Adlezenn 23:19 - Bibl Koad 21: Ar Bibl e Brezhoneg evit ar Vretoned

¹⁹ Ne bresti ket da'z preur war gampi, na kampi arc'hant na kampi boued na kampi eus petra bennak a c'heller tennañ kampi gantañ.

Adlezenn 23:19 Referencias Cruzadas

Salmoù 15:5

an hini na brest ket e arc'hant evit tennañ gounid ha na gemer ket profoù a-enep an den didamall. An hini a ra an traoù-se ne vo biken brañsellet.

Ermaeziadeg 22:25

Mar prestez arc'hant da'm fobl, d'ar gwalleürus a zo ganit, ne raio ket gantañ evel ur c'hredour, ne lakai ket warnañ a gampi.

Izaia 24:2

Hag e vo gant an aberzhour evel gant ar bobl, gant ar mestr evel gant ar servijer, gant ar vestrez evel gant ar vatezh, gant ar gwerzher evel gant ar prener, gant ar prester evel gant an amprester, gant ar c'hredour evel gant an dleour.

Jeremiaz 15:10

Gwalleur din, o va mamm, dre ma ec'h eus va ganet evit bezañ un den a stourm hag un den a dabut d'an holl vro! Ne brestan netra, n'amprestan netra, ha koulskoude pep hini a villig ac'hanon.

Ezekiel 18:13

ma prest gant kampi, ma kemer en tu all d'ar pezh a zo dleet dezhañ, daoust hag e vevo? Ne vevo ket. Ober a ra an holl euzhusterioù-se, a-dra-sur e varvo, hag e wad a vo warnañ.

Ezekiel 22:12

degemeret eo bet donezonoù en da greiz evit skuilhañ gwad, kemeret ac'h eus kampi hag uzurerezh, diwisket ac'h eus da nesañ gant feulster, ha me, va ankounac'haet ec'h eus, eme an Aotrou AOTROU.