ dour ar Shihor, ha petra ac'h eus d'ober war hent an Asiria da evañ dour ar stêr?

Jeremiaz 2:18 Referencias Cruzadas

2 Danevelloù 28:16

En amzer-se ar roue Akaz a gasas da gavout roue an Asiria, evit ma rofe sikour dezhañ.

Izaia 23:3

A-dreuz an doureier bras, ed Shihor hag eost ar stêr a oa he leve; hi a oa marc'hallac'h ar broadoù.

Izaia 31:1

Gwalleur d'ar re a ziskenn en Ejipt da glask sikour, d'ar re en em harp war gezeg, d'ar re a laka o fiziañs er c'hirri dre ma'z int kalz, hag er varc'hegerien dre ma'z int nerzhus, d'ar re na sellont ket ouzh Sant Israel ha na glaskont ket an AOTROU.

Izaia 7:20

En deiz-se ec'h aotenno an AOTROU gant un aotenn en devo feurmet en tu all d'ar stêr, gant roue Asiria, ar penn ha blev an treid, hag e lamo ivez ar barv.

Jeremiaz 2:36

Perak hastañ kement evit cheñch da hent? Bez' ez po mezh eus an Ejipt, evel ma ec'h eus bet mezh eus Asiria.

Jeremiaz 31:22

Betek pegeit e vi o kantren, merc'h disent? Rak an AOTROU a grou un dra nevez war an douar: ar vaouez a gildroenno en-dro d'ar gwaz.

Klemmganoù 4:17

Semplaet o deus hon daoulagad en gortoz aner eus ur skoazell. Eus hon tourioù hon eus sellet etrezek ur bobl na c'helle ket hor saveteiñ.

Klemmganoù 5:6

Astennet hon eus hon dorn war-zu Ejipt hag Asiria, evit kaout hor gwalc'h a vara.

Ezekiel 16:28

Gastaouet ec'h eus ivez gant mibien an Asiriz, dre ma ne'z poa ket da walc'h. Ya, gastaouet ec'h eus ganto, ha ne'c'h eus ket bet da walc'h c'hoazh.

Ezekiel 17:15

Met hemañ a zo en em savet a-enep dezhañ o kas kannaded d'an Ejipt, evit ma vefe roet dezhañ kezeg hag un niver bras a dud. Hag e raio berzh? Hag en em saveteo an hini a ra hevelep traoù? Torret en deus an emglev, hag e tec'hfe kuit?

Ezekiel 23:30

Graet e vo an traoù-se dit dre ma ec'h eus gastaouet e-kichen ar broadoù, dre ma ec'h eus en em saotret gant o idoloù.

Ozea 5:13

Efraim a welas e gleñved ha Juda e c'houli; Efraim a yeas etrezek Asiria, kaset eo bet etrezek ar roue Jareb, met ne c'hello nag ho yac'haat nag ho tieubiñ eus ho kouli.

Ozea 7:11

Efraim a zo evel ur goulm sot ha diskiant: gervel a reont an Ejipt, mont a reont da gavout Asiria.

Jozue 13:3

adalek ar Shihor a red a-dal d'an Ejipt betek harz Ekron war-zu an hanternoz, kontet evel Kananeat ez eus pemp penn-bras ar Filistined: hini Gaza, hini Asdod, hini Askalon, hini Gath hag hini Ekron; an Aviz