Adlezenn 15:15 - Bibl Koad 21: Ar Bibl e Brezhoneg evit ar Vretoned

¹⁵ Dalc'h soñj ez out bet sklav e bro Ejipt, hag en deus dasprenet ac'hanout an AOTROU da Zoue, setu perak e roan dit ar gourc'hemenn-mañ hiziv.

Adlezenn 15:15 Referencias Cruzadas

2 Samuel 7:23

Ha bez' ez eus war an douar ur vroad heñvel ouzh da bobl, heñvel ouzh Israel, a zo bet dasprenet gant Doue evit ober anezhi e bobl, evit ober dezhañ un anv, hag evit ober ez keñver hag e-keñver da vro traoù bras ha spontus, en ur gas kuit dirak da bobl ac'h eus dasprenet evidout eus an Ejipt, broadoù hag o doueoù?

Ermaeziadeg 20:2

Me eo an AOTROU da Zoue, en deus tennet ac'hanout eus bro Ejipt, eus an ti sklavelezh.

Izaia 51:1

Selaouit ouzhin, c'hwi hag a red war-lerc'h ar reizhder, c'hwi hag a glask an AOTROU. Sellit ouzh ar roc'h ez oc'h bet kizellet diouti, ouzh ar vengleuz ez oc'h bet tennet anezhi.

Jeremiaz 16:14

Setu perak e teu an deizioù, eme an AOTROU, ma ne vo ken lavaret: An AOTROU a zo bev, eñ hag en deus graet da vibien Israel pignat kuit eus bro Ejipt,

Efeziz 1:7

Ennañ hon eus an dasprenadur dre e wad, ar pardon eus ar pec’hedoù, hervez pinvidigezhioù e c’hras

Efeziz 2:12

c’hwi a oa en amzer-se hep Krist, diavaezidi da gumuniezh Israel, estrañjourien e-keñver emglevioù ar bromesa, hep esperañs hag hep Doue er bed.

Efeziz 4:32

Bezit mat an eil e-keñver egile, madelezhus, o pardoniñ an eil d’egile, evel m’en deus Doue pardonet deoc’h ivez e Krist.

Adlezenn 15:14

te a roio dezhañ eus da dropell, eus da leur hag eus da waskell, eus ar madoù en devo an AOTROU da venniget drezo.

Adlezenn 15:16

Mar lavar dit: Ned in ket eus da di, rak karout a ra ac'hanout ha da diegezh hag en em gav mat ganit,

Adlezenn 16:12

Dalc'h soñj ez out bet sklav e bro Ejipt, mirout a ri ar reolennoù-mañ hag e ri diouto.

Titus 2:14

a zo en em roet e-unan evit hon dasprenañ a bep direizhder hag evit hor glanaat, evel ur bobl a zo dezhañ e-unan, gredus evit an oberoù mat.

1 Yann 3:16

E kement-mañ eo hon eus anavezet ar garantez: roet en deus e vuhez evidomp. Ni ivez a dle reiñ hor buhez evit ar vreudeur.