1 Samuel 13:5 - Bibl Koad 21: Ar Bibl e Brezhoneg evit ar Vretoned

⁵ Hag ar Filistined en em zastumas evit ober brezel da Israel, gant tregont mil karr ha c'hwec'h mil marc'heger, hag ur bobl niverus evel an traezh a zo war vord ar mor. Pignat a rejont hag e kampjont e Mikmash, ouzh sav-heol Bet-Aven.

1 Samuel 13:5 Referencias Cruzadas

Geneliezh 22:17

me a vennigo ac'hanout a-dra-sur, hag e kreskin da lignez a-dra-sur evel stered an neñvoù hag evel an traezh a zo war vord ar mor, ha da'z lignez e vo dalc'h dor hec'h enebourien.

2 Samuel 17:11

Aliañ a ran neuze ma vefe dastumet holl Israel en-dro dit, adalek Dan betek Beer-Sheba, ken niverus hag an traezh a zo war vord ar mor, ha ma'z afes-te da-unan d'an emgann.

1 Rouaned 20:27

Mibien Israel a voe ivez niveret ha pourvezet a voued, hag e kerzhjont war-arbenn dezho. Mibien Israel a gampas dirazo, heñvel ouzh daou dropell givri; hogen ar Siriz a leunie ar vro.

2 Danevelloù 1:9

Bremañ, AOTROU Doue, ra vo sevenet ar gomz ac'h eus lavaret da Zavid va zad, rak va lakaet ec'h eus da roue war ur bobl niverus evel poultr an douar.

Izaia 10:28

Deuet eo da Ayad, tremenet eo dre Vigron, lezet en deus e bakad e Mikmash,

Izaia 48:19

da lignez a vije evel an traezh, ha diskennidi da gof evel e c'hreun, da anv ne vije ket bet lamet na diverket a-zirazon.

Jeremiaz 15:8

Liesaat a rin o intañvezed, muioc'h eget traezh ar morioù, kas a rin warno, war vamm an den yaouank, an distrujer e-kreiz an deiz, hag e rin kouezhañ buan warni an enkrez hag ar spont.

Ozea 10:5

Tud Samaria a vo spouronet abalamour da leueoù Betaven. Rak ar bobl a raio kañv warno, hag o aberzhourien a greno evit o gloar a ya da vont kuit eus o c'hreiz.

Ozea 4:15

Mar gastaouez, Israel, ra ne zeuio ket Juda da vezañ kablus. N'it ket da C'hilgal, na bignit ket da Vetaven, ha na douit ket: An AOTROU a zo bev!

Ozea 5:8

Sonit ar shofar e Gibea, sonit an drompilh e Rama, laoskit kriadennoù e Betaven, emaomp war da lerc'h, Benjamin!

Romaned 9:27

Izaia ivez a sav e vouezh diwar-benn Israel: Pa vefe niver mibien Israel evel traezh ar mor, un nemorant hepken a vo salvet.

Jozue 11:4

Mont a rejont er-maez gant o holl luioù, ur bobl diniver, ken niverus hag an traezh a zo war ribl ar mor, gant kezeg ha kirri niverus-meurbet.

Jozue 18:12

O harz hanternoz a yae adalek ar Jordan, hag e pigne war gostez hanternoz Jeriko, hag e pigne er menez war-zu ar c'huzh-heol, hag e tape gouelec'h Betaven,

Jozue 7:2

Jozue a gasas tud eus Jeriko da Ai, e-kichen Betaven, e sav-heol da Vetel, hag a lavaras dezho: Pignit da spiañ ar vro. An dud a bignas hag a spias Ai.

Ar Varnerien 7:12

Madian, Amalek ha mibien ar reter a oa strewet en traonienn niverus evel kilheien-raden, hag o c'hañvaled a oa diniver evel an traezh a zo war aod ar mor, kement e oa anezho.

1 Samuel 13:11

Samuel a lavaras: Petra ac'h eus graet? Saül a respontas: Pa em eus gwelet e pellae ar bobl diouzhin, ha ne zeues ket d'an deiz merket, hag e oa en em zastumet ar Filistined e Mikmash,

1 Samuel 13:2

Saül a zibabas tri mil den a-douez Israel. Bez' e oa daou vil gantañ e Mikmash ha war venez Betel, ha mil gant Jonatan e Gibea-Benjamin. Hag e kasas nemorant ar bobl, pep hini d'e deltenn.

1 Samuel 14:23

En deiz-se an AOTROU a zieubas Israel, hag an emgann en em astennas betek Bet-Aven.

1 Samuel 14:52

E-pad holl amzer Saül, e voe brezelioù garv a-enep ar Filistined. Pa wele Saül ur brezelour kalonek, en kemere en e gichen.

1 Samuel 17:1

Ar Filistined a zastumas o armeoù evit ar brezel, hag en em zastumjont e Soko, a zo e Juda, hag e kampjont etre Soko hag Azeka en Efes-Dammim.

1 Samuel 7:13

Ar Filistined a oa izelaet, ha ne zeujont ken war zouaroù Israel. Hag e voe dorn an AOTROU a-enep ar Filistined e-pad holl amzer Samuel.