1 Samuel 13:7 - Bibl Koad 21: Ar Bibl e Brezhoneg evit ar Vretoned

⁷ Hebreed 'zo hag a dremenas ar Jordan evit mont da vro Gad ha Galaad. Koulskoude Saül a oa c'hoazh e Gilgal, hag an holl bobl a yae war e lerc'h a oa o krenañ.

1 Samuel 13:7 Referencias Cruzadas

Leviegezh 26:17

me a lakaio va dremm a-enep deoc’h, pilet e viot gant hoc’h enebourien, ar re a gasa ac’hanoc’h ho mestronio hag e tec’hot hep den o redek war ho lerc’h.

Adlezenn 20:8

An ofiserien a gendalc'ho da gomz ouzh ar bobl o lavarout: Piv en deus aon hag a zo digalon? Ra yelo kuit ha ma tistroio d'e di, gant aon na zeufe kalonoù e vreudeur da deuziñ evel e hini.

Adlezenn 28:25

An AOTROU a lakaio ac'hanout da vezañ pilet gant da enebourien; mont a ri a-enep dezho dre un hent, hag e tec'hi a-zirazo dre seizh hent, hag e vi stlabezet dre holl rouantelezhioù an douar.

Adlezenn 3:12

En amzer-se hon eus kemeret dalc'h eus ar vro-se. Roet em eus d'ar Rubeniz ha d'ar C'hadiz an douaroù adalek Aroer, a zo war froud Arnon, hag an hanter eus menez Galaad gant e gêrioù.

Jozue 13:11

ha Galaad, ha douaroù ar C'heshurianed hag ar Vaakatianed, hag holl Venez Hermon, ha Basan en e bezh betek Salka,

Jozue 13:8

An hanter all, ar Rubeniz hag ar C'hadiz o deus bet o hêrezh, en deus roet Moizez dezho en tu all d'ar Jordan er sav-heol, evel m'en deus roet dezho Moizez servijer an AOTROU ,

Ar Varnerien 7:3

Bremañ eta embann kement-mañ ouzh divskouarn ar bobl en ur lavarout: An hini a zo spontik hag en deus aon, ra zistroio ha ra bellaio gant frankiz diouzh menez Galaad. Daou vil warn-ugent a-douez ar bobl a zistroas, hag e vanas dek mil anezho.

1 Samuel 13:8

Hag e c'hortozas seizh deiz, hervez an amzer merket gant Samuel. Met Samuel ne zeue ket da C'hilgal, hag ar bobl a bellae dioutañ.

1 Samuel 17:11

Saül hag an holl Israeliz a glevas komzoù ar Filistin, hag e voent spouronet hag o doe un aon bras.

1 Samuel 31:7

Re Israel a oa en tu all d'an draonienn hag en tu all d'ar Jordan, o welout e tec'he tud Israel hag e oa marvet Saül hag e vibien, a zilezas o c'hêrioù hag a dec'has. Hag ar Filistined a zeuas da chom enno.