Adlezenn 15:14 - Bibl Koad 21: Ar Bibl e Brezhoneg evit ar Vretoned

¹⁴ te a roio dezhañ eus da dropell, eus da leur hag eus da waskell, eus ar madoù en devo an AOTROU da venniget drezo.

Adlezenn 15:14 Referencias Cruzadas

Nehemia 8:10

Hag e lavarjont dezho: Kit, debrit kig lart hag evit traoù dous, kasit lodennoù d'ar re n'o deus aozet netra, rak an deiz-mañ a zo santelaet d'hon Aotrou; na vezit ket eta glac'haret, rak levenez an AOTROU eo ho nerzh.

Salmoù 112:9

Skuilhet en deus, roet en deus d'ar beorien, e reizhder a bad da viken hag e benn a sav gant gloar.

Salmoù 68:10

Skuilhet ec'h eus ur glav madoberus, o Doue, rentet ec'h eus nerzh da'z hêrezh skuizhet.

Krennlavarioù 10:22

Bennozh an AOTROU eo a binvidika, ha n'eus ket muioc'h a boan ganti.

Actou an Ebestel 20:35

Diskouezet em eus deoc’h en holl draoù penaos en ur labourat evel-se ez eo ret sikour ar re wan ha kaout soñj eus gerioù an Aotrou Jezuz, en deus lavaret e-unan: Muioc’h a eürusted a zo o reiñ eget o resev.

1 Korintiz 16:2

Pep deiz kentañ eus ar sizhun, ra lakaio a-du pep hini ac’hanoc’h en e di un dra bennak, o tastum ar pezh a c’hello hervez e c’hounid, evit na c’hortozor ket ken ma vin erru evit ober ar c’hestoù.

Adlezenn 15:13

Pa gasi anezhañ frank eus da di, n'en kasi ket kuit er c'houllo,

Adlezenn 15:15

Dalc'h soñj ez out bet sklav e bro Ejipt, hag en deus dasprenet ac'hanout an AOTROU da Zoue, setu perak e roan dit ar gourc'hemenn-mañ hiziv.