Adlezenn 23:20 - Bibl Koad 21: Ar Bibl e Brezhoneg evit ar Vretoned

²⁰ D'an diavaeziad e c'helli prestañ war gampi, met ne bresti ket da'z preur war gampi, evit ma vennigo ac'hanout an AOTROU da Zoue e kement labour a ri gant da zaouarn, er vro ma'z ez e-barzh d'he ferc'hennañ.

Adlezenn 23:20 Referencias Cruzadas

Nehemia 5:7

Kemer a ris ar mennozh start da c'hourdrouz ar re vras hag ar renerien, hag e lavaris dezho: Prestañ a rit war gampi an eil d'egile! Hag e c'halvis a-enep dezho ur vodadeg vras.

Salmoù 15:5

an hini na brest ket e arc'hant evit tennañ gounid ha na gemer ket profoù a-enep an den didamall. An hini a ra an traoù-se ne vo biken brañsellet.

Ermaeziadeg 22:24

va fulor en em dano hag ho lazhin dre ar c'hleze, ho kwragez a vo intañvezed hag ho pugale emzivaded.

Ermaeziadeg 22:25

Mar prestez arc'hant da'm fobl, d'ar gwalleürus a zo ganit, ne raio ket gantañ evel ur c'hredour, ne lakai ket warnañ a gampi.

Krennlavarioù 19:17

An hini en deus truez ouzh ar paour a brest d'an AOTROU, hag eñ a rento dezhañ e vadober.

Izaia 1:19

Mar fell deoc'h sentiñ a-youl-vat, e tebrot an traoù gwellañ eus ar vro,

Izaia 24:2

Hag e vo gant an aberzhour evel gant ar bobl, gant ar mestr evel gant ar servijer, gant ar vestrez evel gant ar vatezh, gant ar gwerzher evel gant ar prener, gant ar prester evel gant an amprester, gant ar c'hredour evel gant an dleour.

Ezekiel 18:8

na brest ket gant kampi, na gemer ket en tu all d'ar pezh a zo dleet dezhañ, a zistro e zorn diouzh an direizhder, a varn gant wirionez etre un den hag unan all,

Leviegezh 25:36

Ne denni dioutañ na kampi na uzurerezh, doujañ a ri da Zoue, ha da vreur a vevo en da gichen.

Sant Lucas 14:14

hag e vi eürus dre ma ne c’hellont ket e rentañ dit. Rak rentet e vo dit en adsavidigezh ar re reizh.

1 Korintiz 15:58

Evel-se, va breudeur karet-mat, bezit start, divrall, o labourat muioc’h-muiañ en oberenn an Aotrou, oc’h anavezout penaos n’eo ket didalvoud ho labour en Aotrou.

Adlezenn 14:21

Ne zebrot ket ul loen marvet anezhañ e-unan; e reiñ a ri d'an diavaeziad a vo e-barzh da zorojoù hag eñ en debro, pe en gwerzhi d'un diavaeziad, rak ur bobl santel ez out evit an AOTROU da Zoue. Ne boazhi ket ar menn-gavr e laezh e vamm.

Adlezenn 15:10

A-dra-sur e roi dezhañ, ha da galon ne vo ket dilaouen, rak abalamour da-se an AOTROU da Zoue a vennigo ac'hanout ez holl labourioù, e kement a ri gant da zaouarn.

Adlezenn 15:3

Bez' e c'helli hastañ an diavaeziad, met diwar-benn ar pezh a zo dit gant da vreur, en em zistardi eus da wirioù.

Adlezenn 28:12

An AOTROU a zigoro dit e deñzor mat, an neñv, evit reiñ ar glav da'z touar en e amzer hag evit bennigañ kement a ri gant da zaouarn; hag e presti da galz a bobloù, n'ampresti ket.