1 Samuel 13:6 - Bibl Koad 21: Ar Bibl e Brezhoneg evit ar Vretoned

⁶ Tud Israel a welas e oant en ur blegenn fall, rak ar bobl a oa spouronet. Ar bobl en em guzhas er c'hevioù, er bodennoù, e-touez ar reier, el lec'hioù kreñv hag er puñsoù.

1 Samuel 13:6 Referencias Cruzadas

2 Samuel 24:14

David a respontas da C'had: Me a zo en un enkrez bras. Ra gouezhin bremañ etre daouarn an AOTROU, rak e drugarezioù a zo bras, ha ma ne gouezhin ket etre daouarn an dud.

Izaia 42:22

Ha setu ur bobl preizhataet ha diwisket; emaint holl chadennet e toulloù, kuzhet e toulloù-bac'h; deuet int da vezañ ur preizh ha nikun na zieub anezho, un diwisk ha den na lavar: Daskor!

Jeremiaz 41:9

Ar puñs ma taolas ennañ Ismael korfoù marv an dud en doa lazhet da-geñver Gedalia, eo an hini en doa graet ar roue Asa p'en doe aon dirak Baesha roue Israel. Hag Ismael mab Netania a leunias ar puñs-se a dud lazhet.

Ezekiel 33:27

Lavar dezho: Evel-henn e komz an Aotrou AOTROU: Me a zo bev, tud al lec'hioù gwastet-mañ a gouezho dre ar c'hleze, hag e roin d'al loened ar re a zo er parkeier, evit ma tebrint anezho, ar re a zo er c’hreñvlec’hioù hag er vougevioù a varvo dre ar vosenn.

Filipiz 1:23

Gwasket on eus an daou du, o kaout ar c’hoant da zilojañ ha da vezañ gant Krist, ar pezh a vefe kalz gwelloc’h din,

Hebreed 11:38

int ha ne oa ket ar bed dellezek anezho, o kildreiñ el lec’hioù distro ha war ar menezioù, e mougevioù ha toulloù an douar.

Jozue 8:20

Tud Ai, o sellout war o lerc'h, a sellas moged kêr a bigne war-zu an neñv. N'o doa ket tu da dec'hout amañ pe ahont. Hag ar bobl a dec'he war-zu ar gouelec'h en em droas a-enep ar re a yae war o lerc'h,

Ar Varnerien 10:9

Mibien Ammon a dremenas ar Jordan evit stourm ivez a-enep Juda, a-enep Benjamin hag a-enep ti Efraim. Hag e voe Israel en un estrenvan vras.

Ar Varnerien 20:41

Ha tud Israel a zeuas en-dro, ha tud Benjamin a voe spouronet o welout ar c'holl a yae d'o zapout.

Ar Varnerien 6:2

Dorn Madian a voe galloudus a-enep Israel. En abeg d'ar Vadianiz, mibien Israel a reas kevioù er menezioù, ha mougevioù ha kreñvlec'hioù.

1 Samuel 13:15

Ha Samuel a savas hag a bignas eus Gilgal da C'hibea-Benjamin. Saül a niveras ar bobl en em gave gantañ, hag a oa war-dro c'hwec'h kant den.

1 Samuel 14:11

En em ziskouez a rejont eta o-daou da warded ar Filistined, hag ar Filistined a lavaras: Setu an Hebreed a zeu er-maez eus an toulloù ma oant kuzhet enno.

1 Samuel 14:22

An holl Israeliz hag a oa kuzhet war venez Efraim, o klevout e tec'he ar Filistined, a grogas da redek ivez war o lerc'h evit o c'hannañ.

1 Samuel 23:19

Ha tud Zif a bignas da gavout Saül e Gibea, hag e lavarjont dezhañ: David, ha n'en em zalc'h ket kuzhet en hon touez, e kreñvlec'hioù, er goadeg, war grec'h Hakila a zo e kreisteiz al lec'h distro?

1 Samuel 24:3

Dont a reas e klozioù deñved, tost ouzh an hent, hag e oa eno ur c'hev. Mont a reas Saül ennañ evit e ezhommoù. David hag e dud a oa e foñs ar c'hev.

1 Samuel 31:7

Re Israel a oa en tu all d'an draonienn hag en tu all d'ar Jordan, o welout e tec'he tud Israel hag e oa marvet Saül hag e vibien, a zilezas o c'hêrioù hag a dec'has. Hag ar Filistined a zeuas da chom enno.

1 Samuel 7:7

Pa glevas ar Filistined e oa dastumet mibien Israel e Mizpa, priñsed ar Filistined a bignas a-enep Israel. Ha pa glevas mibien Israel kement-mañ, o doe aon dirak ar Filistined.