Adlezenn 4:28 - Bibl Koad 21: Ar Bibl e Brezhoneg evit ar Vretoned

²⁸ Hag e servijot eno doueoù graet gant daouarn an den, koad pe maen, na welont ket, na glevont ket, na zebront ket, na c'hweshaont ket.

Adlezenn 4:28 Referencias Cruzadas

2 Rouned 17:40

Met n'o deus ket selaouet, hag e rejont hervez o gizioù kentañ.

Izaia 26:14

Marv int ha ne vevint ket ken, aet int da get ha ne savint ket ken, o c'hastizet hag o distrujet ec'h eus, kaset ec'h eus zoken da netra o eñvor.

Izaia 44:11

Setu ma vo mezhek e holl genlabourerien, rak an oberourien-se n'int nemet tud. Ra en em zastumint ha ra en em ziskouezint holl, spouronet ha mezhekaet e vint holl!

Izaia 44:12

Ar gov a gemer ur vouc'hal, hag e labour gant glaou. Doareañ a ra gant morzholioù, labourat a ra dre nerzh e vrec'h, kement m'en deus naon ha ma'z eo dinerzh, n'ev ket a zour hag eo faezh.

Izaia 44:9

Oberourien ar skeudennoù kizellet n'int holl nemet netra, hag o oberennoù kaerañ ne servijont da vann ebet. Int o-unan a zo testoù a gement-se dezho: ne welont ket ha n'anavezont ket, evit ma vint mezhek.

Izaia 45:20

En em zastumit ha deuit, tostait a-unvan, c'hwi hag a zo en em dennet eus ar broadoù. N'anavezont netra ar re a zoug koad o skeudenn gizellet, hag a gas o fedenn d'un doue na savete ket.

Izaia 46:7

E zougen a reont, en sammont war o skoaz, en lakaont en e lec'h, hag e chomo eno hep fiñval eus e lec'h. Goude e youc'hint dezhañ, met ne responto ket ha ne saveteo ket eus an estrenvan.

Jeremiaz 10:3

Rak gizioù ar broadoù n'int nemet mogidelloù. Troc'het eo ur wezenn er goadeg, dorn ar micherour he labour gant ur vouc'hal,

Jeremiaz 10:5

Heñvel int ouzh ur peul krenn, ne gomzont ket, ret eo o dougen rak ne c'hellont ket kerzhout. N'ho pet ket aon razo, ne reont ket a zroug, evel ivez ne c'hellont ket ober a vad.

Jeremiaz 10:9

Arc'hant plaket degaset eus Tarsiz, hag aour eus Ufaz, a zo lakaet gant ur c'hizeller ha daouarn un orfebour. Al limestra hag an tane eo o dilhad. Holl int oberennoù tud ijinus.

Jeremiaz 16:13

Neuze e tezougin ac'hanoc'h eus ar vro-mañ d'ur vro n'hoc'h eus ket anavezet, na c'hwi nag ho tadoù, hag eno e servijot doueoù all, deiz ha noz, rak ne rin ket trugarez deoc'h.

Ezekiel 20:32

Netra ne c'hoarvezo eus ar pezh a zeu d'ho spered pa lavarit: Bez' e vimp evel ar broadoù hag evel tiegezhioù ar broioù, o servijout ar c'hoad hag ar maen.

Ezekiel 20:39

Ha c'hwi, ti Israel, evel-henn e komz an Aotrou AOTROU: Kit, servijit pep hini e idoloù! Met goude-se e selaouot, ha ne zisakrot ken anv va santelez dre ho profoù ha dre hoc'h idoloù.

Actou an Ebestel 19:26

hag e welit hag e klevit penaos, n’eo ket en Efez hepken met kazi en Azia a-bezh, en deus ar Paol-se gounezet ha distroet kalz a dud, o lavarout n’int ket doueoù ar re a zo graet gant daouarn an dud.

Actou an Ebestel 7:42

Met Doue a zistroas diouto hag o lakaas da servijañ armead an neñv, evel ma’z eo skrivet e levr ar brofeded: Ti Israel, ha din-me eo hoc’h eus kinniget profoù-loened hag aberzhoù e-pad daou-ugent vloaz el lec’h distro?

Adlezenn 28:36

An AOTROU a raio dit kerzhout, gant da roue az po lakaet warnout, etrezek ur bobl na'z po ket anavezet, na te na da dadoù, hag e serviji eno doueoù all, koad ha maen.

Adlezenn 28:64

An AOTROU a stlabezo ac'hanout e-touez an holl bobloù, adalek penn an douar betek dibenn an douar, hag e serviji eno doueoù all na'z po ket anavezet, na te na da dadoù, koad ha maen.

Adlezenn 29:17

Gwelet hoc'h eus o zraoù euzhus hag o doueoù, koad, maen, arc'hant, aour, a zo en o zouez.

Apocalyps 9:20

Ar peurrest eus an dud, ar re ne voent ket lazhet gant ar goulioù-mañ, n’o doe ket keuz eus oberoù o daouarn evit paouez da azeuliñ an diaouled hag an idoloù aour, arc’hant, arem, maen ha koad, na c’hellont na gwelout, na klevout, na kerzhout.

1 Samuel 26:19

Ha bremañ, ra selaouo va aotrou roue komzoù e servijer. Mard eo an AOTROU a vount ac'hanout a-enep din, ra vo da zonezon plijus dezhañ, met mard eo an dud, ra vint milliget dirak an AOTROU , rak va c'haset o deus kuit hiziv, evit ma ne c'hellin ket bezañ staget ouzh hêrezh an AOTROU , en ur lavarout: Kae ha servij doueoù estren.